અભિનેત્રી શ્રુતિ હાસન ક્યારેય પણ પોતાના મનની વાત કરવામાં ડરતી નથી, પછી તે કોઈપણ બાબત જ કેમ ના હોય. હંમેશા શ્રુતિએ ઈન્ડસ્ટ્રીમાં થતા ભેદભાવ અને ઓપીનિયન વિશે ખુલીને વાત કરી છે. અભિનેત્રીનું કહેવું છે કે જ્યારે તેણે તેના કરિયરની શરૂઆત કરી ત્યારે આ તબક્કો તેના માટે ખૂબ જ મુશ્કેલ રહ્યો હતો. લોકોએ તેના વિશે કંઈ સારું કહ્યું નહીં. શ્રુતિએ હાલમાં જ એક ઈન્ટરવ્યુમાં કહ્યું હતું કે મેં કોઈની ભાવનાઓને ઠેસ પહોંચાડી નથી. કે ના મેં કોઈનું કામ છીનવ્યું, છતાં પણ લોકોએ મને સ્વીકારી નહીં.
ફિલ્મી સફર વિશે વાત કરતાં શ્રુતિ હાસને કહ્યું, "તમે જે પણ કામની શરૂઆત કરવા જઈ રહ્યા છો, તે તમે સારું જ વિચારીને કરો છો. કેટલાક લોકો તમારા એ કામને પસંદ પણ કરે છે, તો કોઈક નાપસંદ પણ કરે છે. દરેક ફિલ્મમાં તમે તમારું શ્રેષ્ઠ પ્રદર્શન કરવાના પ્રયત્નમાં લાગી જાવ છો. દરેક ફિલ્મમાંથી તમે કંઈક શીખો પણ છો. જ્યારે હું ઈન્ડસ્ટ્રીમાં જોડાઈ ત્યારે લોકો મારા વિશે બહુ સારી વાતો નહોતી કહીં, પરંતુ આજે તેઓ કહે છે જેના માટે હું આભારી છું. જ્યારે હું ઈન્ડસ્ટ્રીમાં આવી ત્યારે આ પ્રોફેશનને લઈ મારામાં પેશન નહોતો, પરંતુ આજે મારી પાસે છે. મારા માટે બોલિવૂડમાં એક ખૂબ સારી સફર રહી છે. મને કોઈ ફર્ક નથી પડતો કે લોકો મારા વિશે શું કહે છે, અને શું નહીં.
શ્રુતિએ આગળ કહ્યું, "શરૂઆતના સમયમાં લોકોએ મને ઘણું કહ્યું. મારે કેવા પ્રકારના કપડાં પહેરવા જોઈએ, કેવી રીતે વાત કરવી જોઈએ, બધું જ કહેવામાં આવ્યું હતું. એવું પણ કહેવામાં આવ્યું હતું કે હું જે રીતે વાત કરું છું તે લોકો સમજી શકશે નહીં. પરંતુ હું તે જ હતી જે હું વાસ્તવિક જીવનમાં હતી. મારામાં કંઈપણ દેખાડો નહોતું. સોશિયલ મીડિયા એક એવું પ્લેટફોર્મ છે જ્યાં તમે પોતાને તે રીતે રાખી શકો છો જે વાસ્તવિક જીવનમાં છો. હું એવું નથી કહેતી કે દરેક વ્યક્તિ આવા હોવા જોઈએ, પણ હું રિયલ છું અને મને આ રીતે રહ્વું ગમે છે.
શ્રુતિ હાસનના વર્કફ્રન્ટની વાત કરીએ તો આજકાલ અભિનેત્રી તેના હોલીવુડ પ્રોજેક્ટમાં વ્યસ્ત છે. 'ધ આઈ'નું શૂટિંગ કરી રહી છે. આ સિવાય એક ફિલ્મમાં શ્રુતિ હાસન, પ્રભાસ સાથે જોવા મળશે. આ બે પ્રોજેક્ટ સિવાય શ્રુતિ પાસે વીર સિમ્હા રેડ્ડી અને ચિરંજીવીની પણ એક ફિલ્મ પણ છે, જેના પર તે જલ્દી કામ શરૂ કરશે.
15.jpg)
