ગુજરાતમાં અવાર-નવાર ચોરીના બનાવો બનતા રહે છે. અત્યારે 1400 કિલો ચાંદીની લૂંટની ઘટનાથી રાજ્યમાં ખળભળાટ મચી ગયો છે. રાજકોટ-અમદાવાદ હાઈવે પર ફિલ્મી સ્ટાઈલમાં લૂંટનું દ્રશ્ય સર્જાયું છે. મળતી પ્રાથમિક માહિતી મુજબ ચાંદીનો જથ્થો રાજકોટથી અમદાવાદ તરફ લઇ જવાતો હોવાનું જાણવા મળે છે. આ દરમિયાન લૂંટારુઓએ ચોરી કરી હતી. જોકે લૂંટારુઓ હાલ ફરાર છે. આ લૂંટને અંજામ આપવા માટે 3 વાહનોનો ઉપયોગ કરવામાં આવ્યો હોવાનું બહાર આવ્યું છે.
ગુજરાતના સુરેન્દ્રનગર જિલ્લામાં 1400 કિલો ચાંદીના ઘરેણાની લૂંટની સનસનાટીભરી ઘટના પ્રકાશમાં આવી છે. રાજકોટ-અમદાવાદ હાઈવે પર સાયલા નગર પાસે વાન રોકીને આ ઘટનાને અંજામ આપ્યો હતો. આ ઘટના બાદ પોલીસ વિભાગમાં ખળભળાટ મચી ગયો છે. પોલીસે લૂંટારુઓને પકડવા માટે 15 ટીમો બનાવી છે. લૂંટાયેલી ચાંદીમાં દાગીના હતા. જેની કિંમત 3.88 કરોડ રૂપિયા આંકવામાં આવી રહી છે.
સુરેન્દ્ર નગર જિલ્લાના પોલીસ અધિક્ષક હરેશ દુધાતે જણાવ્યું હતું કે, શુક્રવારે મોડી રાત્રે લૂંટારુઓ ત્રણ કારમાં આવ્યા હતા. વાન અમદાવાદ તરફ જઈ રહી હતી. પોલીસની ટીમ લૂંટારુઓને શોધવામાં લાગી છે. કુરિયર કંપનીના મેનેજર પિન્ટુ સિંઘે જણાવ્યું હતું કે, અમારી વાન દરરોજ રાજકોટથી અમદાવાદ એરપોર્ટ સુધી કિંમતી સામાન પહોંચાડે છે. શુક્રવારની મોડી રાત્રે વાન ચાલકે અમને બીજા કોઈના મોબાઈલ પરથી ફોન કરીને જણાવ્યું કે, કેટલાક લોકોએ તેને માર માર્યા બાદ દાગીનાના પાર્સલની લૂંટ કરી હતી. આ પાર્સલ લગભગ 50 વેપારીઓ અને જ્વેલર્સના હતા. વાનમાં રહેલી જ્વેલરીનો માલ અમદાવાદ એરપોર્ટ પરથી દેશના અન્ય ભાગોમાં મોકલવાનો હતો.
અહેવાલો અનુસાર, આ ઘટનાને અંજામ આપવા માટે હાઇવે પર 3 કાર દોડી રહી હતી. હાઈવે પર 3.90 કરોડની ચાંદીની લૂંટ કોઈ ફિલ્મી દ્રશ્યની જેમ આચરવામાં આવી હતી. પોલીસ ફરિયાદમાં જણાવાયું છે કે ચાંદી ભરેલા વાહનને રોકવા માટે 3 વાહનો આવ્યા હતા. કેટલાક લોકો તેમાંથી બહાર આવ્યા. તેણે ચાંદી ભરેલી કારને રોકી અને કહ્યું કે કારમાં દારૂ છે. વાહનમાં દારૂ છે કે નહીં તે ચેક કરવાના બહાને યુવકોએ તેની લૂંટ ચલાવી હતી.
લૂંટની આ મોટી ઘટના બાદ પોલીસ આસપાસના તમામ CCTV કેમેરાના ફૂટેજ પણ ચકાસી રહી છે. પોલીસને આશંકા છે કે જે રીતે આ લૂંટને અંજામ આપવામાં આવ્યો છે, તેથી આ ઘટનામાં બહારની ગેંગ પણ સામેલ હોઈ શકે છે. જેને લઈને પોલીસ દ્વારા રાજ્યની તમામ સરહદો સીલ કરી દેવામાં આવી છે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
