બિકીની સીન પહેલા એશાની ધ્રુજારી છૂટી ગયેલી, મા હેમા માલિની પાસેથી લીધેલી પરવાનગી

PC: zeenews.india.com

હેમા માલિની અને ધર્મેન્દ્રની પુત્રી એશા દેઓલે તેના બિકીની સીન વિશે ખુલાસો કર્યો છે. તેણે કહ્યું કે, બિકીની સીન કરતા પહેલા તેણે તેની માતા પાસેથી પરવાનગી લીધી હતી. વર્ષ 2004માં યશ રાજ ફિલ્મ્સની ધૂમમાં ઈશા દેઓલે બિકીની સીન કર્યો હતો. હવે અભિનેત્રીએ બોલ્ડ સીન અંગે પ્રતિક્રિયા આપી છે. તેણે તે ફિલ્મ અને બિકીની સીન વિશે ઘણું બધું કહ્યું છે.

એશા દેઓલે 'બોલીવુડ બબલ'ને આપેલા ઈન્ટરવ્યુમાં કહ્યું હતું કે 'બિકીની સીન શૂટ કરતા પહેલા તે ઘણી ડરી ગઈ હતી. આ કરવું તેના માટે સંપૂર્ણપણે અલગ હતું. મારી માતાએ મને કહ્યું કે તારે ખૂબ જ ધ્યાનથી કરવું જોઈએ અને સંપૂર્ણ રીતે શૂટ કરવું જોઈએ. આદિત્ય ચોપરાએ પણ મને આ સીન માટે 6 મહિનાનો સમય આપ્યો હતો.'

ઈશાએ કહ્યું, 'આદિત્યએ મને કહ્યું હતું કે અમે એક ફિલ્મ કરવાના છીએ. તારો એક અલગ અવતાર પણ બતાવવામાં આવશે. તદ્દન અલગ તારે બિકીની પહેરવી પડશે. એટલા માટે તમે અત્યારથી તૈયારી કરી લો. મેં તરત જ તેને કહ્યું કે, મને એક દિવસનો સમય આપો. આ માટે હું પહેલા મારી માતા પાસેથી પરવાનગી લઉં છું. પછી હું ઘરે આવી અને મારી માતાને આ વિશે પૂછ્યું. તે સમયે હું ખૂબ ડરી ગઈ હતી.'

જ્યારે દીકરી એશા દેઓલે હેમા માલિનીને બિકીની પહેરવા વિશે પૂછ્યું તો તેણે કહ્યું, આમાં પૂછવાનું શું છે. હા, જરૂર તમે બિકીની પહેરો. ખૂબ સારી રીતે શૂટ કરજે. અહીં તમને જણાવી દઈએ કે, 'ધૂમ' વર્ષ 2004માં રિલીઝ થઈ હતી, જેમાં અભિષેક બચ્ચન અને જોન અબ્રાહમથી લઈને ઉદય ચોપરા અને એશા દેઓલ જોવા મળ્યા હતા. આ ફિલ્મમાં ઈશાએ શીનાનો રોલ કર્યો હતો.

ઈશાએ આ ઈન્ટરવ્યુમાં એ પણ જણાવ્યું કે, એકવાર તેના એક કો-સ્ટારે તેને લગ્ન માટે પ્રપોઝ કર્યું હતું. ઈશાએ કહ્યું, 'હું તે વ્યક્તિનું નામ નથી લઈ શકતી. તે એકદમ સ્વીટ છોકરો છે. તેણે મને પ્રપોઝ કર્યું અને કહ્યું કે, મારી સાથે લગ્ન કરી લે, આ એક્ટિંગ વગેરે બધું છોડી દે.

ઈશાએ કહ્યું કે, જ્યારે તેણે ઘરે આવીને તેની માતાને આ ઘટના વિશે જણાવ્યું તો તેણે 'સો સ્વીટ' કહીને જવાબ આપ્યો. ઈશાએ કહ્યું કે, તે હવે તે વ્યક્તિના સંપર્કમાં નથી, કારણ કે તેને લાગે છે કે મેં તેનું દિલ તોડી નાખ્યું છે. તે મારી સાથે મિત્રતા પણ કરવા માંગતો ન હતો.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp