'તેમને દીકરો જોઈતો હતો',પિતાએ કરિશ્માનો ચહેરો જન્મ પછી મહિના સુધી જોયો નહોતો

'નાગિન' ફેમ કરિશ્મા તન્ના આ દિવસોમાં OTT પ્લેટફોર્મ પર વ્યસ્ત છે. કરિશ્મા હાલમાં TV સિરિયલોથી અલગ વેબ સિરીઝમાં સતત કામ કરી રહી છે. તેણે ચોંકાવનારો ઘટસ્ફોટ કર્યો હતો કે, જ્યારે તેનો જન્મ થયો ત્યારે તેના માતા-પિતા તેનો ચહેરો પણ જોવા માંગતા ન હતા, કારણ કે તે એક છોકરી હતી. તેની માતાએ જણાવ્યું કે, તેના માતા-પિતાને છોકરો જોઈતો હતો. જ્યારે તેની માતાએ આ વાત કહી તો તેનું દિલ તૂટી ગયું. તેણે નક્કી કર્યું કે, જો તે તેના માતાપિતાને એ બધું જ આપશે, જે એક પુત્ર આપીશકતો હોય. કરિશ્મા એ પણ કહે છે કે તે સામાન્ય જીવન જીવવા માંગતી ન હતી, કે લગ્ન કરીને માત્ર બાળકો પેદા કરી લો.

કરિશ્મા 17 વર્ષની ઉંમરથી TV પર કામ કરી રહી છે. તેણે બાલાજી ટેલિફિલ્મ્સની સિરિયલ 'ક્યૂંકી સાસ ભી કભી બહુ થી'થી ડેબ્યૂ કર્યું હતું. એક ઈન્ટરવ્યુમાં કરિશ્માએ કહ્યું હતું કે, તે એક લોઅર મિડલ ક્લાસ ગુજરાતી પરિવારમાંથી છે. તેમનો સંયુક્ત પરિવાર હતો જ્યાં તેમના કાકા અને દાદા સાથે રહેતા હતા. તે ધંધામાં સારી કમાણી કરી રહ્યા હતા. તે બીજા-ત્રીજા વર્ગમાં હતી ત્યાં સુધી તેના પિતા આર્થિક રીતે સંઘર્ષ કરી રહ્યા હતા.

સિદ્ધાર્થ કન્નન સાથેના એક ઈન્ટરવ્યુમાં કરિશ્મા તન્નાએ કહ્યું, 'જ્યારે હું મોટી થઈ ત્યારે મારી માતાએ મને કહ્યું કે, જ્યારે મારો જન્મ થયો ત્યારે મારા પિતા ખુશ નહોતા, કારણ કે તેઓને એક પુત્ર જોઈતો હતો અને એક સામાન્ય ગુજરાતી પરિવારની જેમ તેમના પર પરિવારનું દબાણ હતું. તેઓ વિચારતા હતા કે માત્ર પુત્ર જ વંશને આગળ લઈ શકે છે, વધુ કમાણી કરી શકે છે. મારા દાદા અને દાદી અમારી પાસેથી સેકન્ડ હેન્ડ ટ્રીટમેન્ટ કરાવતા હતા. આ કારણોએ મને વધુ મજબૂત બનાવી કે એક દિવસ હું તેમને બતાવીશ કે, જે કંઈ છોકરો કરે છે તે છોકરી પણ કરી શકે છે.'

'જ્યારે હું જન્મી ત્યારે મારી માતાએ એક અઠવાડિયા સુધી મારો ચહેરો જોયો ન હતો. મારા પિતા એક મહિના સુધી હોસ્પિટલમાં મને મળવા આવ્યા ન હતા, કારણ કે બીજી પણ છોકરીનો જન્મ થયો હતો. જ્યારે મારી માતાએ આ કહ્યું, ત્યારે મારું હૃદય તૂટી ગયું. એવું નથી કે મારા પિતા મને પ્રેમ કરતા ન હતા. એવું એટલા માટે હતું કે, તેમને બીજી દીકરી આવી હતી, અને પારિવારિક દબાણ હતું જેથી તેઓ મને મળવા આવ્યા ન હતા. તેણે મને અંદરથી પણ તોડી નાખ્યો. એ એવું હતું કે મને દીકરીઓ ગમે છે, પણ હું મારા પરિવારને શું કહીશ. આ છોકરી સાથે પણ સારો વ્યવહાર નહીં થાય, આમાં તેનો શું વાંક. આ પછી મેં નિર્ણય લીધો અને મારા પિતાને કહ્યું કે, તમે પુત્ર પાસેથી જે અપેક્ષા કરો છો તે હું કરીશ. હું તમને છોકરો બનીને બતાવીશ.' 

કરિશ્માની આગામી વેબ સિરીઝ 'સ્કૂપ' છે. તેનું નિર્દેશન હંસલ મહેતાએ કર્યું છે. વેબ સિરીઝ નેટફ્લિક્સ પર 2 જૂને રિલીઝ થશે. 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.