'અમારે ગંદી જમીન પર બેસવું પડે છે...', આ બાળકીએ PM મોદીને કરી ફરિયાદ, જુઓ વીડિયો

સોશિયલ મીડિયાનો જમાનો છે અને દરેક વ્યક્તિ પોતાની વાત સહેલાઈથી સૌથી મોટા અધિકારી કે રાજનેતાની સામે મૂકી શકે છે. ઘણી વખત લોકોની મોટી સમસ્યાઓ પણ આના દ્વારા હલ કરવામાં આવી છે. તેવી જ રીતે એક નાની છોકરીએ પણ સોશિયલ મીડિયા દ્વારા સીધી PM નરેન્દ્ર મોદી પાસે મદદ માંગી છે. એક વીડિયો જાહેર કરીને પોતાની શાળાની ખરાબ અને જર્જરિત ઈમારત સાથે જોડાયેલી સમસ્યાઓને શેર કરીને કહ્યું છે કે, 'મોદીજી, કમસેકમ મારી વાત તો સાંભળી લો.' વાયરલ વીડિયોમાં જમ્મુ-કાશ્મીરના કઠુઆના લોહિયા મલ્હાર ગામની સિરત નાઝ કહી રહી છે કે, 'જુઓ અમારે કેવી ગંદી જમીન પર બેસીને અભ્યાસ કરવો પડે છે.'

વીડિયોમાં બાળકી પહેલા PM નરેન્દ્ર મોદીને તેની તબિયત વિશે પૂછે છે, અને પછી તેનું નામ જણાવે છે. સિરત કહે છે, 'PM મોદીજી, મારે તમને એક વાત કહેવી છે. હું અહીં જમ્મુની એક સરકારી શાળામાં અભ્યાસ કરું છું, જેની હાલત ખૂબ જ ખરાબ છે. આ પછી તે કેમેરો ફેરવે છે અને તેની શાળા બતાવે છે. તે કહે છે કે, આ પ્રિન્સિપાલ રૂમ અને સ્ટાફ રૂમ સામે છે અને જુઓ આ ફ્લોર કેટલો ગંદો અને ખરાબ છે. અમને અહીં બેસીને ભણાવવામાં આવે છે.'

આ પછી, તે કેમેરા સાથે આગળ વધે છે અને કહે છે, 'ચાલો હું તમને શાળાની મોટી ઇમારત બતાવું.' જ્યારે તે કેમેરો ફેરવે છે, ત્યારે દેખાય છે કે શાળામાં બાંધકામ અધૂરું છે. સિરત વધુમાં કહે છે. 'જુઓ અહીં છેલ્લા 5 વર્ષથી બિલ્ડીંગ કેટલી ગંદી છે, ચાલો હું તમને અંદરથી બતાવું. આ પછી તે એક ગંદો ફ્લોર બતાવે છે અને કહે છે, 'અમે આના પર બેસીને અભ્યાસ કરીએ છીએ.'

સીરત નિર્દોષતાથી આગળ કહે છે, 'હું તમને વિનંતી કરું છું કે, તમે અમારી શાળાને એકદમ સારી બનાવી આપો. અમારે બેસી રહેવું પડે તો અમારો ગણવેશ ગંદો થઈ જાય અને મા અમને માર મારે છે. અમારી પાસે કોઈ બેન્ચ નથી.' આ પછી, તે સીડીઓ પર ચઢે છે અને શાળાનો કોરિડોર બતાવે છે, જે ખૂબ જ ગંદો છે. આ પછી તે શાળાના શૌચાલય તરફ જાય છે, અને કહે છે કે, 'જુઓ અમારું શૌચાલય કેટલું ગંદુ છે, અમારે અહીં ગટરમાં જવું પડે છે.'

Please @narendramodi ji listen to the request of this school going girl from hilly region of lohai area of Tehsil lohai malhar of district kathua.@NirmalSinghBJP @districtadmkat1 @OfficeOfLGJandK @manojsinha_ pic.twitter.com/i5TlITgYJF

— Mohit Gupta (@factual_dogra) March 31, 2023

અંતમાં સિરત કહે છે, PM મોદીજી, તમે આખા દેશને સાંભળો છો, તો મારી પણ વાત સાંભળો, અમારી શાળાને એકદમ સુંદર બનાવી દો. એકદમ સુંદર, કે જ્યાં અમારે નીચે બેસવું ન પડે. જેથી અમારી મમ્મી અમને ન મારે અને અમે આરામથી અભ્યાસ કરી શકીએ. કૃપા કરીને મોદીજી, અમારી શાળાનું નિર્માણ કરાવી આપો.'

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.