ગુજરાતના સુરતમાં એક વ્યક્તિએ ચાઈલ્ડ વેલફેર કમિટી (CWC)માં ફરિયાદ નોંધાવી છે જેમાં એક મહિલા વિરુદ્ધ રેપ કેસ નોંધવાની માંગણી કરવામાં આવી છે. ફરિયાદીનું કહેવું છે કે, જ્યારે તે 16 વર્ષનો હતો ત્યારે તેના કરતા 5 વર્ષ મોટી છોકરીએ તેને લલચાવીને હોટલમાં લઈ જઈ તેની સાથે શારીરિક સંબંધો બાંધ્યા હતા. પીડિતનું કહેવું છે કે, તે છોકરી હું પુખ્ત થઈ જાવ ત્યારે લગ્ન કરવાની વાત કરી હતી, તેણે તેની સાથે પૈસાની પણ છેતરપિંડી કરી હતી. હવે તે છોકરીએ બીજા કોઈની સાથે લગ્ન કરી લીધા છે.
હવે 22 વર્ષીના થઇ ગયેલા યુવકે પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (POCSO) હેઠળ કેસ નોંધવાની માંગ કરી છે. ફરિયાદ મળ્યા પછી, CWCએ પોલીસને કેસની વિગતો એકત્રિત કરવા કહ્યું છે. પીડિતનું કહેવું છે કે તેણે પોલીસને ફરિયાદ પણ કરી હતી, પરંતુ ત્યારે FIR નોંધવામાં આવી નહોતી, ત્યાર પછી તેણે CWCનો સંપર્ક કર્યો હતો.
એક મોટી ફર્નિચર કંપનીમાં ડિઝાઈનર કારપેન્ટર તરીકે કામ કરતા વ્યક્તિએ કહ્યું કે, આરોપી મહિલા તેના કરતા પાંચ વર્ષ મોટી છે. હું તેને પહેલીવાર ડિસેમ્બર 2015માં એક સામાજિક કાર્યક્રમમાં મળ્યો હતો. આ પછી તેઓ ઉત્તર ગુજરાતના એક ગામમાં ફેમિલી ફંક્શનમાં પણ મળ્યા હતા.
પીડિતે પોતાની ફરિયાદમાં જણાવ્યું છે કે, મહિલાએ તેનો નંબર લીધો હતો. ત્યાર પછી તેણે સંપર્ક કર્યો અને લગ્નનો પ્રસ્તાવ મૂક્યો હતો. જ્યારે તેણે કહ્યું કે તે સગીર છે, ત્યારે મહિલાએ કથિત રીતે કહ્યું કે, તે તેના પુખ્ત બનવાની રાહ જોશે. આ પછી બંને મળવા લાગ્યા. ફરિયાદીના વકીલ અરવિંદ કુંતે કહ્યું, 'મહિલા હોટલ બુકિંગ કરતી હતી અને પછી સગીર સાથે શારીરિક સંબંધો બાંધતી હતી. આ પછી તેણે નર્સિંગ કોર્સ માટે પૈસાની માંગણી કરી. તેણે સરકારી નોકરી માટે 5 લાખ રૂપિયા લીધા હતા.' પુરુષનું કહેવું છે કે, મહિલાએ છ મહિના પહેલા બીજા કોઈ સાથે લગ્ન કરી લીધા હતા અને તેણે ખુલાસો કર્યો હતો કે તેને કાવતરાના ભાગરૂપે તેણે છેતરવામાં આવ્યો હતો. CWCના ઈન્ચાર્જ અધ્યક્ષ પરેશ કાકડિયાએ જણાવ્યું હતું કે, તેઓએ પોલીસ પાસેથી વધુ વિગતોની માંગણી કરી છે.
15.jpg)
