ફિલ્મ ધ કેરળ સ્ટોરીનો વિવાદ આખરે શું છે, મેકર્સે આપ્યું નિવેદન

‘ધ કેરળ સ્ટોરી’ પર વિવાદ વધતો જઈ રહ્યો છે. 4 દિવસ અગાઉ આ ફિલ્મના ટ્રેલરમાં દેખાડવામાં આવ્યું કે પહેલા કેરળથી કથિત રૂપે 32 હજાર છોકરીઓ ગાયબ થાય છે, પછી તેઓ ઇસ્લામ ધર્મ કબૂલ કરે છે અને આતંકી સંગઠન ISISમાં જોડાઈ જાય છે. જ્યારે આ ટ્રેલર સામે આવ્યું ત્યારથી કેરળ અને કેરળના રહેનારા મુસ્લિમો સવાલોના ઘેરામાં આવી ગયા છે. આ જ કારણ છે કે રાજનીતિ અને સમાજ બે પક્ષમાં વહેચાઇ ગયા છે. એક પક્ષ આ ફિલ્મને પ્રોપગેન્ડા કહીને ફગાવી રહ્યો છે.

તો બીજો પક્ષ તેને કેરળની જમીની હકીકત બતાવી રહ્યો છે, જેના પર અત્યાર સુધી ખૂલીને વાત થઈ નથી. આ આખા વિવાદ વચ્ચે હવે ફિલ્મ ‘ધ કેરળ સ્ટોરી’ના ડિરેક્ટર અને નિર્માતાનું નિવેદન સામે આવ્યું છે. વિવાદ વચ્ચે ફિલ્મના ડિરેક્ટર, નિર્માતા અને એક્ટરે ફિલ્મનું સમર્થન કરતા એ સ્પષ્ટ કરવાનો પ્રયાસ કર્યો છે કે, ‘ધ કેરળ સ્ટોરી’ આતંકવાદીઓ પર કેન્દ્રિત છે, મુસ્લિમો પર નહીં. તેમણે એમ પણ કહ્યું કે, આખી ફિલ્મમાં કેરળ રાજ્ય વિરુદ્ધ કશું દેખાડવામાં આવ્યું નથી.

એક ન્યૂઝ ચેનલને આપેલા ઇન્ટરવ્યૂમાં ‘ધ કેરળ સ્ટોરી’ના ડિરેક્ટર સુદીપ્તો સેને કહ્યું કે, ‘મેં મહિનાઓની શોધ બાદ આ ફિલ્મ બનાવી છે. પહેલા તો કોઈ પણ નિર્માતા આ ફિલ્મનું સમર્થન કરવા માગતા નહોતા. પછી વિપુલ શાહ તૈયાર થયા.’ તો ફિલ્મના નિર્માતા વિપુલ શાહે કહ્યું કે, ‘કેરળ રાજ્ય વિરુદ્ધ કશું જ દેખાડવામાં આવ્યું નથી, ન તો ફિલ્મમાં કંઈ અપમાનજનક કહેવામાં આવ્યું છે. ફિલ્મ આતંકવાદીઓ પર આધારિત છે, ન કે મુસ્લિમો પર. કેરળના મુખ્યમંત્રીએ આ ફિલ્મ જોવી જોઈએ.

ફિલ્મ પર થઈ રહેવા વિવાદ પર કેરળના મુખ્યમંત્રી પિનારાઈ વિજયને પણ નિવેદન અપાયું હતું. તેમણે ફિલ્મ ‘ધ કેરળ સ્ટોરી’ને રાષ્ટ્રીય સ્વયંસેવક સંઘ (RSS)નો એજન્ડા બતાવી હતી. તેમણે કહ્યું હતું કે, ‘એવી ફિલ્મ બનાવનાર લવ-જિહાદનો મુદ્દો ઉઠાવીને રાજ્યમાં ધાર્મિક ઉન્માદને પ્રોત્સાહિત કરી રહ્યા છે અને સંઘ પરિવારના એજન્ડાને આગળ વધારી રહી છે. ફિલ્મ ‘ધ કેરળ સ્ટોરી’માં 32 હજાર હિન્દુ અને ઈસાઈ મહિલાઓની કહાની દેખાડવામાં આવી છે.

એ છોકરીઓની કહાની જેમણે પહેલા ઇસ્લામ કબૂલ કર્યો અને પછી આતંકી સંગઠન ISIS સાથે જોડાઈ. એટલું જ નહીં ઈરાક અને સીરિયા જઈને ISIS માટે કામ પણ કર્યું. ઉલ્લેખનીય છે કે આ ફિલ્મ 5 મેના રોજ રીલિઝ થવાની છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.