હાલમાં બોલિવુડની ફિલ્મોની બોક્સ ઓફીસ પર ખરાબ સ્થિતિ છે. મિસ્ટર પરફેક્શનનિસ્ટ આમીર ખાન અને કમર્શિયલી હિટ એક્ટર અક્ષય કુમાર પણ ફેલ સાબિત થઇ રહ્યા છે. એક-એક કરીને અત્યાર સુધી અનેક ફિલ્મો થીએટર્સથી ખાલી હાથ રિટર્ન થઈ ચૂકી છે. ફિલ્મોના બોયકોટ પર હવે એક્ટર સુનીલ શેટ્ટીએ મૌન તોડ્યું છે અને આને બોલિવુડનો સૌથી ખરાબ સમય ગણાવ્યો છે.
સુનીલ શેટ્ટી હાલમાં જ એક ઇવેન્ટમાં હાજર રહેવા માટે રાયપુર ગયો હતો, જ્યાં તેને ફિલ્મોને બોયકોટ કરવા પર પોતાનો અભિપ્રાય આપ્યો અને દુ:ખ પણ વ્યક્ત કર્યું. DNA ના રિપોર્ટ અનુસાર, એક્ટરને બોયકોટ પર પ્રશ્ન પૂછતા તેને કહ્યું કે, ‘અમે ખૂબ જ સારું કામ કર્યું છે. જો કે, લોકો હાલમાં ફિલ્મોના સબ્જેક્ટથી ખુશ નથી અને એટલે જ આપણે આટલા ખરાબ સમયમાંથી પસાર થઇ રહ્યા છીએ. આશા છે, આના પર વિચાર કરવામાં આવશે.’
એક્ટરે વાતચીતમાં આગળ કહ્યું કે, ‘શરૂઆતમાં એવું લાગતું હતું કે, આ માત્ર એક વારની વાત છે, પણ હવે આપણે સતત જોઈ રહ્યા છે કે, લોકો થીયેટરમાં નથી આવી રહ્યા અને હું તેમાં હસ્તક્ષેપ નથી કરી શકતો કે, શું થઇ રહ્યું છે અને કેમ થઇ રહ્યું છે?’
હાલમાં જ રીલિઝ થયેલી આમીર ખાનની ફિલ્મ ‘લાલ સિંહ ચડ્ડા’ને બોયકોટના કારણે બોક્સ ઓફીસ પર કમાણી કરી શકી ન હતી. ફિલ્મને બનાવવામાં આમીર ખાને ચાર વર્ષનો સમય લીધો, પણ જ્યારે રીલિઝની વાત આવી તો તેને દેશ પર આપેલા એક જુના નિવેદનને સોશિયલ મીડિયા પર બોયકોટ ટ્રેન્ડનો ભાગ બનાવી દેવામાં આવ્યો હતો. આમીરે પોતાની ફિલ્મને એક વાર જોવા માટે પ્રેક્ષકોને લાખો વાર અપીલ કરી, પણ ફિલ્મ પ્રેક્ષકોને પોતાની તરફ આકર્ષિત કરવામાં નિષ્ફળ રહી હતી.
‘લાલ સિંહ ચડ્ડા’ની સાથે રીલિઝ થયેલી અક્ષય કુમારની ફિલ્મ ‘રક્ષાબંધન’ની પણ બોક્સ ઓફીસ પર આ જ સ્થિતિ રહી. ફેસ્ટીવલ રીલિઝ અને શાનદાર પ્રમોશનના પછી પણ ફિલ્મ વધારે કમાલ કરી શકી ન હતી.
15.jpg)
