ઈરાનમાં પાકિસ્તાની એજન્ટો દ્વારા ગુજરાતના એક યુગલને છેતરીને બંધક બનાવ્યાનો કિસ્સો સામે આવ્યો છે. આ પાકિસ્તાની એજન્ટ હવે બંને માણસોની મુક્તિ માટે પૈસાની માંગ કરી રહ્યો છે. આ મામલે ક્રાઈમ બ્રાન્ચે તપાસ શરૂ કરી દીધી છે.
ઈરાનમાં પાકિસ્તાની એજન્ટો દ્વારા ગુજરાતના એક યુગલને બંધક બનાવ્યાનો કિસ્સો સામે આવ્યો છે. પાકિસ્તાની એજન્ટ હવે તે બંનેની મુક્તિ માટે પૈસાની માંગ કરી રહ્યો છે. આ મામલે ક્રાઈમ બ્રાન્ચે તપાસ શરૂ કરી દીધી છે. આરોપીએ યુવકને માર મારવાનો વીડિયો પણ દંપતીના પરિવારને મોકલી આપ્યો છે.
આ અંગેની માહિતી આપતાં એક પોલીસ અધિકારીએ સોમવારે જણાવ્યું હતું કે, અમદાવાદ શહેરના નરોડામાં રહેતા એક દંપતિએ અમેરિકામાં ગેરકાયદેસર રીતે પ્રવેશવાની યોજના બનાવી હતી, પરંતુ ઈરાનમાં પાકિસ્તાની એજન્ટ દ્વારા તેમને બંધક બનાવવામાં આવ્યા હતા અને હવે તે બંનેને મુક્ત કરવા માટે પૈસાની માંગણી કરી રહ્યો છે.
ડેપ્યુટી પોલીસ કમિશનર (ક્રાઈમ) ચૈતન્ય માંડલિકે જણાવ્યું હતું કે, અમદાવાદના નરોડા વિસ્તારના ક્રિષ્ના નગર પોલીસ સ્ટેશનમાં આ સંદર્ભે એક FIR નોંધવાની પ્રક્રિયા ચાલી રહી છે અને અમદાવાદ શહેરની ક્રાઈમ બ્રાન્ચે આ મામલાની તપાસ શરૂ કરી દીધી છે.
તેમણે એમ પણ કહ્યું કે, જો કે આ ઘટના દેશની બહાર બની હોવાથી, ક્રાઈમ બ્રાન્ચ ઈરાનમાં ભારતીય દૂતાવાસ સાથે સંપર્ક કરશે જેથી કરીને દંપતીને વહેલી તકે મુક્ત કરાવી શકાય.
DCP માંડલિકે જણાવ્યું હતું કે, ઈરાનમાં બંધક બનાવાયેલા દંપતીની ઓળખ પંકજ પટેલ અને તેની પત્ની નિશા પટેલ તરીકે થઈ છે, અને બંનેની ઉંમર 29 વર્ષ છે.
દંપતીના પરિવાર દ્વારા કૃષ્ણનગર પોલીસ સાથે શેર કરવામાં આવેલી વિગતો અનુસાર, બંને ગેરકાયદેસર રીતે USમાં પ્રવેશ કરવા માંગતા હતા અને તેઓ પાકિસ્તાનના હૈદરાબાદમાં એક એજન્ટના સંપર્કમાં આવ્યા હતા, જેણે તેમના માટે એર ટિકિટની વ્યવસ્થા કરી હતી.
અધિકારીઓએ જણાવ્યું કે, તેઓ યોજનાના ભાગરૂપે ઈરાનના તેહરાન પહોંચ્યા, જ્યાં પાકિસ્તાની એજન્ટ તેમને એક હોટલમાં લઈ ગયો અને પછી તેમને બંધક બનાવીને પૈસાની માંગણી કરી રહ્યો છે. તેમણે એમ જણાવ્યું હતું કે, પાકિસ્તાની એજન્ટ અને તેના સાથીઓએ પંકજ પટેલની મારપીટ પણ કરી હતી અને તેનો વીડિયો બનાવીને પરિવારને મોકલી આપ્યો હતો, અને ત્યાર પછી તેઓએ બંધક બનાવાયેલા દંપતીની મુક્તિ માટે મોટી રકમની માંગણી કરી છે.
15.jpg)
