પત્નીને મુસ્લિમ હોવા પર ગર્વ, મને હિન્દુ હોવા પર ગર્વ:બાજપેયી,અમારી વચ્ચે ધર્મ..
હાલમાં બોલિવૂડના તેજસ્વી અભિનેતા મનોજ બાજપેયી સોશિયલ મીડિયા પર રાજ કરી રહ્યા છે. વાસ્તવમાં, તેણે તેની પત્ની મુસ્લિમ અને તેના ધર્મ વિશે કેટલીક એવી વાતો કહી છે, જેના કારણે તે લોકોમાં ચર્ચાનો વિષય બની ગયો છે. મનોજ બાજપેયીએ કહ્યું છે કે, તેઓ તેમની પત્ની શબાના રઝા સાથે ક્યારેય ધર્મની ચર્ચા કરતા નથી. મનોજ બાજપેયીએ કહ્યું, જ્યારે તેણે લગ્ન કરવાનો નિર્ણય લીધો હતો ત્યારે તેને પરિવાર તરફથી કોઈપણ પ્રકારના વિરોધનો સામનો કરવો પડ્યો નહોતો.
મનોજ બાજપેયી બોલિવૂડના સૌથી બહુમુખી પ્રતિભા ધરાવતા અભિનેતાઓમાંના એક છે. તેણે તેની ફિલ્મો અને વેબ શો દ્વારા તેની અભિનય ક્ષમતા સાબિત કરી છે. તાજેતરમાં, અભિનેતાએ 'ધ ફેમિલી મેન' અને 'ગુલમોહર' દ્વારા ચાહકોનું દિલ જીતી લીધું હતું. અભિનેતાએ શબાના રઝા સાથે લગ્ન કર્યા છે અને બંને સાથે ખૂબ જ ખુશ છે. જો કે અભિનેતાની પત્ની લાઈમલાઈટથી દૂર રહે છે, પરંતુ તે તેના વખાણ કરવાથી અટકતા નથી. મીડિયા સાથેના તાજેતરના ઇન્ટરવ્યુમાં મનોજ બાજપેયીએ તેની અને તેની પત્ની વચ્ચેના ધાર્મિક તફાવત વિશે વાત કરી હતી.
પોતાના લગ્ન વિશે વાત કરતાં મનોજ બાજપેયીએ ખુલાસો કર્યો કે, શબાના રઝા સાથેના તેમના લગ્ન ધર્મ કરતાં વધુ અમુક બાબતો વિશે છે. તેણે એમ પણ કહ્યું કે, જો ભવિષ્યમાં તેમના બંનેમાંથી કોઈએ પણ તેમના જીવનના આ આદર્શોને બદલી નાંખ્યા તો, તેમના લગ્ન ચાલશે નહીં. મનોજ બાજપાયીએ એમ પણ કહ્યું કે, તે બ્રાહ્મણ પરિવારમાંથી તેમજ સમૃદ્ધ પરિવારમાંથી છે પરંતુ તેણે ક્યારેય કોઈ વાંધો ઉઠાવ્યો નથી. તેણે કહ્યું કે તેની પત્ની ધાર્મિક નથી.
મનોજ બાજપાયીએ કહ્યું, તે આધ્યાત્મિક છે, ખૂબ જ આધ્યાત્મિક છે. તે એક ગૌરવપૂર્ણ મુસ્લિમ છે અને હું ગૌરવપૂર્ણ હિંદુ છું પરંતુ તે એકબીજા સાથે વિરોધાભાસી નથી. ભલે તેઓ મારી પત્નીના ધર્મ વિશે વાત કરે છે, છતાં મારી સામે વાત કરવાની કોઈની તાકાત કે હિંમત નથી. કારણ કે, તેઓ જાણે છે કે હું આ વાતો પર વિશ્વાસ કરતો નથી, જ્યારે કોઈ આવી વાત કરે છે ત્યારે હું ખૂબ જ કડક બની જાઉં છું. હું ભાગ્યે જ આવો સખ્ત બની જાવ છું. ત્યારે હું સખત વ્યક્તિ છું. લોકો હજુ પણ મારા ગુસ્સેલ સ્વભાવ વિશે વાતો કરે છે.
અભિનેતા છેલ્લે 'ગુલમોહર'માં જોવા મળ્યો હતો. કૌટુંબિક ડ્રામા પીઢ કલાકારો શર્મિલા ટાગોર અને અમોલ પાલેકર, સિમરન બગ્ગા અને બીજા ઘણા અભિનેતાઓ છે. તે રાજ અને DK દ્વારા નિર્મિત તેની ક્રાઈમ થ્રિલર ફ્રેન્ચાઈઝી 'ધ ફેમિલી મેન'ની ત્રીજી સીઝન સાથે ટૂંક સમયમાં જ OTT સ્પેસ પર પાછા ફરવાનું પણ આયોજન કરી રહ્યો છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
