IPS સફીન હસનનો માણસ છું એવું કહીને એક માણસે અમદાવાદ એરપોર્ટ માથે લીધું

અમદાવાદના સરદાર વલ્લભભાઇ એરપોર્ટ પર એક માણસે આખું એરપોર્ટ માથે લીધું હતું. વાત કાર અથડાવવાની હતી, પરંતુ આ માણસે એવો રોફ માર્યો કે હું IPS સફીન હસનનો માણસ છું.

IPS સફી હસન 

IPS સફીન હસન ગુજરાતના સૌથી યુવા IPS અધિકારી છે અને 22 વર્ષની ઉંમરે તેમણે આ સફળતા મેળવી હતી. અત્યારે તો જામનગરા ડિસ્ટ્રીક્ટમાં આસિસ્ટન્ટ સુપ્રિન્ટેડન્ટ ઓફ પોલીસ તરીકે ફરજ બજાવે છે. એરપોર્ટ પર પહોંચેલી પોલીસે એ રોફ મારતા માણસનો નશો ઉતારી દીધો હતો અને ધરપકડ કરી હતી.

જાણવા મળેલી વિગત મુજબ ગુરુવારે રાત્રે અમદાવાદના ડોમેસ્ટીક એરપોર્ટ પાસે બલદીપસિંહ રાણાએ ભારે બબાલ મચાવી હતી અને એરપોર્ટ માથે લીધું હતું. બલદિપસિંહ રાણાએ કાર અથડાવી હતી અને પછી બબાલ ઉભી કરી હતી. એ મોટે મોટેથી એવું બોલી રહ્યો હતો કે, હું IPS સફી હસનનો માણસ છું. ભારે બબાલ થતા લોકોએ પોલીસને જાણ કરી દીધી હતી.

એરપોર્ટ પોલીસ ઘટના સ્થળે પહોંચી ત્યારે બલદિપસિંહ રાણા નશામાં એટલો ધૂત હતો કે એની હાલત એવી હતી કે પોતાનું નામ પણ સરખું બોલી શકતો નહોતો. પોલીસે કાર સાથે લઇ જવાનું કહેતા બલદિપે વધારે ઉત્પાત મચાવ્યો હતો. પોલીસ તેની ધરપકડ કરીને એરપોર્ટ પોલીસ સ્ટેશન લઇ ગઇ હતી.

પોલીસ તપાસમાં જાણવા મળ્યું હતું કે, દારૂ પીને બબાલ મચાવનારો આરોપી બલદિપસિંહ રાણા મૂળ મોરબી જિલ્લાનો પીપળી ગામનો રહેવાસી છે. તેણે કહ્યું હતું કે તે એરપોર્ટ પર અવારનવાર આવતો રહે છે. એરપોર્ટ પોલીસે આરોપી બલદિપસિંહ વિરુદ્ધ ગેરવર્તન કરવા અને મોટર વ્હીકલ એક્ટ અને GPA એક્ટ મુજબ કાયદેસરની કાર્યવાહી કરી હાથ ધરી છે.

આવા ઘણા લોકો હોય છે જે અધિકારીઓના નામે ચરી ખાતા હોય છે, પરંતુ તેમનું જુઠ્ઠાણું લાંબુ ચાલતું હોતું નથી.