શાહરુખ ખાનના મન્નત બહાર ફેન્સ વચ્ચે મચી અફરાતફરી, પોલીસે કરવો પડ્યો લાઠીચાર્જ

PC: ndtv.com

શનિવારે ઇદના અવસર પર ભારતમાં સેલિબ્રેશનનો માહોલ જોવા મળ્યો. બોલિવુડ એક્ટર શાહરુખ ખાને પણ ફેન્સને ‘ઇદી’ આપી દીધી છે. દર વર્ષની જેમ આ વર્ષે પણ શાહરુખ ખાન, પોતાના ફેન્સને મળવા મન્નત બહાર આવ્યો હતો. તેણે ‘દિલવાલે દુલ્હનિયા લે જાયેંગે’નો સિગ્નેચર પોઝ આપીને ઈદ મુબારક કહ્યું. માત્ર એટલું જ નહીં, શાહરુખ ખાન સાથે તેનો નાનો દીકરો અને લાડકો અબરામ ખાન પણ ફેન્સને મળવા માટે મન્નત બહાર આવ્યો હતો. બંને જ વ્હાઇટ આઉટફિટમાં હતા.

ઈદના અવસર પર શાહરુખ ખાનને જોવા માટે હજારોની સંખ્યામાં ફેન્સ મન્નત બહાર આવી પહોંચ્યા હતા. બધા ફેન્સ અચાનક રોડ પર આવી ગયા, ત્યારબાદ તેમને હટાવવા માટે પોલીસ હળવો લાઠીચાર્જ કરતી જોવા મળી. આ દરમિયાન કોઈને ઇજા થઈ નથી, પરંતુ જો ત્યાં અફરાતફરી મચી જતી તો કદાચ ઇજા થઈ શકતી હતી. આ દરમિયાન પોલીસ જ્યારે ભીડને કંટ્રોલ કરવાનો પ્રયાસ કરી રહી હતી, તો લોકો ભાગી રહ્યા હતા. શાહરુખ ખાન અને અબરામ ખાન ફેન્સને મળીને ગયા બાદ મન્નત બહાર શાંતિ પ્રસરી ગઈ.

શાહરુખ ખાનના વર્કફ્રન્ટની વાત કરીએ તો આ વર્ષે જાન્યુઆરી મહિનામાં શાહરુખ ખાનની ફિલ્મ ‘પઠાણ’ રીલિઝ થઈ હતી. ફિલ્મમાં એક્ટર દીપિકા પાદુકોણ સાથે સ્ક્રીન શેર કરતો નજરે પડ્યો હતો શાહરુખ ખાને આ ફિલ્મથી 4 વર્ષ બાદ મોટા પરદા પર વાપસી કરી હતી. દીપિકા સાથે શાહરુખ ખાનની જોડીને ખૂબ પસંદ કરવામાં આવે છે. ફિલ્મ ‘પઠાણે’ 1000 કરોડથી વધુની કમાણી કરી હતી. શાહરુખ ખાનનો જલવો ન જાણે કેટલાય દિવસો સુધી બોક્સ ઓફિસ પર બન્યો રહ્યો હતો.

આ ફિલ્મમાં જોન અબ્રાહમ વિલેનના રોલમાં નજરે પડ્યો હતો. શાહરુખ ખાનની એક્ટિંગ તો જબરદસ્ત હતી જ, સાથે જ જોન અબ્રાહમની એક્ટિંગ પણ લોકોને ખૂબ પસંદ આવી. ફિલ્મની સફળતા બાદ દીપિકા પાદુકોણ, શાહરુખ ખાન અને જોન અબ્રાહમે પ્રેસ કોન્ફરન્સ પણ કરી હતી. એક ઇવેન્ટમાં શાહરુખ ખાને પર્સનલ લાઇફથી લઈને પ્રોફેશનલ લાઇફને લઈને ખૂલીને વાત કરી હતી. આ દરમિયાન ઘણી વસ્તુ ઈન્ટરનેટ પર વાયરલ થઈ હતી. એ સિવાય હવે તે આગામી ફિલ્મ ‘જવાન’ અને ‘ડંકી’ માટે પણ ચર્ચામાં છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp