લગ્નમાં જઈ નથી નાચતી, રાતે હીરોના રૂમમાં નથી જતી એટલે એ લોકો મને ગાંડી-ઘમંડી...

કંગના રનૌતે ફરી એકવાર ફિલ્મ ઈન્ડસ્ટ્રીના લોકો પર નિશાન સાધ્યું છે. કંગનાએ કહ્યું કે, તેની માતાએ તેને મીઠું અને રોટલો ખાવાનું શીખવ્યું છે પરંતુ તે પોતાની મર્યાદાની વિરુદ્ધ કોઈ કામ કરી શકતી નથી.

Bhikhari film mafia ne mere attitude to mera arrogance kaha, kyunki main dusari ladkiyon ki tarah giggle karna, item number karna, shaadiyon pe nachna, raat ko bulaaye jaane pe heros ke kamron mein jana yeh sab keliye saaf mana kiya, they declared me mad and tried to jail me1/2

— Kangana Ranaut (@KanganaTeam) February 27, 2023

કંગના રનૌતે તેની માતાની સાદગીના બહાને ફિલ્મ ઈન્ડસ્ટ્રીમાં ઘણા લોકોને નિશાના પર લીધા હતા. તેણે રવિવારે તેની માતાની એક તસવીર પોસ્ટ કરી જેમાં તે ખેતરમાં કામ કરી રહી હતી. ફોટોને રીટ્વીટ કરીને તેના ફોલોઅર્સે આશ્ચર્ય વ્યક્ત કર્યું કે, કરોડપતિ હોવા છતાં કંગનાની માતા ખેતરમાં કામ કરે છે. આના પર કંગના રનૌતે અનેક ટ્વિટમાં બોલિવૂડના હીરો અને હિરોઈન પર નિશાન સાધ્યું છે. તેણે ટ્વિટમાં લખ્યું છે કે, તે ન તો લગ્નમાં નાચવા જાય છે, અને ફિલ્મના હીરોના બોલાવવા પર તેના રૂમમાં જતી નથી.

કંગના રનૌતે રવિવારે તેની માતાની તસવીર પોસ્ટ કરી હતી. આ સાથે કેપ્શન લખ્યું હતું કે, તેની માતા રોજ 7-8 કલાક ખેતરમાં કામ કરે છે. એક ટ્વિટર યુઝરે આના પર લખ્યું કે, કરોડપતિ હોવા છતાં પણ કંગનાની માતા ખેતરમાં કામ કરે છે. આવી સાદગી તમે લાવો છો ક્યાંથી? જેના પર કંગનાએ જવાબ આપ્યો, મારી માતા મારા કારણે અમીર નથી. હું રાજકારણીઓ, અમલદારો અને ઉદ્યોગપતિઓના પરિવારમાંથી આવું છું. માતા 25 વર્ષથી વધુ સમયથી શિક્ષક રહ્યા છે. મારી માતાએ શીખવ્યું છે કે, મીઠું અને રોટલો ખાઈ લો પણ કોઈની પાસેથી કંઈ માગશો નહીં. મને શીખવવામાં આવ્યું છે કે, એવું કઈ પણ કે જે મારા સંસ્કારોની વિરુદ્ધમાં હોય, મને ના કહેતા શીખવાડ્યું છે. ફિલ્મ માફિયાઓએ સમજી જવું જોઈએ કે, મારો આ એટીટ્યુડ ક્યાંથી આવે છે અને હું ફિલ્મો અને લગ્નમાં નાચવા જેવી હલકી વસ્તુઓ કેમ નથી કરી શકતી.

Yeh meri Mata ji hain roz 7-8 ghante kheti karti hain, aksar ghar pe log aate hain aur unse kehte hain humein Kangana ki mummy se milna hai, badi vinamrta se haath dhokar woh unhein chai pani dekar kehti hain, Main he unki Maa hoon, unki aankhein fati reh jati hai, woh hairan 1/2 pic.twitter.com/RTQX1jIG93

— Kangana Ranaut (@KanganaTeam) February 26, 2023

ભિખારી માફિયાઓએ મારા એટિટ્યૂડને મારો ઘમંડ ગણાવ્યો, કારણ કે મેં અન્ય છોકરીઓની જેમ લટકા ઝટકા કરવાનું, આઈટમ નંબર કરવાની, લગ્નોમાં નાચવાનું, રાત્રે બોલાવવામાં આવે ત્યારે હીરોના રૂમમાં જવાની ચોખ્ખી ના પાડી. તેઓએ મને પાગલ જાહેર કરી અને મને જેલમાં મોકલવાનો પ્રયાસ પણ કર્યો. આ એટીટ્યુડ છે કે મક્કમતા છે? લોકો પોતાને સુધારવાને બદલે મને સુધારવા ગયા છે. પણ યુક્તિ એ છે કે, મારે મારા માટે કંઈ નથી જોઈતું. મેં હમણાં બધું ગીરવે મૂકીને એક ફિલ્મ બનાવી છે. રાક્ષસોનો નાશ થશે, ખરાબ શિક્ષા આપવામાં આવશે. કોઈએ મારા પર દોષારોપણ ન કરવું જોઈએ.