'ઇબ્રાહિમ સે આયા હૈ બ્રાહ્મણ...', વિવાદાસ્પદ પોસ્ટ બાદ ગાયક લકી અલીએ માગી માફી

મનોરંજન ઉદ્યોગમાં ઘણી એવી હસ્તીઓ છે જેઓ તેમના સ્પષ્ટ અભિપ્રાય માટે જાણીતા છે. હિન્દી સિનેમાના પ્રખ્યાત ગાયક લકી અલી પણ તેમાંથી એક છે. સિંગર હંમેશા ગંભીર મુદ્દાઓ પર પોતાની વાત સોશ્યિલ મીડિયા પર પોસ્ટ કરતો જોવા મળે છે. તાજેતરમાં તેણે 'બ્રાહ્મણ' શબ્દ સાથેની એક સોશિયલ મીડિયા પોસ્ટ શેર કરી હતી. આ પોસ્ટમાં તેમણે કહ્યું કે 'બ્રાહ્મણ' નામ 'ઈબ્રાહિમ' પરથી ઉતરી આવ્યું છે.

સિંગરની પોસ્ટને લઈને દરેક જગ્યાએ ભારે હોબાળો થયો હતો, ત્યારબાદ તેણે નારાજ હિન્દુ ભાઈ-બહેનોની માફી માંગી છે.

લકી અલી તે સેલેબ્સમાંથી એક છે, જેમને હંમેશા ચાહકો તરફથી અપાર પ્રેમ મળી રહ્યો છે. ભલે તે અત્યારે ઘણા ગીતો નથી ગાતો, પણ તે સોશિયલ મીડિયા પર ખૂબ જ એક્ટિવ રહે છે. રવિવાર, 9 એપ્રિલના રોજ, તેણે 'બ્રાહ્મણ' નામ સાથે એક પોસ્ટ શેર કરી. પોસ્ટમાં તેણે લખ્યું, 'બ્રાહ્મણ નામ બ્રહ્મા પરથી આવ્યું છે, જે અબરામ પરથી આવ્યું છે. તે અબ્રાહમ અથવા ઇબ્રાહિમમાંથી આવે છે. બ્રાહ્મણો એક રાજવંશ ઇબ્રાહિમ છે, અલયહિસ્સલામ તમામ રાષ્ટ્રોના પિતા છે, તો શા માટે દરેક વ્યક્તિ તર્ક વિના દલીલ કરે છે અને લડે છે?'

લકી અલીની પોસ્ટ વાંચીને બધાએ તેના પર નારાજગી વ્યક્ત કરી હતી. જ્યારે વિવાદ વધ્યો તો સિંગરે તે પોસ્ટ ડિલીટ કરી દીધી. આ પછી, તેણે હવે માફી પણ શેર કરી છે. તેઓ લખે છે, 'મારો ઉદ્દેશ્ય સમાજમાં વિભાજિત વર્ગોને એકસાથે લાવવાનો છે. કોઈ ગુસ્સો કે તકલીફ પેદા કરવા માંગતો ન હતો. મને સમજાયું કે હું ખોટો હતો. મારી પોસ્ટ ખોટી રીતે દેખાઈ. હવેથી હું જે પોસ્ટ કરીશ તેને લઈને હું વધુ સાવધાન રહીશ. મારા શબ્દોએ ઘણા હિંદુ ભાઈ-બહેનોને પરેશાન કર્યા છે. હું આ માટે દિલગીર છું. હું તમને બધાને ખૂબ પ્રેમ કરું છું.'

64 વર્ષીય લકી અલીએ 'સુનો' આલ્બમથી હિન્દી મ્યુઝિક ઈન્ડસ્ટ્રીમાં ડેબ્યૂ કર્યું હતું. તે 'એક પલ કા જીના', 'તુમ જાનો ના હમ', 'અભી જા આ ભી જા', 'અંજાના અંજાની' જેવા ઘણા સુપરહિટ ગીતો ગાવા માટે જાણીતા છે. લકી અલીના ગીતો હિન્દી સિનેમાના એવરગ્રીન સોંગ્સમાં સામેલ છે. જેને તમે ગમે ત્યારે પણ સાંભળો છો, તમને એક અલગ જ પ્રકારનો આરામ મળે છે.

પોતાના અવાજનો ઉપયોગ કરીને લોકોને આકર્ષિત કરનાર લકી લાંબા સમયથી શોબિઝથી દૂર થઇ ગયો છે. જો કે, તે ભારત અને વિદેશમાં પોતાનું પ્રદર્શન આપવાનું ચાલુ રાખે છે. એક સમય હતો જ્યારે તેનો ક્રેઝ લોકોના માથા ઉપર ચડીને બોલતો હતો. સમય બદલાયો, સંજોગો બદલાયા, પરંતુ આજે પણ તેના વીડિયો લોકોમાં વાયરલ થતા રહે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.