રાખી સાવંતની માતાને કેન્સર પછી થયું બ્રેન ટ્યુમર, હોસ્પિટલમાંથી વીડિયો શેર કર્યો

PC: indianexpress.com

એક્ટ્રેસ રાખી સાવંત, બિગ બોસ મરાઠીના ઘરેમાંથી બહાર આવી છે. ઘરે આવતાની સાથે જ એક ખરાબ સમાચાર સામે આવ્યા છે, તેણે હવે પોતાના ફેન્સની સાથે શેર કરી દીધી છે. રાખીએ કહ્યું કે, માતા જયા ભેડાને કેન્સર પછી હવે બ્રેન ટ્યુમર પણ થયું છે. તે મુંબઇની હોસ્પિટલમાં દાખલ છે. એક્ટ્રેસે હોસ્પિટલથી રડતા રડતા વીડિયો શેર કર્યો છે. તેમાં તેની માતાને પણ જોઇ શકાય છે.

વીડિયોમાં રાખી સાવંત કહી રહી છે કે, રવિવારે રાતે જ બિગ બોસ મરાઠીમાંથી બહાર આવી છે. તેણે કહ્યું કે, આવતાની સાથે જ મને ખબર પડી કે, મમ્મી ઠીક નથી. અમે હજુ હોસ્પિટલમાં છીએ. મમ્મીને કેન્સર છે અને હવે બ્રેન ટ્યુમર પણ થયું છે. તમે પ્લીઝ તેમના માટે દુઆ કરો. મારી માતાને દુઆની જરૂર છે.

તેની પાસે કોઇ રાજેશ નામનો વ્યક્તિ આવે છે. રાખી તેને પૂછે છે કે, શું થયું. તે કહે છે કે, તેમના શરીરનો એક હિસ્સો પેરેલાઇઝ્ડ થઇ ગયો હતો. અમે તેમને હોસ્પિટલ લઇને આવ્યા છીએ. અહીં તેમનું સ્કેન અને MRI થયું તો ખબર પડી કે તેમને બ્રેન ટ્યુમર છે. તેમને કેન્સર તો પહેલેથી હતું જ.

એક ડોક્ટર સાથે પણ રાખીએ વાત કરી. તેમણે કહ્યું કે, રાખીની માતાના ફેફસા સુધી કેન્સર ફેલાઇ ચૂક્યું છે. તેમનાં ઘણા બધા ટેસ્ટ કરવામાં આવ્યા છે, જેનું રિઝલ્ટ આવવાનું બાકી છે. ત્યાર બાદ જ ખબર પડશે કે, તેમને રેડિએશન થેરાપી કેવી રીતે અને કેટલી આપવાની છે. રેડીએશન સિવાય કંઇ પણ રાખીની માતા પર કામ ન કરશે. તેમના માટે કોઇ અન્ય ઇલાજ નથી.

રાખી સાવંતે ફેન્સ સાથે આગ્રહ કર્યો છે કે, તેની માતા માટે દુઆ કરો. તેમનું કહેવું છે કે, હું માનુ છું કે, દુઆથી મારી માતા ઠીક થઇ શકે છે. તેની પાસે આ વીડિયો પર ઘણા બધા ફેન્સ અને સાથે સાથે સેલેબ્સ પણ રિએક્શન આપી રહ્યા છે. સિંગર અફસાના ખાને કોમેન્ટ કરી કે, રાખી બહેન, હિંમત રાખો, વાહેગુરુ, અલ્લાહ મહેર કરો. એક્ટ્રેસ મહિના ચૌધરીએ લખ્યું કે, મારી દુઆઓ તમારી સાથે જ છે. હું તેમના સારા સ્વાસ્થ્ય માટે દુઆ માગી રહી છું. સોફિયા હયાતે કોમેન્ટ કરી કે, હું તમારા અને તમારી માતા માટે દુઆ માગી રહી છું.

 
 
 
View this post on Instagram

A post shared by Rakhi Sawant (@rakhisawant2511)

કેટલાક ફેન્સે પણ રાખી અને તેની માતા માટે દુઆ માગી છે. ફેન્સ રાખી સાવંતની હિંમત વધારી રહ્યા છે. કેટલાક યુઝર્સનું કહેવું છે કે, બધુ ઠીક થઇ જશે. રાખી સાવંતને રડતી જોઇને તેને ફેન્સ તેને સહારો આપી રહ્યા છે. રાખી ઘણા સમયથી બિગ બોસ મરાઠીમાં નજરે પડી રહી હતી. આ પહેલા બિગ બોસ 14માં નજરે પડી હતી. ત્યારે પણ પોતાના માતાના ઇલાજ માટે તેણે શોમાંથી મળેલા પૈસાનો ઉપયોગ કર્યો હતો. સલમાન ખાન અને કરણ જોહરે પણ તેની મદદ કરી હતી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp