કોરિયન ડ્રામા જોવાન શોખીન હોવ તો ‘Queenmaker’ જોતા પહેલા વાંચી લો આ રિવ્યૂ

PC: kapanlagi.com

Netflixની હાલમાં રીલિઝ થયેલી સીરિઝ ક્વીનમેકર રાજકારણના દાંવપેચ પર આધારિત છે. આથી જો તમારી અંદર પણ રાજકારણનો કીડો હોય, તો તમારે આ સીરિઝ જરૂર જોવી જોઈએ. આ સીરિઝની સ્ટોરી Hwang Do-hee ની આસપાસ ફરે છે, જે રાજકીય મામલાઓની એક્સપર્ટ છે. તે એટલી પાવરફુલ અને ઇન્ટેલિજન્ટ છે કે તે પોતાના મગજના પાવરના આધાર પર સમગ્ર રાજકારણની દુનિયામાં ઉથલ-પાથલ કરી શકે છે. તે એક એવી મજબૂત ફિક્સર છે જે પોતાની સ્કિલ્સનો યુઝ કરીને Oh Kyung-sook ને આવનારા ઇલેક્શન માટે તૈયાર કરે છે. Oh Kyung-sook એક પ્રોફેશનલ વકીલ છે.

Hwang Do-hee Oh Kyung-sook ને સિયોલની નવી મેયર બનાવવા માંગે છે. ટક્કરમાં છે Eunsung Group, જેની પકડ કોરિયાની દરેક મોટી કંપની અને ઇન્સ્ટીટ્યૂશન પર છે. શહેર પર એક પ્રકારે તેમનું રાજ ચાલે છે. પરંતુ, તેમનો જે કેન્ડિડેટ છે, તે એક ખૂબ જ ક્રૂર વ્યક્તિ છે, જેણે માત્ર લોકો પર રાજ કરવું છે. Hwang Do-hee તેની વિરુદ્ધ લડાઈ લડી રહી છે પરંતુ, તેની પાછળ શો ઈરાદો છે, તે એવુ કરવા શા માટે માંગે છે, તે જાણવા માટે તમારે આખી સીરિઝ જોવી પડશે. કારણ કે, આ જ તેનો રસપ્રદ પાર્ટ છે.

આ સીરિઝનો મેઇન ફોકસ જ પોલિટિકલ ડ્રામા છે, એવામાં દરેક સીનને ખૂબ જ બારીકાઈથી શૂટ કરવામાં આવ્યો છે. પરંતુ, જો તમને રાજકારણમાં જરા પણ રસ ના હોય તો આ સીરિઝ તમારા માટે નથી. ક્વીનમેકરમાં પોલિટિક્સ સાથે સંકળાયેલી દરેક બાબતને દર્શાવવામાં આવી છે. રાજકારણમાં જીત મેળવવા માટે અથવા કોઈકને નીચા બતાવવા માટે માણસ પોતે કેટલો નીચે પડી જાય છે. ક્વીનમેકર કાયદાકીય બાબતો પર પણ ફોકસ રાખે છે, જે તમને ઘણુ બધુ શીખવી શકે છે. આ એક વુમન સેન્ટ્રિક સીરિઝ છે. સીરિઝ ક્યાંય પણ સ્ટોરીલાઇન પરથી ભટકતી નથી. પૂરી કાસ્ટે દમદાર કામ કર્યું છે. કોઈપણ એક્સ્ટ્રા કરતુ નથી દેખાતું.

આ સીરિઝની લંબાઈ તેનો સૌથી મોટો વીક પોઇન્ટ છે. રાજકારણની સ્ટોરીલાઇનથી અલગ જે કેરેક્ટર્સની પર્સનલ સ્ટોરીલાઇન દર્શાવવામાં આવી છે, તે થોડી બોરિંગ છે. તેમા ઇન્ટરેસ્ટિંગ કંઇ જ નથી. તેમજ બંને ફીમેલ લીડના રોલને પર્સનલ લેવલ પર વધુ ડ્રામાટિક દર્શાવી શકાતા હતા. Netflixની બાકી સીરિઝની જેમ તેના હિંદી ડબ પર પણ સારું કામ કરવામાં આવ્યું છે. આ સીરિઝમાં 12 એપિસોડ્સ છે, તો થોડો-થોડો ટાઇમ આપીને જોઈ શકાય છે. સીરિઝને ડાયરેક્ટ કરી છે- Jin Suk Oh તેમજ લીડ કાસ્ટમાં Jolene Kim, Lorna Duyn, Michael Fujioka, Jin Kyung સામેલ છે. આ સીરિઝની બીજી સીઝન પણ ટૂંક સમયમાં આવી જશે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp