AAP-કોંગ્રેસના 19 MLA સસ્પેન્ડ, નકલી PSI મુદ્દે વિધાનસભામાં હંગામાનો આક્ષેપ

બુધવારે ગુજરાત વિધાનસભામાં નકલી PSIના મુદ્દે વિરોધ પક્ષોએ હોબાળો મચાવ્યો હતો. આ દરમિયાન ગુજરાત વિધાનસભાના અધ્યક્ષ શંકર ચૌધરીએ પણ કોંગ્રેસ અને AAPના 19 ધારાસભ્યો સામે સસ્પેન્શનની કાર્યવાહી કરી હતી. 'નકલી તાલીમાર્થી PSI'ના મુદ્દે સૂત્રોચ્ચાર કરવા અને વોકઆઉટ કરવા બદલ તેમને ગુજરાત વિધાનસભામાંથી એક દિવસ માટે સસ્પેન્ડ કરવામાં આવ્યા હતા.

આ ઘટનાને 'ગંભીર' ગણાવતા કોંગ્રેસના વરિષ્ઠ ધારાસભ્ય અમિત ચાવડાએ બુધવારે આ મુદ્દે ચર્ચાની માંગ કરી હતી. તેણે દાવો કર્યો હતો કે અન્ય ઘણા લોકો હોઈ શકે છે જેઓ આવા ગેરકાયદેસર માધ્યમથી એકેડમીમાં પ્રવેશ્યા હોય.

આ પછી, વિધાનસભાના અધ્યક્ષ, ચૌધરીએ, તેમની માંગને ફગાવી દેતા કહ્યું કે, તેઓ નિયમોમાં છેતરપિંડી કરી શકતા નથી અને તેમણે નિયમ 116 હેઠળ તેમના જવાબ સાથે આવવા માટે સંબંધિત મંત્રીને ઓછામાં ઓછા બે દિવસનો સમય આપવો પડશે. તેમની દલીલ પર કોંગ્રેસના ધારાસભ્યોએ આજે જ આ મુદ્દે ચર્ચાની માંગ સાથે સૂત્રોચ્ચાર શરૂ કર્યા હતા. આ દરમિયાન તેમણે ગૃહ રાજ્યમંત્રી હર્ષ સંઘવીનું રાજીનામું પણ માંગ્યું હતું. તેમણે CM ભૂપેન્દ્ર પટેલને પણ આ મુદ્દે સ્પષ્ટતા કરવા જણાવ્યું હતું.

જેના પગલે ગુજરાતના વિધાનસભા અને સંસદીય બાબતોના મંત્રી ઋષિકેશ પટેલે આ સભ્યોને એક દિવસ માટે સસ્પેન્ડ કરવાની દરખાસ્ત રજૂ કરી હતી. તેમના પ્રસ્તાવમાં, તેમણે એવો દાવો કર્યો હતો કે વિપક્ષી ધારાસભ્યોએ 'પૂર્વ આયોજિત' વ્યૂહરચનાના ભાગરૂપે ગૃહમાં હંગામો મચાવ્યો હતો. આ ઠરાવના આધારે સ્પીકરે વિપક્ષના ધારાસભ્યો સામે કાર્યવાહી કરી હતી.

તેમના જવાબમાં, CM પટેલે કોંગ્રેસની માંગની નિંદા કરી અને કહ્યું કે તેમની સરકાર તમામ પ્રકારની ગેરકાયદેસર પ્રવૃત્તિઓને રોકવા માટે સક્ષમ છે.

અગાઉ, મંગળવારે રાજ્યના પોલીસ મહાનિર્દેશક (DGP) કચેરીએ જાહેરાત કરી હતી કે મયુર તડવી નામનો એક વ્યક્તિ ગાંધીનગર નજીકના કરાઈ ગામમાં પોલીસ ટ્રેનિંગ એકેડમીમાં પોલીસ સબ ઈન્સ્પેક્ટર (PSI) તરીકેની તાલીમ લેતા પકડાઈ ગયો છે.

આ મામલાની અત્યાર સુધીની તપાસમાં બહાર આવ્યું છે કે, તડવીએ PSI તરીકેનો તેમનો પસંદગી પત્ર બનાવટી રીતે બનાવડાવ્યો હતો અને એક મહિના પહેલા જ કરાઈ ખાતેની એકેડમીમાં તાલીમાર્થી તરીકે જોડાયો હતો. જો કે, જ્યારે 582 તાલીમાર્થીઓના પગારના બીલ તૈયાર કરવામાં આવી રહ્યા હતા, ત્યારે અધિકારીઓને જાણવા મળ્યું કે, પસંદગીના ઉમેદવારોની યાદીમાં તેનું નામ નથી, જેના પગલે પોલીસે યુવકની ધરપકડ કરી. કરાઈ પોલીસ એકેડમીએ આ યુવક વિરુદ્ધ કેસ નોંધ્યો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.