TMKOC: મિસિસ સોઢીનું દર્દ છલકાયું,પૈસા મળ્યા નથી, ખાતામાં માત્ર 80 હજાર જ છે

PC: facebook.com/jeniifar

ટીવીની પોપ્યુલર સીરિયલ ‘તારક મહેતા કા ઉલટાં ચશ્મા’ (TMKOC)થી જાણીતા મિસિસ સોઢી એટલે કે જેનિફર મિસ્ત્રી બંસીવાલ છેલ્લા કેટલાંક દિવસોથી ચર્ચામાં છે.જ્યારથી અભિનેત્રીનો ઇન્ટરવ્યૂ જાહેરમાં આવ્યો છે, ત્યારથી તેણીને લોકો ફોન કરી કરીને પરેશાન કરી રહ્યા છે. જેનિફેરે શોના પ્રોડ્યુસર અસિત મોદી સામે સેક્સ્યુઅલ હેરેસમેન્ટનો આરોપ મુક્યો છે. જેનિફરે કહ્યું કે હવે હું થાકી ગઇ છુ અને ટ્રોમામાં છું. દરરોજ મારે સ્પષ્ટતા કરવી પડે છે.

જેનિફરનું કહેવું છે કે તેની ફીમેલ કો-સ્ટાર્સ પણ તેને કોઈપણ રીતે મદદ કરી રહી નથી. તેમને કોઈ સાથ આપવા તૈયાર નથી. દરેકને પોતાની ઇનસિક્યોરીટી હોય છે. જેનિફરે કહ્યું કે મેં પણ આ વાતને લાંબા સમય સુધી દબાવવાનો પ્રયાસ કર્યો હતો. કોઈને કહ્યું નહીં. હું જાહેરમાં આવી છું તો કોઈની સલાહ પર આવી છું, મને કોઇએ પુશ કર્યું છે, એ વ્યકિતએ મને મદદ કરી છે, પરંતુ એ વ્યકિતનું નામ હું જાહેર કરી શકું તેમ નથી.

જેનિફરે છેલ્લો એપિસોડ માર્ચ મહિનામાં શૂટ કર્યો હતો. ત્યારથી અત્યાર સુધી અભિનેત્રીને તેનો બાકી નિકળતો પગાર મળ્યો નથી. જેનિફરે હિન્દુસ્તાન ટાઈમ્સ સાથેની વાતચીતમાં જણાવ્યું કે જ્યારે મેં શો છોડ્યો ત્યારે મેં એ વિચારીને છોડી દીધો હતો કે હું મારા પૈસા નહીં માંગું.મારા સાડા ત્રણ મહિનાના પૈસા છે, જે ઘણી મોટી રકમ છે. મારો વિશ્વાસ કરો, મારા ખાતામાં એક લાખ રૂપિયા પણ નથી. મારા પિયરમાં સાત છોકરીઓ છે અને દરેકની દેખભાળ હું જ કરું છું.

જેનિફર આધ્યાત્મિક છે, તેને ભરાસો છે કે ભગવાન તેને સાથ આપશે. અભિનેત્રીએ કહ્યું કે હું શા માટે વિચારું કે મારા ખાતામાં માત્ર 80,000 રૂપિયા જ છે. હું શું કામ ડરું. ભગવાને મોંઢુ આપ્યું છે તો ખાવાનું પણ ભગવાન જ આપશે. ભગવાને હંમેશા મારી રક્ષા કરી છે અને હું ડરતી નથી.

જેનિફર અત્યારે મુંજબઇમાં નથી, પરંતુ તેણીને મુંબઇ પોલીસ તરફથી કોલ આવ્યો હતો જેમાં પોલીસે અભિનેત્રીને FIR વિશે સવાલ કર્યા હતા. જો કે, જેનિફરનું કહેવું છે કે પહેલા તો તે સેક્સ્યુઅલ હેરેસમેન્ટ જેવા શબ્દોનો ઉપયોગ કરવાથી ડરી રહી હતી, પરંતુ હવે ડરતી નથી.

જેનિફરે એક ઇન્ટરવ્યૂમાં કહ્યુ હતું કે મને નોટીસ મળી છે. જેમાં કહેવામાં આવ્યું છે કે મારે કારણે તેમને નુકશાન થયું છે. આ નોટીસનો 7 દિવસમાં જવાબ આપવાનું મને કહેવામાં આવ્યું હતું. નોટિસ વાંચીને હું ગભરાઇ ગઇ હતી પરંતુ મારા વકીલે મને એ 15 વર્ષની વાત લખવા કહી જે મે સેટ પર સહન કરી હતી. જ્યારે બધી વાત મેં લખીને વકીલને બતાવી તો તેમણે કહ્યું કે જેનિફર, આ તો સેક્સ્યુઅલ હેરેસમેન્ટ જ છે. વકીલે મને સમજાવ્યું અને એ પછી મેં મારા નજીકના મિત્રો સાથે પણ વાત કરી, પછી મારામાં હિંમત આવી.

શરૂઆતમાં તો મેં TMKOCના મેકર્સનો કોઇ નોટીસ મોકલી નહોતી, પરંતુ શોના સોહિલ રમનાની પોતાની સાથે 15 વર્ષમાં બનેલી ઘટના વિશે વ્હોટસેપ પર જાણ કરી હતી. પરંતુ રમનાનીએ મેસેજ વાંચીને ઇગ્નોર કરી દીધો હતો. મને એમ હતું કે આ વાંચીને મેનેજમેન્ટ શાંત થઇ જશે, પરંતુ એ લોકોએ મારા પર પૈસા પડાવવાનો આરોપ લગાવવાનું શરૂ કર્યું. ત્યારબાદ મેં આ લોકોને 8મી એપ્રિલે જાતીય સતામણીની નોટિસ મોકલી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp