સલમાન ખાન આજે એટલે કે 27 ડિસેમ્બર, 2022ના રોજ પોતાનો 57મો જન્મદિવસ ઉજવી રહ્યો છે. પોતાના જન્મદિવસની શરૂઆત 'ભાઈજાને' એક ભવ્ય પાર્ટી સાથે કરી હતી જેમાં ઇન્ડસ્ટ્રીના ટોચના સ્ટાર્સ તેને શુભેચ્છા આપવા પહોંચ્યા હતા. આ તમામ સ્ટાર્સમાં સલમાનના નજીકના મિત્ર, સુપરસ્ટાર શાહરૂખ ખાનનું પણ નામ સામેલ છે.
શાહરૂખ ખાન પાર્ટીમાં ઘણો મોડો આવ્યો. પરંતુ સલમાનને જન્મદિવસની શુભેચ્છા આપવા માટે આવ્યો જરૂર. 'કિંગ ખાન'ના આવતાની સાથે જ પેપરાઝીઓમાં ખળભળાટ મચી ગયો હતો. શાહરૂખની એન્ટ્રીનો વીડિયો તો લોકો સોશિયલ મીડિયા પર વારંવાર જોઈ જ રહ્યા છે, પરંતુ જે વીડિયોએ ધમાલ મચાવી રાખી છે, તે શાહરૂખ ખાનના એક્ઝિટનો છે, જેમાં અભિનેતાને બહાર છોડવા પોતે સલમાન ખાન આવ્યો છે. સલમાન શાહરુખનો આ વીડિયો ચાહકોને 'કરણ અર્જુન'ની યાદ અપાવી રહ્યો છે....
'કરણ'ને જન્મદિવસની શુભેચ્છા આપવા પહોંચ્યો 'અર્જુન'
જેમ કે અમે તમને હમણાં જ જણાવ્યું કે, 'કરણ અર્જુન' ફિલ્મના 'કરણ' એટલે કે સલમાન ખાનને તેમના 57મા જન્મદિવસ પર શુભેચ્છા આપવા બોલીવુડના 'અર્જુન' એટલે કે, શાહરૂખ ખાન પહોંચ્યો. સલમાન ખાને જે પાર્ટી રાખી હતી, તેમાં પહોંચનાર છેલ્લો સ્ટાર શાહરૂખ હતો. અભિનેતાએ બ્લેક લેધર જેકેટ પહેરીને ખૂબ જ કૂલ અંદાજમાં સલમાનની બર્થડે પાર્ટીમાં હાજરી આપી હતી.
શાહરૂખ-સલમાનનો આ વીડિયો મચાવી રહ્યો છે ધમાલ
એન્ટ્રી કરતાં વધુ શાહરૂખ ખાનનું પાર્ટીમાંથી પરત જવું ધૂમ મચાવી રહ્યું છે. ખરેખર, સલમાનને મળ્યા પછી, જ્યારે શાહરૂખ તેની બર્થ ડે પાર્ટીમાંથી જવા લાગ્યો ત્યારે 'બર્થ ડે બોય' સલમાન તેને પોતે બહાર કાર સુધી મૂકવા આવ્યો હતો. વીડિયોમાં જોઈ શકાય છે કે, શાહરૂખ અને સલમાન કંઈક વાત કરતા બહાર નીકળી રહ્યા છે અને પછી કારમાં બેસતા પહેલા શાહરુખ સલમાનને ગળે લગાવી લે છે. આમ કરવા પર શાહરુખને સલમાન પણ જોરમાં પકડી લે છે. શાહરૂખ અને સલમાને આ પછી હાથ પકડીને મીડિયા સામે પોઝ આપ્યો છે અને પછી શાહરૂખ ત્યાંથી જતો રહ્યો.
શાહરૂખ સલમાનના ચાહકો આ વીડિયોને જોઈને ઈમોશનલ થઈ ગયા છે અને તેમને તેમની બંનેની ફિલ્મ 'કરણ અર્જુન'ની યાદ આવી રહી છે જેમાં આ બંને અભિનેતાઓએ ભાઈઓની ભૂમિકા ભજવી હતી.
15.jpg)
