મનસુખભાઇ અહમદ પટેલના વખાણ કરતા બોલ્યા- ચૂંટણીમા ચૈતરને ચિત્ત કરી દઇશ, મુમતાજ જ..

ગુજરાતમાં અત્યારે કોઈ ચૂંટણી નથી, પરંતુ પૂર્વમાં કોંગ્રેસના દિગ્ગજ નેતા રહેલા અહમદ પટેલના મતવિસ્તાર રહેલા ભરૂચમાં હાઈવોલ્ટેજ રાજકારણ જોવા મળી રહ્યું છે. 6 વખતથી જીતી રહેલા આદિવાસી નેતા મનસુખભાઇ વસાવાએ હુંકાર ભરતા કહ્યું કે, આમ આદમી પાર્ટી (AAP) તેમની સામે કંઇ નથી. જો કોઈ ટક્કર આપી શકે છે તો તે અહમદ પટેલની દીકરી મુમતાજ છે. તેઓ એક સંસ્કારી પરિવાર આવે છે. તેમના પિતા અહમદ પટેલે ભરૂચના વિકાસ માટે ઘણા કામ કર્યા છે. તેનું સંજ્ઞાન દેશના લોકો પણ લેતા હતા.

ભાજપના સાંસદના નિવેદન બાદ ફરીથી ભરૂચમાં દિવાળીના અવસર પર રાજકારણ ગરમ થઈ ગયું છે. મુમતાજન સમર્થક કોંગ્રેસ નેતા નદીમ પટેલે કહ્યું કે, ભરૂચની સેવા માટે મુમતાજ તૈયાર છે. તે 2024માં આવી રહ્યા છે. ભરૂચ લોકસભા સીટને ભાજપની હિન્દુત્વની પ્રયોગશાળા માનવામાં આવે છે. અહીથી ભાજપના નેતા ચંદુભાઈ દેશમુખે અહમદ પટેલને હરાવીને સનસની ફેલાવી દીધી હતી. ત્યારબાદ ક્યારેય આ સીટ પર કોંગ્રેસની જીત થઈ નથી. અહમદ પટેલ રાજ્યસભાથી સંસદ પહોંચતા રહ્યા.

તેમણે આ સીટ કોંગ્રેસના ખોળામાં નાખવાના ખૂબ પ્રયાસ કર્યા, પરંતુ સફળ ન થઈ શક્યા. 6 વખતથી અહી ભાજપનો પરચમને લહેરાવી રહેલા મનસુખભાઇ વસાવા બાબતે કહેવામાં આવે છે કે ‘મનસુખ માનતો રાજકારણ (રાજનીતિ) જાણતો નથી, પરંતુ એવામાં જ્યારે આમ આદમી પાર્ટીના ઊભરતા નેતા અને ધારાસભ્ય ચૈતર વસાવા FIR નોંધાયા બાદ ભૂગર્ભમાં છે ત્યારે મનસુખ વસાવાએ મુમતાજને સારા ઉમેદવાર કરાર આપ્યો છે.

ડેડિયાપાડા વિધાનસભા ક્ષેત્રથી આમ આદમી પાર્ટીના ધારાસભ્ય ચૈતર વસાવા દાવેદારી ઠોકી રહ્યા હતા, પરંતુ હાલમાં જ વન વિભાગના કર્મચારીઓને ધમકાવ્યા બાદ FIR નોંધાયા બાદ ચૈતર વસાવા કાયદાકીય દાવપેંચમાં ફસાઈ ગયા છે. તેમની પત્ની સહિત 3 લોકોની પોલીસે ધરપકડ કરી હતી. ધારાસભ્યની પોલીસ તપાસ કરી રહી છે. એવામાં મનસુખે હુંકાર કરતા કહ્યું કે, ચૈતર જો રેસમાં આવે છે તો હાલત ખરાબ કરી દઇશ, મને જો કોઈ પડકાર આપી શકે છે તો તે અહમદભાઈની દીકરી મુમતાજ આપી શકે છે.

તેઓ એક સંસ્કારી પરિવારમાંથી આવે છે. ભાજપ સાંસદે ભલે અહમદ પટેલની દીકરીના વખાણ કર્યા, પરંતુ ગુજરાત ભાજપના બીજા નેતા વખાણ કરતા બચતા રહ્યા છે. ભાજપના હાલના સાંસદ ભલે ફરીથી લડવા માટે તાલ ઠોકી રહ્યા છે, પરંતુ ચર્ચા એવી પણ છે કે અહી પાર્ટી કોઈ નવા ચહેરાને ઉતારી શકે છે. તેમાં ચંદુભાઈ દેશમુખની દીકરી ડૉ. દર્શન દેશમુખ અને ઝઘડિયાથી કદાવર નેતા છોટુભાઈ વસાવાને હરાવનારા રિતેશ વસાવાનું નામ પણ ચર્ચામાં છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.