કેમેરાની સામે ગર્લફ્રેન્ડ સાથે રોમેન્ટિક થયો હની સિંહ, ગાયું 'મેરી જાન...' ગીત
સિંગર અને રેપર યો યો હની સિંહે નવા વર્ષનું સ્વાગત તેની ડાર્લિંગ ગર્લફ્રેન્ડ ટીના થડાની સાથે કર્યું. હની સિંહે ગર્લફ્રેન્ડ સાથે ક્વોલિટી ટાઈમ પસાર કર્યો અને સાથે જ ફેન્સ સાથે એક ખાસ વીડિયો પણ શેર કર્યો. વીડિયોમાં હની સિંહ લેડી લવ ટીના સાથે રોમેન્ટિક થતો જોવા મળ્યો હતો. બંનેનો રોમાન્સ હાલ ચર્ચામાં છે.
ગર્લફ્રેન્ડ માટે રોમેન્ટિક થયો હની સિંહ
પત્ની સાથે ડાયવોર્સ બાદ હની સિંહને ટીના થડાનીમાં તેની ડ્રીમ ગર્લ મળી ગઈ છે. તે ટીના સાથે રિલેશનશિપમાં છે. હની સિંહ ટીના થડાની સાથે જ પોતાનો મોટાભાગનો સમય પસાર કરે છે. હવે નવું વર્ષ પણ તેણે ટીના સાથે જ ઉજવ્યું છે.
હની સિંહે પોતાના ઈન્સ્ટાગ્રામ હેન્ડલ પર ફેન્સને નવા વર્ષની શુભેચ્છા આપતા એક ખાસ વીડિયો શેર કર્યો છે. વીડિયોમાં હની સિંહ કેમેરાની સામે તેની લેડી લવ સાથે રોમેન્ટિક થતા જોવા મળ્યો હતો. ટીના પણ હની પર ખૂબ જ પ્રેમ વરસાવી રહી છે. બંનેની સિઝલિંગ કેમેસ્ટ્રી જોઈને સર્દીમાં ગરમીનો માહોલ થઈ ગયો છે.
હની સિંહ તેની સ્વીટહાર્ટ ટીના માટે 'મેરી જાન...મેરી જાન' ગીત પણ ગાય રહ્યો છે. ત્યારે જ હની સિંહની ગર્લફ્રેન્ડ તેને પ્રેમથી Kiss કરે છે. બંને એકબીજાની સાથે ખૂબ જ ખુશ દેખાઈ રહ્યા છે.
હની સિંહે વીડિયો શેર કરતી વખતે કેપ્શનમાં લખ્યું, હેપ્પી ન્યૂ યર તમામ લવર્સને. આ લવર્સની સિજન છે, નફરત કરનારાઓની નહીં. હની સિંહના આ વીડિયોને લાખો લોકો લાઈક કરી ચૂક્યા છે અને બંને પર પ્રેમ વરસાવી રહ્યા છે.
પત્ની સાથે ડાયવોર્સ પછી હની સિંહને મળ્યો ટીનાનો સાથ
હની સિંહના તેની પત્ની શાલિની તલવાર સાથે સપ્ટેમ્બર 2022મા ડાયવોર્સ ફાયનલ થયો હતો. હની સિંહનો તેની પત્ની સાથેનો 20 વર્ષ જૂનો સંબંધ તૂટ્યો ત્યારે બધા ચોંકી ગયા હતા. પરંતુ ડાયવોર્સના થોડા મહિના પછી જ, હની સિંહના જીવનમાં ટીના થડાનીએ પ્રવેશ કર્યો અને તેણે ચાહકોના પ્રિય રેપરના જીવનમાં ફરી પ્રેમની મીઠાશ ભરી દીધી. બંને એકબીજાને ખૂબ પ્રેમ કરે છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
