શું મા બનવાની છે રાખી સાવંત? પ્રેગ્નન્સીના કારણે લીક થયું નિકાહનું સિક્રેટ?

ડ્રામા ક્વીન રાખી સાવંત જે પણ કરે છે તે લાઇમલાઇટમાં આવી જ જાય છે. રાખીના બીજા લગ્નએ હાલ ધમાલ મચાવી છે. એક તરફ રાખી કહે છે કે, તેના લગ્ન આદિલ ખાન સાથે થયા છે. જ્યારે આદિલ રાખી સાથેના લગ્નનું સત્ય કહેવા માટે 10થી 12 દિવસનો સમય માગી રહ્યો છે. હવે રાખીના લગ્નને લઇને નવો દાવો સામે આવ્યો છે.

સાંભળવા મળ્યું છે કે, રાખી સાવંત પ્રેગ્નન્ટ છે. તે આદિલ ખાન દુર્રાની સાથે પોતાના પહેલા બાળકને જન્મ આપવા જઇ રહી છે. રાખી સાવંત સાથે જોડાયેલી આ વાત સાંભળીને તમે હેરાન રહી જશો. પણ એ પહેલા કે વાત ચર્ચાનો વિષય બને રાખીનું રિએક્શન સામે આવ્યું છે. ન્યુઝ એજન્સી સાથેની વાતચીતમાં રાખી સાવંતે પ્રગ્નન્સી પર કંઇપણ બોલવાથી ઇનકાર કર્યો છે. રાખીને જ્યારે પૂછવામાં આવ્યું કે, શું તે આદિલના બાળકની માં બનવાની છે? તો તેના જવાબમાં રાખીએ કહ્યું કે, નો કોમેન્ટ્સ. હવે રાખી સાવંતની પ્રેગ્નન્સીની અટકળો પર કંઇપણ કહેવા પર ઇનકાર કરવો લોકોને ચોંકાવી રહ્યું છે. જો એવી કોઇ વાત નથી તો તેના માટે રાખીએ સાફ ઇનકાર નથી કર્યો.

રાખી સાવંતની પર્સનલ લાઇફ હંમેશાથી વિવાદોમાં રહી છે. પહેલા લગ્ન રિતેશ સાથે થયા હતા. તેની સિક્રેટ વેડિંગ પર પહેલા તો મહિનાઓ સુધી લોકોને ભરોસો ન થયો. લોકો તેને રાખીનો નવો પબ્લિસિટી સ્ટંટ સમજી રહ્યા હતા. પછી જ્યારે રાખી રિતેશની સાથે બિગબોસમાં આવ્યો તો લોકોએ તેના લગ્ન પર વિશ્વાસ કર્યો. શોથી બહાર થયા બાદ બન્નેના પ્રોબ્લેમ સામે આવ્યા. રાખી અને રિતેશના લગ્નમાં ઘણા લડાઇ થઇ હતી. આખરે તેમના ડાઇવોર્સ થયા. રિતેશ પાસેથી દર્દ મળ્યા બાદ રાખીના જીવનમાં આદિલ ખાન દુર્રાની આવ્યો. બન્નેની લવ સ્ટોરી જોઇને લાગ્યું કે, તેઓ હંમેશા સાથે રહેશે. હજુ પણ બન્ને સાથે જ છે પણ ઘણા બધા ટ્વીસ્ટ આવ્યા છે.

રાખીએ અચાનકથી આદિલ સાથે સિક્રેટ નિકાહને રીવિલ કર્યા. ડ્રામા ક્વીનનો દાવો છે કે, 7 મહિના પહેલા નિકાહ થયા હતા. લગ્નની તસવીરો, વીડિયો અને મેરેજ સર્ટિફિકેટ પણ શેર કર્યું. ફેન્સ રાખી સાવંતને લક વિશ કરી રહ્યા હતા, પછી સામે આવ્યું કે, રાખીએ મજબૂરીમાં લગ્નની વાત લીક કરી છે. તેને શંકા છે કે, આદિલ તેને દગો કરી રહ્યો છે. રાખીએ તો લગ્નનું કબૂલનામું આપી દીધું. પણ આદિલ કંઇ પણ બોલવા પર ઇનકાર કરી રહ્યો છે.

બીજી બાજુ, રાખી ઇન્સ્ટા પર આદિલ સાથે તસવીર અને વીડિયોઝ શેર કરી રહી છે. બન્નેનો આ સંબંધ આગળ કેવો રહે છે અને આદિલ આ લગ્નને માને છે કે નહીં. શું રાખી માં બનવાની છે? આશા છે કે, આ બધા સવાલના જવાબ મળશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.