53 વર્ષની ઉંમરે પ્રેમની શોધમાં અનુ અગ્રવાલ, પ્રેમ અને સેક્સને એક બરાબર નથી સમજતી

PC: mashable.com

બોલિવૂડની સુપરહિટ ફિલ્મ આશિકીથી રાતો-રાત હિટ થઈ ગયેલી અભિનેત્રી અનુ અગ્રવાલ હાલના દિવસોમાં પોતાની અંગત જિંદગીને લઈને ચર્ચામાં આવી છે. અભિનેત્રી ઘણા લાંબા સમયથી ફિલ્મી પડદાથી દૂર છે. પરંતુ તે પોતાના નિવેદનોને લઈને તેમજ અંગત જીવનને લઈને હંમેશા ચર્ચામાં રહે છે. અનુ અગ્રવાલ ઉંમર 53 વર્ષની છે. આ ઉંમરે તે હવે પ્રેમની શોધ કરી રહી છે. અભિનેત્રીએ હાલમાં જ એક મીડિયાને ઈન્ટરવ્યુ આપ્યું હતું. આ ઈન્ટરવ્યુમાં તેણે પોતાના અંગત જીવનને લઈને ઘણી બધી વાતો કરી.

પોતાની લવ લાઈફ વિશે વાત કરતા અનુ અગ્રવાલે કહ્યું કે, તે સાચા પ્રેમની ઘણા સમયથી શોધ કરી રહી હતી. જો કે, અભિનેત્રી પ્રેમને સેક્સથી અલગ માને છે. અનુ અગ્રવાલનું કહેવું છે કે, તે ફરીથી પ્રેમ મેળવવા માટે તૈયાર છે પરંતુ તે કહે છે કે, તે હવે સિંગલ સ્ટેટસથી પણ ખૂબ જ સંતુષ્ટ છે. અનુ અગ્રવાલે કહ્યું કે, મારી આશિકીને શું થઈ ગયું… હું ખૂબ જ ખૂલી વ્યક્તિ છું. હું ખૂબ જ ખુલ્લા વિચારો વાળી છું. પ્રેમની વાત કરીએ તો, ભવિષ્યમાં શું થવાનું છે તે કોઈ જ નથી જાણતું. મને બાળકો પાસેથી ખૂબ જ પ્રેમ મળે છે. આ તેમનો પ્રામાણિક અને નિર્દોષ પ્રેમ છે.

અભિનેત્રીએ આગળ કહ્યું કે, 'મારા પ્રેમની જરૂરત એક અલગ રીતે પૂરી થાય છે, તે શારીરિક સંબંધ જરા પણ નથી... તે તો ક્યારે પૂરું થઈ ગયું... આને પ્રેમ નહીં કહેવાય. પ્રેમની માન્યતાને બદલવાની જરૂરત છે. પ્રેમને નાનામાં નાના ઇશારાથી અનુભવી શકાય છે. તેના વિશે ખૂબ સ્પષ્ટવક્તા અથવા ભવ્ય બનવાની જરૂરત નથી. આપણે પુનર્વિચાર કરવાની જરૂરત છે.' આ સિવાય અનુ અગ્રવાલે બીજી પણ ઘણી બધી વાતો કરી છે.

ઇન્ડિયન આઇડલ વિવાદ

અનુ અગ્રવાલ હાલમાં જ ઈન્ડિયન આઈડલ શોમાં જોવા મળી હતી. આ પછી તેણે ફરિયાદ પણ કરી હતી કે, શોએ તેના સીન કાપી નાખ્યા છે. આને લઈને ઘણો વિવાદ પણ થયો હતો. અનુએ ચેનલ પર આરોપ લગાવતા કહ્યું હતું કે, હું સ્ટેજ પર ગઈ અને લોકો તાળીઓ પાડવા લાગ્યા. આ સંપૂર્ણ કૃતજ્ઞતા હતી. હું ભગવાન વિશે વિચારી રહી હતી. કુમાર સાનુએ તાળીઓ પાડી, બધા ઉભા થયા અને તાળીઓ પાડી. આ બધું ડિલીટ કરી  નાખવામાં આવ્યું. હું ડિફેન્સિવ ઝોનમાં નથી જવા માંગતી. ચેનલને પણ આ માટે દોષ આપવાની મારી ઈચ્છા નથી. હું સેલ્ફ મેડ અને સેલ્ફ હીલ ગર્લ છું.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp