સલમાન ખાનના 'લુંગી ડાન્સ' પર વિવાદ, દક્ષિણ ભારતીય પરંપરાગત 'વેસ્તી'નું અપમાન!

સલમાન ખાનની આગામી ફિલ્મ 'કિસી કા ભાઈ કિસી કી જાન'નું નવું ગીત 'યંતમ્મા' સતત હેડલાઈન્સ બનાવી રહ્યું છે. ગીતના વીડિયોમાં સલમાન ખાનની સાથે દક્ષિણના ઘણા સ્ટાર્સ અને કેટલાક TV કલાકારો પણ જોવા મળ્યા છે. આ ગીત પણ વધુને વધુ લોકપ્રિય થઈ રહ્યું છે, પરંતુ આ દરમિયાન દક્ષિણ ભારતીય દર્શકોને આ ગીત વિશે ઘણી ફરિયાદો છે. આરોપ છે કે કોરિયોગ્રાફીની બાબતમાં ગીતમાં ઘણી બધી ખામીઓ છે.

આ ગીતમાં શહેનાઝ ગિલની પણ ઝલક જોવા મળે છે. આ ગીતમાં સલમાન ખાન સાઉથના સુપરસ્ટાર એક્ટર વેંકટેશ સાથે કામ કરી રહ્યો છે. લગભગ આખા મ્યુઝિક વિડિયોમાં, તે અને વેંકટેશને સમાન કપડાં પહેરીને અને સમાન ડાન્સ મૂવ્સ કરતા દર્શાવવામાં આવ્યા છે. આ ગીત પાયલ દેવે કમ્પોઝ કર્યું છે અને વિશાલ દદલાની અને પાયલ દ્વારા ગાયું છે. રફ્તારનું રેપ આ ગીતના આકર્ષણમાં વધારો કરે છે.

ગીતમાં પ્રોપ તરીકે ઉપયોગમાં લેવાતી લુંગીનો ઉપયોગ સલમાન ખાન 'મુઝસે શાદી કરોગી' ગીતમાં ટુવાલનો ઉપયોગ કરે તેવો નથી. વેસ્તી (લુંગી)એ દક્ષિણના પુરુષો દ્વારા પહેરવામાં આવતો પરંપરાગત ડ્રેસ છે. તમે તેને સામાન્ય લુંગીની જેમ ટ્રીટ નહિ કરી શકો, ખાસ કરીને એક ધોતીને લુંગી તરીકે પહેરવું એ પણ સામાન્ય નથી. જેમ ગીતમાં કરવામાં આવ્યું છે.

નિવૃત્ત ભારતીય ક્રિકેટર લક્ષ્મણ શ્રીરામક્રિષ્નને ટ્વિટર પર આનો વિરોધ કર્યો છે. તેણે લખ્યું, આ આપણી દક્ષિણ ભારતીય સંસ્કૃતિનું અપમાન કરવા જેવું છે. એ લુંગી નથી, ધોતી છે. આ એક ક્લાસિકલ આઉટફિટ છે, જે ખૂબ જ ચીંથરેહાલ રીતે દર્શાવવામાં આવ્યું છે. અહેવાલો અનુસાર, એક તમિલ-હિન્દી અભિનેતાએ પણ ગીતમાં ધોતીના આ પ્રકારના ઉપયોગ સામે વાંધો ઉઠાવ્યો છે.

તેણે કહ્યું, તે લોકો 'વેસ્તી' પહેરીને શું ધૂમ્રપાન કરતા હતા? શું તેઓ જાણે છે કે દક્ષિણ ભારતીયો માટે 'વેસ્તી' કેટલી પવિત્ર છે. સલમાન ખાન વિશે, ચાલો માની લઈએ કે તે વધુ જાણતો નથી. પરંતુ વેંકટેશ દગ્ગુબાતી અને રામ ચરણ તેલુગુ અભિનેતા છે. તે લોકો આવા અપમાનજનક ગીતનો ભાગ કેવી રીતે હોઈ શકે. અને તે 'વેસ્તી' છે પણ નહિ, તેણે ધોતીને  'વેસ્તી'ની જેમ પહેરી લીધી છે.

Offical song of #SalmanKhan's #KisiKaBhaiKisiKiJaan titled #Yentamma offically out , rate the song featuring superstar #RamCharan out of 10 pic.twitter.com/wnce0yqFgS

— Harminder ??? (@Harmindarboxoff) April 4, 2023

તમિલ ફિલ્મ સમીક્ષક પ્રશાંત રાણાગાસ્વામીએ પણ સલમાનના ડાન્સ વીડિયોનો સ્ક્રીનશોટ ટ્વીટ કર્યો છે. સલમાનના ડાન્સ મૂવ્સ પર સવાલ ઉઠાવતા તેણે લખ્યું, 'આ કેવું સ્ટેપ છે? આ લોકો 'વેસ્તી'ને લુંગી કહીને ખરાબ ડાન્સ કરી રહ્યા છે. બુલશીટ તેના આ ટ્વીટ પર યુઝર્સની પ્રતિક્રિયાઓ પણ આવી રહી છે. લોકો કહે છે કે તેઓ લુંગી અને 'વેસ્તી' વચ્ચેનો તફાવત સમજી શકતા નથી.