બોલિવુડ એક્ટ્રેસ સ્વરા ભાસ્કરે સમાજવાદી પાર્ટી (SP) નેતા ફહદ અહમદ સાથે લગ્ન કરી લીધા છે. સ્વરા ભાસ્કરે પોતે તેની જાણકારી પોતાના સોશિયલ મીડિયા પર આપી છે. આ સમય સામે આવ્યા બાદ જ ઘણા પ્રકારની કમેન્ટ આવી રહી છે. હવે બરેલીના મૌલાનાએ સ્વરા ભાસ્કરના લગ્નનને લઈને કહ્યું કે, આ લગ્ન યોગ્ય નથી. સ્વરા પહેલા ઇસ્લામ કબૂલ કરે, ત્યારબાદ જ નિકાહ યોગ્ય માનવામાં આવશે. બરેલી દરગાહ આલા હજરતના પ્રચારક મૌલાના શહાબુદ્દીને કહ્યું કે, શરિયત ઇસ્લામિયાનો સીધો સીધો નજરિયો છે અને હુકમ છે કે જો છોકરી ગેર-મુસ્લિમ છે અને તેણે ઇસ્લામ કબૂલ કર્યો નથી અને છોકરો જો મુસ્લિમ છે અને છોકરી તેની સાથે લગ્ન કરવા માગે છે તો તે કુરાન અને હદીસની રોશનીમાં યોગ્ય નથી.
મૌલાનાએ કહ્યું કે, જરૂરી એ છે કે છોકરી હોય કે છોકરો, પહેલા તે ઇસ્લામ કબૂલ કરે. તે ઇસ્લામ કબૂલ કર્યા બાદ છોકરા સાથે લગ્ન થશે તો તે નિકાહ યોગ્ય માનવામાં આવશે, નહિતર યોગ્ય માનવામાં નહીં આવે. મને જે સવાલ કરવામાં આવ્યો છે કે ફહદ અહમદે સ્વરા ભાસ્કર સાથે નિકાહ કર્યા છે, પરંતુ સ્વરાએ ઇસ્લામ કબૂલ કર્યો નથી. હવે એવી કન્ડિશનમાં બંનેના લગ્ન શરિયત અને ઇસ્લામની રોશનીમાં યોગ્ય નથી. જરૂરી એ છે કે પહેલા ઇસ્લામ કબૂલ કરે, ત્યારબાદ જે ઇસ્લામી રીત-રિવાજ છે, તે મુજબ નિકાહ કરો, ત્યારે તે નિકાહ યોગ્ય માનવામાં આવશે, નહીં તો યોગ્ય નથી.
Three cheers for the #SpecialMarriageAct (despite notice period etc.) At least it exists & gives love a chance… The right to love, the right to choose your life partner, the right to marry, the right to agency these should not be a privilege.@FahadZirarAhmad
— Swara Bhasker (@ReallySwara) February 17, 2023
✨✨✨♥️♥️♥️ pic.twitter.com/4wORvgSKDR
સ્વરા ભાસ્કર અને સમાજવાદી પાર્ટીના નેતા ફહદ અહમદે સ્પેશિયલ મેરેજ એક્ટ હેઠળ 6 જાન્યુઆરી 2023ના રોજ પોતાના લગ્ન રજીસ્ટર કરાવ્યા હતા. એક્ટ્રેસે 8 જાન્યુઆરીના રોજ સોશિયલ મીડિયા પર એક તસવીર પોસ્ટ કરી હતી, જેમાં તેનું માથું એક મિસ્ટ્રી મેનના હાથ પર રાખેલુ નજરે પડી રહ્યુ હતું. બંને બેડ પર સૂતા હતા અને બંનેમાંથી કોઈનો પણ ચહેરો દેખાઇ રહ્યો નહોતો, ત્યાર પણ ફેન્સ અનુમાન લગાવી રહ્યા હતા કે સ્વરા રિલેશનશીપમાં છે. સ્વરાએ ફોટો કેપ્શનમાં હિંટ આપતા લખ્યું હતું કે તે કદાચ પ્રેમ હોય શકે છે.
So blessed to be supported and cheered by the love of family and friends like family! Wore my mother’s sari & her jewellery.. made @FahadZirarAhmad wear colour :) and we registered under the #SpecialMarriageAct
— Swara Bhasker (@ReallySwara) February 17, 2023
Now to prep for shehnaii-wala shaadi ♥️✨@theUdayB pic.twitter.com/YwLS5ARbj4
સ્વરાએ સોશિયલ મીડિયા પર વધુ એક તસવીર શેર કરી હતી, જેમાં તેના હાથોમાં મહેંદી નજરે પડી રહી હતી. સાથે જ સ્વરાએ એક વીડિયો ટ્વીટર પર શેર કર્યો હતો, જેમાં કહેવામાં આવ્યું હતું કે તેની લવ સ્ટોરીની શરૂઆત કઈ રીતે થઈ. વીડિયોમાં જોઈ શકાય છે કે સ્વરા અને ફહદની લવ સ્ટોરી શરૂઆત પ્રોટેસ્ટથી થઈ. તેનો ઉલ્લેખ કરતા સ્વારાએ વીડિયોમાં એમ પણ કહ્યું છે કે બંનેની પહેલી સેલ્ફી પણ પ્રોટેસ્ટ દરમિયાન જ લીધી હતી. ત્યારબાદ ફહદે પોતાની બહેનના લગ્ન પર સ્વરાને આમંત્રિત કરી હતી, જેનો જવાબ આપતા સ્વરાએ ટ્વીટરપર લખ્યું હતું કે હું મજબૂર છું. શૂટિંગમાંથી નીકળી નહીં શકું, આ વખત માફ કરજે મિત્ર. સોગંધ છે, તારા લગ્નમાં જરૂર આવીશ.
Sometimes you search far & wide for something that was right next to you all along. We were looking for love, but we found friendship first. And then we found each other!
— Swara Bhasker (@ReallySwara) February 16, 2023
Welcome to my heart @FahadZirarAhmad It’s chaotic but it’s yours! ♥️✨? pic.twitter.com/GHh26GODbm
સ્વરાએ વીડિયોમાં જણાવ્યું કે, બંને વચ્ચે ડિસેમ્બર 2019માં પ્રોટેસ્ટ દરમિયાન ઓળખાણ થઈ. પછી મિત્રતા અને ત્યારબાદ આ જ મિત્રતા રિલેશનશિપમાં બદલાઈ ગઈ. બંને વચ્ચે મુલાકાતો વધવા લાગી અને વાત લગ્ન સુધી પહોંચી ગઇ. વીડિયો કેપ્શનમાં સ્વરાએ પોતાના દિલની વાત લખી. તેણે લખ્યું કે, ઘણી વખત તમે દૂર દેખાઓ છો અને મોટી વસ્તુ પર ફોકસ કરો છો.
જે કદાચ તમારી એકદમ નજીક હોય છે અને એ તમારી પાસે છે. તેની બાબતે તમને અંદાજો હોતો નથી. અમે પ્રેમ શોધી રહ્યા હતા, પરંતુ અમને પહેલા મિત્રતા મળી અને ત્યારબાદ અમે બંને એક-બીજાને મળ્યા. ફહદ અહમદ તું મારા દિલમાં છે, દિલમા ઉથલ-પાથલ છે, પરંતુ એ માત્ર તારું છે.
15.jpg)
