અબ્દુ રોઝિક સાથે ઉર્ફી જાવેદનો વીડિયો વાયરલ, યુઝર્સે ટ્રોલ કરી
બિગ બોસ 16ના સૌથી ક્યુટ કન્ટેસ્ટન્ટ અબ્દુ રોઝિક ઘણા સમયથી ખબરોમાં ચાલી રહ્યો છે. અબ્દુને તેની ક્યુટનેસની સાથે સાથે સીધા સાદા વ્યવહાર માટે પણ ઓળખવામાં આવે છે. એવામાં તે જ્યાં જાય છે દરેક જણ અબ્દુ રોઝિકના દિવાના થઇ જાય છે. થોડા સમય પહેલા ઉર્ફી જાવેદની સાથે પણ આવું જ થયું હતું. એક ઇવેન્ટમાં ઉર્ફી જાવેદ અને અબ્દુની મુલાકાત થઇ હતી. ઇવેન્ટનો થ્રોબેક વીડિયો એક ફરી વાર વાયરલ થયો છે.
સોશિયલ મીડિયા પર વાયરલ આ વીડિયોમાં ઉર્ફીએ કાળા રંગની સાડી પહેરી છે. તેની સાથે અબ્દુ રોઝિક બ્લુ પેન્ટ સૂટ પહેરીને બેઠો છે. બન્ને વચ્ચે વાતચીત થાય છે. ઉર્ફીને જોઇને લાગી રહ્યું છે કે, તે અબ્દુ સાથે મઝાક કરી રહી છે. જોકે, આ વીડિયોને જોયા બાદ યુઝર્સે સ્ટાર્સ વચ્ચેની વાતચીતનું પોતાનું જ વર્ઝન બનાવી દીધું છે. એવામાં ઉર્ફીની મઝાક પણ ઉડાવાઇ રહી છે.
વીડિયો પર ઘણા બધા યુઝર્સે કોમેન્ટ કરી છે. એક પછી એક યુઝર્સ ઉર્ફીને લઇને કોમેન્ટ વીડિયો પર ડ્રોપ કરી રહ્યા છે. એક યુઝરે લખ્યું કે, તે પોતાના ડ્રેસિંગ સેન્સ વિશે પૂછી રહી છે કે શું અબ્દુના દેશમાં તેની પરવાનગી છે. બીજા યુઝરે લખ્યું કે, ઉર્ફીને અબ્દુ નાના કપડા જોઇતા હશે અને તે અબ્દુ પાસે માગી રહી હશે. એક બીજા યુઝરે લખ્યું કે, અબ્દુ તારે આ મહિલાને ન મળવું જોઇતું હતું, એક અન્ય યુઝરે લખ્યું કે, તે બોલી રહી છે કે, કપડા કેમ પહેરે છે.
ઉર્ફી જાવેદે હાલના દિવસોમાં પોતાના કપડા સાથે સાથે પોતાના બેધડક વિચારોના કારણે પણ ખબરોમાં છે. એક્ટ્રેસ તુનિશા શર્માના મોત પર ઉર્ફીએ પોતાનું રિએક્શન આપ્યું હતું. તેણે છોકરીઓને જીવનમાં ક્યારેય પણ દિલ તુટ્યા બાદ આવું પગલું ન ઉઠાવવા માટે અપીલ કરી હતી.
ઉર્ફીએ પોતાની ઇન્સ્ટા સ્ટોરી પર લખ્યું હતું કે, હા, શીઝાન ખોટો હોઇ શકે છે. કદાચ તુનિશાને દગો કર્યો હશે. પણ તુનિશાના મોત માટે આપણે શીઝાનને જવાબદાર ન ઠરેવી શકીએ. જ્યારે કોઇ તમારી સાથે નથી રહેવા માગતુ તો તમે તેને જબરજસ્તી પોતાની સાથે રહેવા માટે મજબૂર ન કરી શકો. ગર્લ્સ કોઇ પણ એ લાયક નથી હોતું કે તમે તેના માટે પોતાનો કિંમતી જીવ આપી દો.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
