બિહાર શિક્ષણ વિભાગના અધિક મુખ્ય સચિવ K K પાઠકે તમામ જિલ્લા મેજિસ્ટ્રેટને બિહાર કોચિંગ ઇન્સ્ટિટ્યૂટ એક્ટ 2020નું કડકપણે પાલન કરવાનો આદેશ આપ્યો છે. છોકરાઓ અને છોકરીઓએ શાળામાં 75% હાજરી નોંધાવવી આવશ્યક છે, અન્યથા તેમને બિહાર બોર્ડની પરીક્ષામાં બેસવા દેવામાં આવશે નહીં.
બિહાર સરકારના શિક્ષણ વિભાગે મનસ્વી રીતે ચાલતી કોચિંગ સંસ્થાઓ પર કાર્યવાહી કરવાની તૈયારી શરૂ કરી દીધી છે. બિહાર શિક્ષણ વિભાગના અધિક મુખ્ય સચિવ K. K. પાઠકે સરકારી શાળાઓમાં વિદ્યાર્થીઓની સતત ઘટતી હાજરી અંગે ઘણા મહત્વપૂર્ણ નિર્ણયો લીધા છે, જેમાં રાજ્યમાં ચાલતા કોચિંગ સેન્ટરોના સમયનો પણ સમાવેશ થાય છે.
હકીકતમાં, બિહારમાં મોટાભાગની કોચિંગ સંસ્થાઓ સવારે 9 વાગ્યાથી શરૂ થઇ જાય છે, જેના કારણે ઘણા વિદ્યાર્થીઓ અને વિદ્યાર્થીનીઓ શાળાએ જતા નથી અને અભ્યાસ કરવા માટે કોચિંગ સંસ્થાઓ સુધી પહોંચે છે. જેના કારણે સરકારી શાળાઓમાં વિદ્યાર્થીઓની હાજરી ખૂબ જ ઘટી રહી છે. ખાસ કરીને ધોરણ 9 થી 12ના વિદ્યાર્થીઓની હાજરી ઘટી રહી છે. આને ધ્યાનમાં રાખીને K.K. પાઠકે તમામ જિલ્લા અધિકારીઓને પત્ર લખીને આદેશ આપ્યો છે કે, વિદ્યાર્થીઓ શાળાએ સમયસર જઈ શકે તે માટે તેમના જિલ્લામાં સવારે 9 થી સાંજના 4 વાગ્યાની વચ્ચે કોઈ કોચિંગ ઈન્સ્ટિટ્યૂટ ચાલવા દેવી જોઈએ નહીં.
K.K.પાઠકે તમામ જિલ્લા મેજિસ્ટ્રેટને લખેલા પત્રમાં એવો મુદ્દો પણ ઉઠાવ્યો છે કે, મોટાભાગના સરકારી શિક્ષકો કોચિંગ ઈન્સ્ટિટ્યૂટમાં જઈને અભ્યાસ કરાવે છે અને કેટલીક કોચિંગ ઈન્સ્ટિટ્યૂટ ચલાવવામાં તેમની પણ પ્રત્યક્ષ કે પરોક્ષ ભૂમિકા રહેતી હોય છે. તેમણે તમામ જિલ્લા મેજિસ્ટ્રેટને બિહાર કોચિંગ ઇન્સ્ટિટ્યૂટ એક્ટ 2020નું કડકપણે પાલન કરવાનો આદેશ આપ્યો છે. છોકરાઓ અને છોકરીઓની શાળામાં 75% હાજરી નોંધાવવી જોઈએ, અન્યથા તેમને બિહાર બોર્ડની પરીક્ષામાં બેસવા દેવામાં આવશે નહીં, જેમ કે બિહાર શાળા પરીક્ષા બોર્ડમાં આ નિયમ પહેલાથી જ છે.
અહીં તમને જણાવી દઈએ કે, બિહારમાં શિક્ષણ વિભાગનો હવાલો સંભાળ્યા પછી K.K. પાઠક તાત્કાલિક ઘણા કડક નિર્ણયો લઈ રહ્યા છે, જેમાં 1 જુલાઈથી તમામ સરકારી શિક્ષકો માટે શાળાએ પહોંચવું અને ઓનલાઈન હાજરી પુરાવવી ફરજિયાત કરી દેવામાં આવી છે. આ સાથે, તેઓ બિહારની ઘણી શાળાઓનું સતત ઓચિંતું નિરીક્ષણ પણ કરી રહ્યા છે અને તમામ જિલ્લા અધિકારીઓને અઠવાડિયામાં એક કે બે દિવસ શાળાઓનું ઓચિંતું નિરીક્ષણ કરવાની સૂચનાઓ આપી દીધી છે.
13.jpg)
15.jpg)
