અંબાલાલે વેસ્ટર્ન ડિસ્ટર્બન્સ સર્જાશે તેવી કરી આગાહી, ઠંડીને લઇને પણ કહી આ વાત

ગુજરાતમાં હાલ ગુલાબી ઠંડી, ગરમીની સાથે વાદળછવાયું વાતાવરણ જોવા મળી રહ્યું છે. હવામાન વિશેષજ્ઞ અંબાલાલ પટેલે વેસ્ટન ડિસ્ટર્બન્સ સર્જાશે તેવી આગાહી કરી છે. તો હવામાન વિભાગની આગાહી મુજબ, રાજ્યમાં થોડી ઠંડી વધશે. હાલમાં અંબાલાલ પટેલ હાલ ઓસ્ટ્રેલિયામાં છે. ત્યાંથી તેમણે આગાહી કરી છે. તેમની મુજબ, આગામી દિવસોમાં ભારે વેસ્ટન ડિસ્ટર્બન્સ સર્જાશે. 12 નવેમ્બર સુધી દેશના ઉત્તરી-પર્વતીય વિસ્તારમાં ભારે વેસ્ટન ડિસ્ટર્બન્સ આવશે. જેની અસર ગુજરાતના કેટલાક ભાગોમાં થવાની સંભાવના રહેશે.

ઉતર ગુજરાત અને પૂર્વ ગુજરાતના વિસ્તારમાં વાદળો છવાયું વાતાવરણ રહી શકે છે અને વરસાદી છાંટા પડે તેવી સંભાવના પણ વ્યક્ત કરવામાં આવી છે. આ સાથે અંબાલાલ પટેલે જણાવ્યુ હતું કે, 12 નવેમ્બર બાદ એટલે આજે અરબ સાગર અને બંગાળના ઉપસાગર અને અરબ સાગરમાં હલચલ જોવા મળશે જેના કારણે લો પ્રેશર બનશે. બંગાળના ઉપસાગરમાં પણ હલચલ જોવા મળશે. 12 નવેમ્બર પછી વધુ હલચલ જોવા મળશે. 14-16 નવેમ્બરના રોજ ચક્રવાત સક્રિય થવાની સંભાવના રહેશે. આ ચક્રવાતો ડિસેમ્બરની શરૂઆત સુધી રહેવાની સંભાવના છે.

અંબાલાલ પટેલે જણાવ્યુ હતું કે, બંગાળના ઉપસાગર અને અરબ સાગરના ભેજના કારણે ગુજરાતમાં વાદળછવાયુ વાતાવરણ જોવા મળશે. ઠંડીને લઇને તેમણે જણાવ્યું હતું કે, શિયાળામાં એક પછી એક વેસ્ટન ડિસ્ટર્બન્સ આવતા જશે. આ વેસ્ટન ડિસ્ટર્બન્સના કારણે ડિસેમ્બર 22થી થ્રીજવી મકતી ઠંડી પડશે, જાન્યુઆરીમાં ઠંડો રહેશે. ફેબ્રુઆરીની શરૂઆતમાં પણ ઠંડી પડવાની સંભાવના રહેશે. આ સાથે અંબાલાલ પટેલે જણાવ્યુ કે, 22 ડિસેમ્બરથી 12 ફેબ્રુઆરી વચ્ચે કડકડથી ઠંડી પડશે. ડિસેમ્બરના અંત સુધી એક પછી એક સિસ્ટમ બનતા રહેશે અને એક પછી એક વેસ્ટર્ન ડિસ્ટર્બન્સ પણ આવતા રહેશે. જેની અસર વાતાવરણ પર જોવા મળશે.

અમદાવાદ હવામાન વિભાગની વેબસાઇટ પર આપવામાં આવેલી માહિતી મુજબ, આગામી 5 દિવસોમાં રાજ્યમાં વરસાદની કોઇ આગાહી નથી. રાજ્યભરમાં વાતાવરણ ચોખ્ખું રહેશે. આ સાથે એમ પણ જણાવાયું છે કે, બે ત્રણ દિવસ લઘુત્તમ તાપમાનમાં બે ડિગ્રી જેટલો ઘટાડો નોંધાશે. ત્યારબાદ તાપમાનમાં વધારે બદલાવ થવાની સંભાવના નથી. આ સાથે તેમણે જણાવ્યુ છે કે, રાજ્યમાં આગામી 5 દિવસ સૌરાષ્ટ્ર, કચ્છ, દિવ, દાદરા નગર હવેલી સહિતના ગુજરાતના તમામ વિસ્તારોમાં તાપમાન સુકુ રહેશે. આ સાથે વરસાદની કોઇ સંભાવના નથી.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.