મોંઘા રિચાર્જથી સારા અલી ખાન પરેશાન, કહ્યું, આટલા બધા રૂપિયા કેમ લે છે સેલ કંપની

સારા અલી ખાન હાલમાં જ રિલીઝ થયેલી તેની ફિલ્મ 'જરા હટકે જરા બચકે'ને લઈને ચર્ચામાં છે. તે દરેક જગ્યાએ પોતાની ફિલ્મના પ્રમોશનમાં વ્યસ્ત છે. પરંતુ, આ ફિલ્મ સાથે એક વધુ વાત છે, જેને લઈને સારા ચર્ચામાં છે.

આ વાત છે આંતરરાષ્ટ્રીય ડેટા રોમિંગની.વાસ્તવમાં, જ્યારે પણ તમે તમારા દેશથી બીજા દેશમાં જાઓ છો, તો હોમ નેટવર્ક ઉપલબ્ધ ન હોવાના કિસ્સામાં, તમારે ઇન્ટરનેશનલ ડેટા રોમિંગ પેક લેવું પડે છે, પરંતુ સારા કહે છે કે, તેણે તાજેતરમાં જ બે દિવસ માટે વિદેશ પ્રવાસ કર્યો હતો.આવી સ્થિતિમાં, તેને મોંઘું આંતરરાષ્ટ્રીય રોમિંગ પેક નહીં કરાવ્યું.

મીડિયા રિપોર્ટ્સમાં જણાવ્યા મુજબ, સારાનું કહેવું છે કે તેને એવું કહેવામાં કોઈ વાંધો નથી કે તે કંજૂસ છે. કારણ કે,મેં દરેક પૈસો મહેનતથી કમાયો છે અને દરેક પૈસો બચાવ્યો છે. સારા અલી ખાન તાજેતરમાં IIFA 2023 માટે અબુ ધાબી પહોંચી હતી. અહીં સારા સાથે વાત કરવા માટે, તેના ફિલ્મ નિર્માતાએ તેણીને વાતચીત માટે આંતરરાષ્ટ્રીય રોમિંગ પેક લેવા કહ્યું હતું. નિર્માતા દિનેશ વિજાને સારાને કહ્યું કે આ પેક 400 રૂપિયામાં આવે છે અને તેણે આ પ્લાન લેવો જોઈએ. જોકે, સારાએ આમ કરવાનો ઇનકાર કર્યો હતો કારણ કે તે અબુ ધાબીમાં માત્ર બે દિવસ જ રહેવાની હતી.

તાજેતરમાં કપિલ શર્મા શોમાં પ્રમોશન માટે આવેલી સારા અલી ખાને પોતાની કંજુસાઇ વિશેની વાત જણાવી હતી. સારાએ કહ્યું કે, મારી માતા અમૃતા સિંઘ 1600 રૂપિયાનો ટુવાલ ખરીદીને આવી હતી, જે વિશે મેં મારી માતાને ખખડાવી હતી કે, આટલો મોંઘો ટુવાલ તો કઇ લવાતો હશે?

સારાએ કહ્યું કે તેને અહીં તેના હેર ડ્રેસર પાસેથી હોટસ્પોટ મેળવીને કામ ચલાવી લીધું હતું, કારણ કે તેને આ પેક ખૂબ મોંઘું લાગ્યું. આવી સ્થિતિમાં, એક તરફ સારાની કંજૂસ અને બીજી તરફ ઈન્ટરનેશનલ રોમિંગ પેકને લઈને ચર્ચાઓ શરૂ થઈ ગઈ છે. જો કે ઈન્ટરનેશનલ રોમિંગ પેક વિશે તો દરેક જણ જાણતા હશે, પરંતુ જે લોકો તેના વિશે નથી જાણતા, તેમને આ સાથે જોડાયેલી કેટલીક મહત્વપૂર્ણ બાબતો જણાવીએ.

તે મુખ્યત્વે એક કૉલિંગ પ્લાન અને સેવા છે જે મોબાઇલ ફોનના વપરાશકર્તાઓને વૉઇસ કૉલ કરવા, ઇન્ટરનેટનો ઉપયોગ કરવા અને અન્ય દેશોમાં ટેક્સ્ટ મોકલવા અથવા પ્રાપ્ત કરવાની મંજૂરી આપે છે. એક રીતે, તે વિદેશી દેશમાં હોમ ઓપરેટરના મોબાઇલ નંબર અને નેટવર્ક સેવાઓનો ઉપયોગ કરવાની મંજૂરી આપે છે અને કવરેજને વિસ્તૃત કરે છે.

Jio, Vi અને Airtel ત્રણેય કંપનીઓ આંતરરાષ્ટ્રીય રોમિંગ પેક ઓફર કરે છે. Jio તેના યૂઝર્સને કસ્ટમાઇઝ્ડ ઇન્ટરનેશનલ રોમિંગ પેક ઓફર કરે છે. એટલે કે, તમે ભારતની બહાર જે પણ દેશમાં હોવ, તે મુજબ તમે પ્લાન ખરીદી શકો છો. Vodafone-Idea પણ કેટલીક આવી જ સુવિધા આપે છે. એરટેલના આંતરરાષ્ટ્રીય રોમિંગ પ્લાન વિશે વાત કરીએ તો, તેના પેક રૂ. 649 થી શરૂ થાય છે. આમાં યુઝર્સને 500mb ડેટા સાથે 100 મિનિટ કોલિંગ અને 10 મેસેજની સુવિધા પણ મળે છે.

Jioના ઇન્ટરનેશનલ રોમિંગ પેક 575 રૂપિયાથી શરૂ થાય છે. આ પ્લાન હેઠળ યુઝરને એક દિવસની વેલિડિટી માટે 100 મિનિટ મળે છે. અને Vodafone-Ideaનું આંતરરાષ્ટ્રીય રોમિંગ પેક રૂ. 295 થી શરૂ થાય છે, જે 3 દિવસ માટે માન્ય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.