લગ્ન પહેલા જ પ્રેગ્નેટ થઈ ગઈ હતી આલિયા? માતા બન્યા બાદ ઈન્ટરવ્યુમાં કહી આ વાત...

આલિયા ભટ્ટ માટે ગત વર્ષ પ્રોફેશનલી અને પર્સનલી ખૂબ જ સુંદર રહ્યું છે. વર્ષની શરૂઆતમાં જ આલિયાએ અભિનેતા રણબીર કપૂર સાથે લગ્ન કર્યા હતા અને લગ્નના બે મહિનામાં અભિનેત્રીએ પ્રેગ્નન્સીની જાહેરાત કરી દીધી હતી. ત્યારથી, સોશિયલ મીડિયા પર લોકોનું એવું કહેવાનું રહ્યું છે કે, અભિનેત્રી લગ્નના પહેલા જ પ્રેગ્નેન્ટ થઈ ગઈ હતી અને લગ્ન કરવા પાછળ પણ કારણ પ્રેગ્નન્સી જ હતું. અહીં તમને જણાવી દઈએ કે, મા બન્યા બાદ પોતાના પહેલા ઈન્ટરવ્યુમાં આલિયા ભટ્ટે આ વિશે સીધી રીતે જ નહીં પરંતુ ઇનડાયરેક્ટ રીતે વાત કરી છે અને સચ્ચાઈ પરથી પરદો પણ ઉઠાવી દીધો છે. તેમના નિવેદનમાં છુપાયેલું સત્ય જાણીને લોકો બોલ્યા, ખબર હતી અમને! જાણો આખરે ઈન્ટરવ્યુમાં અભિનેત્રીએ એવું શું કહ્યું છે...

લગ્ન પહેલા પ્રેગ્નેન્ટ થઈ ગઈ હતી આલિયા ભટ્ટ?

આલિયા ભટ્ટે 14 એપ્રિલ, 2022ના રોજ પોતાના ઘરમાં જ રણબીર કપૂરની સાથે સાત ફેરા લીધા અને લગ્ન કર્યા. આ કપલે પોતાના ઈન્ડસ્ટ્રીના ફ્રેન્ડ્સ માટે કોઈ રિસેપ્શન પાર્ટી પણ નહીં રાખી. એપ્રિલમાં લગ્નના બે મહિના પછી, જૂન મહિનામાં અભિનેત્રીએ તેની ગર્ભાવસ્થાની જાહેરાત કરી દીધી. નેટીઝન્સે સોશિયલ મીડિયા પર આ ડૉટસને જોઇન કર્યા તો, તેઓનું એવું માનવું હતું કે, આલિયા અને રણબીરે એ માટે લગ્ન કર્યા કારણ કે, અભિનેત્રી પ્રેગ્નેન્ટ થઈ ગઈ હતી. હવે, શું ઇન્ડાયરેક્ટ રીતે શું આલિયાએ આ સમાચાર પર મોહર લગાવી દીધી છે?

માતા બન્યા બાદ પોતાના પહેલા ઈન્ટરવ્યુમાં અભિનેત્રીએ કહી આ વાત

હાલમાં જ, માતા બન્યા પછી, આલિયા ભટ્ટે એક ઇન્ટરવ્યુમાં કામ અને પર્સનલ લાઈફ બંને વિશે ખુલીને વાત કરી છે. એક્ટ્રેસે પ્રેગ્નન્સીમાં કામ કરવા સાથે જોડાયેલા એક સવાલમાં જણાવ્યું કે, તેણે તેની પહેલી હોલિવૂડ ફિલ્મ 'હાર્ટ ઑફ સ્ટોન' જાન્યુઆરી 2022મા સાઈન કરી અને પછી તેણે ફિલ્મના શેડ્યૂલને એવી રીતે બનાવવાની કોશિશ કરી કે, પ્રેગ્નેન્સીના કારણે તેણે બેકઆઉટ ન કરવું પડે. ટીમે તેને આશ્વાસન આપ્યું કે તેઓ તેની ખૂબ જ કાળજી લેશે અને આલિયા કહે છે કે, ફિલ્મના સેટ પર એવું જ થયું. આ વાતને કારણે લોકોને લાગી રહ્યું છે કે, આલિયા ખરેખર લગ્ન પહેલા જ પ્રેગ્નન્ટ હતી.

 આલિયા માટે ખૂબ જ ખાસ હતું વર્ષ 2022

અહીં તમને જણાવી દઈએ કે, 2022 આલિયા માટે ખૂબ જ લકી રહ્યું છે. વર્ષની શરૂઆત આલિયાએ એક બ્લોકબસ્ટર ફિલ્મ 'ગંગુબાઈ કાઠિયાવાડી'થી કરી હતી, જેના પછી અભિનેત્રીએ RRR ફિલ્મથી તહેલકો મચાવ્યો હતો. એપ્રિલમાં, આલિયાએ રણબીર કપૂર સાથે લગ્ન કર્યા, જૂનમાં પ્રેગ્નન્સીની જાહેરાત કરી, સપ્ટેમ્બરમાં 'બ્રહ્માસ્ત્ર'ના રૂપમાં બીજી એક બ્લોકબસ્ટર ફિલ્મ આપી અને પછી નવેમ્બરમાં અભિનેત્રીએ દિકરી રાહા કપૂરને જન્મ આપ્યો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.