3 રૂપિયાથી 1200 પાર પહોંચ્યો આ સ્ટોક, 25000 લગાવનારા બન્યા કરોડપતિ

શેર માર્કેટના જાણકાર કહે છે કે, જો મોટી રકમ કમાવી હોય તો યોગ્ય સ્ટોક પર દાવ લગાવવા સાથે તેના પર લોંગ ટર્મ હોલ્ડિંગ પણ બનાવી રાખો. એવા ઘણા શેર છે, જેમણે 8 વર્ષ અને 10 વર્ષમાં પોતાના રોકાણકારોને કરોડપતિ બનાવી દીધા છે. તેમાંથી એક સ્ટોક છે કમ્યૂનિકેશન્સ કંપની ટાનલા પ્લેટફોર્મ્સના શેર આજે દબાવમાં નજરે પડી રહ્યા, પરંતુ લોંગ ટર્મમાં આ સ્ટોકે પોતાના રોકાણકારોને જોરદાર રિટર્ન આપ્યું છે. લોંગ ટર્મના રોકાણકારોને આ સ્ટોકે કરોડપતિ બનાવી દીધા છે. 10 વર્ષમાં આ સ્ટોકે 25 હજાર રૂપિયાનું રોકાણ કરનારા લોકોને કરોડપતિ બનાવી દીધા છે.

શુક્રવારે આ સ્ટોક 0.44 ટકાની સામાન્ય તેજી સાથે 1,220 રૂપિયા પર બંધ થયો. ટાનલા પ્લેટફોર્મ્સના શેર 26 જુલાઇ 2013ના રોજ 3.05 રૂપિયા પર વેચાઈ રહ્યા હતા, પરંતુ હવે તે 1,200 રૂપિયાના આંકડાને પાર કરી ગયા છે. એટલે કે ત્યારે કોઈ રોકાણકારે આ સ્ટોક પર 25 હજાર રૂપિયાનો દાવ લગાવ્યો હોત, તો આજે તે કરોડપતિ બની વાયો હોત. જો કે, ટાનલા પ્લેટફોર્મના શેરોએ શોર્ટ ટર્મમાં પણ પોતાના રોકાણકારોને બમ્પર રિટર્ન આપ્યું છે. આ વર્ષે 27 માર્ચના ઓજ આ સ્ટોક 506 રૂપિયા પર પોતાના એક વર્ષના નીચલા સ્તર પર હતો.

માર્ચ બાદ આ સ્ટોકમાં ખરીદાદારી વધી અને તે 4 મહિનામાં જ 160 ટકા ઉછળીને 24 જુલાઇ 2023ના રોજ પોતાના એક વર્ષના હાઇ લેવલ 1317.70 રૂપિયા પર પહોંચી ગયો. ત્યારબાદ નફા વસૂલીના કારણે સ્ટોકની ગતિ ધીમી થઈ અને તે માત્ર 2 દિવસમાં 5 ટકા તૂટી ગયો. ટાનલા પ્લેટફોર્મના શેરોમાં આવેલા ઘટાડાને ઘરેલુ બ્રોકરેજ ફાર્મ રોકાણકારો માટે અવસર બનાવતા રહ્યા છે. તેમનું કહેવું છે કે આ સ્ટોકમાં રોકાણ કરવાનો આ ગોલ્ડન ચાન્સ છે.

જૂનના ત્રિમાસિકમાં ટાનલા પ્લેટફોર્મની રેવન્યૂના આધાર પર 9.3 ટકાના દરથી વધી છે. તે છેલ્લા 7 ત્રિમાસિકમાં સૌથી વધુ ગ્રોથ છે. જૂનના ત્રિમાસિકમાં કંપનીને 916.17 કરોડ રૂપિયાની રેવન્યૂ હાંસલ થઇ છે. આ દરમિયાન ટાનલા પ્લેટફોર્મનો નફો 12.57 ટકા ઉછળીને 135.40 કરોડ રૂપિયા પર પહોંચી ગયો છે. ટાનલા પ્લેટફોર્મ્સ કમ્પ્યુટર સોફ્ટવેર ડેવલપ કરે છે. કંપની મેસેજિંગ, વોઇસ, ઈન્ટરનેટ અને અન્ય ક્લાઉડ કમ્યૂનિકેશન સોલ્યૂશન પ્રોવાઈડ કરે છે. એ સિવાય કંપની એડવાન્સ ટેક્નોલોજી અને પ્રોડક્ટ્સ ડેવલપ અને ડિલિવર કરે છે. એક્સચેન્જ પર ઉપલબ્ધ આંકડાઓ મુજબ, કંપનીના મેજોરિટી શેર પબ્લિક પાસે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.