સલમાન ખાનના ‘પઠાણ’ અહેસાનનો બદલો શાહરૂખ આ રીતે ચૂકવશે

 શાહરૂખ ખાનની પઠાણ ફિલ્મમાં સલમાન ખાને રોલ કરીને જે અહેસાન કર્યો હતો તેનો હવે શાહરૂખ બદલો ચુકવશે અને ભાઇજાનની ટાઇગર-3 ફિલ્મમાં SRK કામ કરશે અને  તેના શૂટીંગ માટે 7 દિવસ રિઝર્વ પણ રાખવામાં આવ્યા છે. એક ફિલ્મમાં બબ્બે સુપર સ્ટારને કારણે દર્શકોને ભરપૂર મનોરંજન મળશે. લોકોએ આવું પઠાણ ફિલ્મમાં જોયું છે.

બોલિવુડ સુપરસ્ટાર શાહરૂખ ખાન, જેણે ‘પઠાણ’ની સાથે ધમાકેદાર વાપસી કરી હતી અને પઠાણ ફિલ્મ હવે બોલિવુડની સૌથી વધારે કમાણી કરતી ફિલ્મ બનવા જઇ રહી છે. શાહરૂખ ખાને ફિલ્મ પઠાણમાં ફેન ફેવરિટ સિકવન્સમાં સલમાન ખાનની સાથે શાહરૂખ ખાને પોતાના પ્રેમથી દર્શકોને મંત્રમુગ્ધ કરી દીધા હતા. હવે સલમાન ખાનના અહેસાનનો બદલો ચુકવવા માટે શાહરૂખ પણ હવે ‘ટાઇગર-3’ ફિલ્મમાં સલમાન સાથે દેખાશે. એના માટે SRKએ એક્શન સિકવન્સ શૂટ કરવા માટે 7 દિવસ રિઝર્વ રાખ્યા છે.

હિંદી સિનેમાના બે સૌથી મોટા સુપર સ્ટાર્સ સ્ક્રીન પર જ્યારે પણ આવે છે ત્યારે છવાઇ જાય છે. આ વખતે ‘પઠાણ’માં સલમાનનો કેમિયો જોઇને લોકોએ ખાસ્સું મનોરંજન મેળવ્યું હતું.  SRKની 'પઠાણ' પછી હવે આ ડબલ ધમાલ ફરીથી સલમાનની 'ટાઈગર'માં જોવા મળશે. YRF સ્પાય-બ્રહ્માંડમાં આ બીજી ફિલ્મ હશે જ્યારે બે મોટા સ્ટાર્સ એકબીજાની ફિલ્મમાં કેમિયો કરશે.

જાણવા મળેલી વિગત મુજબ શાહરૂખ  એપ્રિલના અંતમાં મુંબઇમાં ટાઇગર-3 માટે 7 દિવસનું શૂટીંગ કરશે. SRKના સિકવન્સ માટે 7 દિવસનો સમય નિર્ધારિત કરવામાં આવ્યો છે. એનો મતલબ એ છે કે દર્શકો માટે આ સીન મજેદાર બનાવવાનું મોટું પ્લાનિંગ કરવામાં આવ્યું છે. પઠાણમાં લોકોએ જે જોયું  તે પછી દર્શકોની અપેક્ષા વધી ગઇ છે. તેથી, એવું માનવામાં આવી રહ્યું છે કે યશરાજ ફિલ્મ્સ અને મનીષ શર્મા 'પઠાણ' અને 'ટાઈગર' વચ્ચેના આ દ્રશ્યને ભારતીય સિનેમામાં યાદ રાખવા માટે કોઈ કસર છોડશે નહીં.

'ટાઈગર 3'માં સલમાન ખાન 'ટાઈગર' અને કેટરીના કૈફ 'ઝોયા' તરીકે જોવા મળશે. આ ફિલ્મ આ દિવાળીએ રિલીઝ થવાની તૈયારીમાં છે. 'ટાઈગર 3'માં શાહરૂખ ખાન અને સલમાન પાસેથી પૂરા જોશની અપેક્ષા છે.  YRF સ્પાય યુનિવર્સ દરેક મૂવીના થિયેટ્રિકલ અનુભવને માત્ર થોડા સ્તરો પર લઈ જવાનું છે. ત્રણેય સુપર જાસૂસોની ડિઝાઈન અલગ-અલગ રીતે કરવામાં આવી છે, દરેક વ્યક્તિ ખાતરી કરી શકે છે કે જ્યારે પણ સુપર જાસૂસો એકબીજાની ફિલ્મોમાં આવશે ત્યારે દરેક વખતે આતશબાજી થશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.