રાખી સાવંતે ઉઠક-બેઠક કરી માફી માગી, કહ્યું- 'સલમાનભાઈનો પીછો કરવાનું બંધ કરો'
સલમાન ખાનને લોરેન્સ બિશ્નોઈ ગેંગ તરફથી સતત ધમકીઓ મળી રહી છે. હાલમાં જ અભિનેતાને એક E-Mail મળ્યો હતો, જેમાં લખ્યું હતું કે, તમારી હાલત સિદ્ધુ મુસેવાલા જેવી થશે. જો કે સલમાન સતત મળતી આ ધમકીઓથી દૂર દેખાઈ રહ્યો છે અને તે તેનો ડર બહાર આવવા દેતો નથી, પરંતુ તેની શુભેચ્છક રાખી સાવંત તેના ભાઈ સલમાન માટે ખૂબ જ ડરી ગઈ છે અને બિશ્નોઈ સમુદાયની માફી માંગી રહી છે.
હાલમાં જ પાપારાઝી સાથે વાત કરતી વખતે રાખી સંપૂર્ણ રીતે સલમાનને સપોર્ટ કરતી જોવા મળી હતી. ઉપરાંત, તેણે બિશ્નોઈ ગેંગને વિનંતી કરી કે, અભિનેતા ખૂબ સારો વ્યક્તિ છે. કોઈએ તેમને મારવાનું વિચારવું પણ ન જોઈએ. રાખીએ તેની ઈન્સ્ટાગ્રામ સ્ટોરીમાં એક વીડિયો પોસ્ટ કર્યો છે, જેમાં તે સલમાનને કંઈ ન કરવાની વાત કરી રહી છે. રાખી ઉઠક-બેઠક કરીને માફી પણ માંગી રહી છે.
રાખીએ કહ્યું, 'હું સલમાન ભાઈ વતી બિશ્નોઈ સમુદાયની માફી માંગુ છું. મારા ભાઈ સલમાન પર ખરાબ નજર ન રાખશો. હું કહું છું કે સલમાન સારો વ્યક્તિ છે. તે ગરીબો માટે દાનવીર છે. તે એક મહાન વ્યક્તિ છે. સલમાન માટે પ્રાર્થના કરો, તે લોકો માટે ઘણું બધું કરે છે. હું ઈચ્છું છું કે, સલમાન ભાઈના દુશ્મનોની આંખો ફૂટી જાય. તેમની યાદશક્તિનો અંત આવે. હું અલ્લાહને પ્રાર્થના કરું છું કે, મારા ભાઈ સલમાન માટે કોઈ ખરાબ ન વિચારે.'
આ પછી, અભિનેત્રીએ સલમાનની કડક સુરક્ષા અને લોરેન્સ બિશ્નોઈ દ્વારા તાજેતરમાં આપેલા ઇન્ટરવ્યુ પર ટિપ્પણી કરી. અભિનેત્રીએ કહ્યું, 'હું તે લોકોને કહેવા માંગુ છું, જેઓ સલમાન ભાઈ વિરુદ્ધ ઈન્ટરવ્યુ આપી રહ્યા છે કે, તેણે તમારી સાથે શું ખરાબ કર્યું છે? હાથ ધોઈને મારા ભાઈની પાછળ કેમ પડી ગયા છો? તે ખૂબ જ ધર્મનિષ્ઠ વ્યક્તિ છે. મહેરબાની કરીને તેમને હેરાન કરવાનું બંધ કરો.સલમાન ઘણો અમીર છે. તે લોકો માટે બધું જ કરે છે. તેણે મારી માતા માટે ઘણું કર્યું છે.' આ કહેતી વખતે રાખીએ ઉઠક-બેઠક પણ કરી હતી.
બિશ્નોઈએ પોતાના ઈન્ટરવ્યુમાં કહ્યું હતું, સલમાન ખાને માફી માંગવી પડશે. તેઓએ બિકાનેરમાં અમારા મંદિરમાં જઈને માફી માંગવી પડશે. મારા જીવનનો હેતુ સલમાનને મારવાનો છે. તેની સુરક્ષા દૂર થતાં જ હું તેને મારી નાંખીશ. સલમાન પણ મુસેવાલાની જેમ અભિમાની છે. જો તે માફી માંગે તો આ મામલો અહીં ખતમ થઈ જશે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
