લાઈવ કોન્સર્ટમાં ઉદિત નારાયણે છોકરીને કિસ કરતા થયો હોબાળો, લોકો ગુસ્સે થયા

પ્રખ્યાત ગાયક ઉદિત નારાયણનો એક વીડિયો સોશિયલ મીડિયા પર આગની જેમ ફેલાઈ રહ્યો છે. આ વીડિયો તેમના લાઈવ કોન્સર્ટનો હોવાનું કહેવાય છે. કોન્સર્ટની વચ્ચે, ગાયકે તેની સાથે સેલ્ફી લેવા આવેલા એક મહિલા ચાહકને ચુંબન કર્યું. હવે લોકો ઉદિત નારાયણને ખરાબ રીતે ટ્રોલ કરી રહ્યા છે. સોશિયલ મીડિયા યુઝર્સ ઉદિતના આ કૃત્યને ખૂબ જ ખરાબ અને નીચલી કક્ષાનું કહી રહ્યા છે. ઘણા લોકો તેના જૂના વીડિયો પણ શોધી રહ્યા છે અને શેર કરી રહ્યા છે. એવું કહેવામાં આવી રહ્યું છે કે, ઉદિત પહેલાથી જ આવા કામ કરતો આવ્યો છે.

વાયરલ વીડિયોમાં, ઉદિત 'ટિપ ટિપ બરસા પાની' ગાતો જોવા મળે છે. તે જ સમયે, ઘણી મહિલા ચાહકો તેમના ફોન લઈને સ્ટેજની નજીક આવે છે. તે ગાયક સાથે સેલ્ફી લે છે. ઉદિત પોતાનો ફોટો ક્લિક કરાવવા માટે સ્ટેજ પર ઘૂંટણિયે બેસી જાય છે. સેલ્ફી લીધા પછી, તે મહિલા ચાહકને ચુંબન કરે છે. એક ક્લિપમાં, તે પોતાના બાઉન્સરને પણ દૂર જવાનો સંકેત આપે છે, જે ફેનને સ્ટેજ પરથી દૂર કરવા માટે આવતો હોય છે. ઉદિતનો આ વીડિયો જોયા પછી તેની ઘણી ટીકા થઈ રહી છે. લોકો કાં તો તેને ગમેતેમ બોલી રહ્યા છે અથવા તેની મજાક ઉડાવી રહ્યા છે.

How can Udit Narayan be so shameless?
I have lost all respect for him.this kind of behaviour with girls of his daughter's age on stage was not expected#uditnarayan pic.twitter.com/uljabiuBJU

— Rahul Gupta (@RahulGu04197245) February 1, 2025

હવે આ વાયરલ વીડિયો પર વિવિધ પ્રતિક્રિયાઓ આવી રહી છે. રાહુલ ગુપ્તા નામના વ્યક્તિએ ઉદિતનો આ વીડિયો શેર કર્યો અને લખ્યું, 'ઉદિત નારાયણ આટલો બેશરમ કેવી રીતે હોઈ શકે છે. મારા દિલમાં તેમના માટે જે આદર હતો તે હવે જતો રહ્યો છે. તમારી દીકરીની ઉંમરની છોકરીઓણી સાથે આવી હરકતો બિલકુલ અપેક્ષિત નથી.'

એક યુઝરે લખ્યું, 'મને મારી આંખો પર વિશ્વાસ નથી આવતો, તેઓ શું કરી રહ્યા છે... અને આપણે આ સેલિબ્રિટીઓને ભગવાનની જેમ પૂજીએ છીએ.'

બીજા એક યુઝરે લખ્યું, 'હું ઉદિત નારાયણનો મોટો ચાહક છું, પણ તે જે કંઈ કરી રહ્યો છે તે ખૂબ જ ખોટું છે. આજકાલ લોકો નકામા બની ગયા છે, કૂલ બનવાના પ્રયાસમાં તેઓ મૂર્ખ બની રહ્યા છે.' એકે લખ્યું, 'ગાયકોની વાસ્તવિકતા હવે બહાર આવી રહી છે...'

ઘણા યુઝર્સે લખ્યું છે કે, આ ઘટનામાં કોણ દોષિત છે, ચાહક ની કે કલાકાર ની... ઘણા યુઝર્સે ઉદિત સામે કાર્યવાહી કરવાની પણ વાત કરી છે. ઘણા લોકોએ ઉદિત નારાયણના જૂના વીડિયો અથવા જૂના ફોટા શેર કર્યા છે. જેમાં તે અલકા યાજ્ઞિક અને શ્રેયા ઘોષાલને ગાલ પર ચુંબન કરતો પણ જોવા મળે છે.

જોકે, ઉદિત નારાયણે હજુ સુધી તેમના તરફથી આ ઘટના અંગે કોઈ સ્પષ્ટતા આપી નથી. ઉદિત બોલિવૂડના પ્રતિષ્ઠિત ગાયકોમાંના એક છે. તેઓ ઘણા દાયકાઓથી ફિલ્મી ગીતો ગાઈ રહ્યા છે. ઉદિતે કયામત સે કયામત તક, રંગીલા, પુકાર, ધડકન, લગાન, દેવદાસ, વીર-ઝારા જેવી કલ્ટ ક્લાસિક ફિલ્મોમાં ગીતો ગાયા છે અને હાલની ફિલ્મોમાં પણ તેમનો અવાજ સાંભળવા મળે છે. તેમને તેમના ગીતો માટે રાષ્ટ્રીય પુરસ્કારો પણ મળી ચુક્યા છે.