4 ઓગસ્ટે આ કંપનીનો IPO ખુલી રહ્યો છે, તગડી કમાણી થઇ શકે, ઝુનઝુનવાલાનું પણ રોકાણ

IPO માર્કેટમાં આ દિવસોમાં વસંત જોવા મળી રહી છે, લગભગ દર અઠવાડિયે કોઈને કોઈ કંપનીનો ઈશ્યુ ખુલી રહ્યો છે. જો તમે પણ રોકાણ કરવાનું વિચારી રહ્યા છો અને ભૂતકાળમાં લોન્ચ થયેલા IPOમાં રોકાણ કરી શક્યા નથી, તો હવે તમારા પૈસા તૈયાર રાખો, બે દિવસ પછી એટલે કે 4 ઓગસ્ટ, 2023ના રોજ, એક ફાર્માસ્યુટિકલ કંપની Concord Biotech Limitedનો IPO ખુલી રહ્યો છે. ખાસ વાત એ છે કે દિગ્ગજ રોકાણકાર સ્વર્ગસ્થ રાકેશ ઝુનઝુનવાલાએ પણ આ કંપનીમાં રોકાણ કર્યું છે, જેનો પોર્ટફોલિયો હવે તેમની પત્ની રેખા ઝુનઝુનવાલા સંભાળી રહ્યા છે.

અમદાવાદ સ્થિત કોનકોર્ડ બાયોટેક, ગુજરાત તેના ઉત્પાદનો અમેરિકા, યુરોપ અને જાપાન જેવા દેશો સહિત વિશ્વના 70 દેશોમાં સપ્લાય કરે છે. Concord Biotech IPO 4 ઓગસ્ટે સબસ્ક્રિપ્શન માટે ખુલશે અને રોકાણકારો 8 ઓગસ્ટ સુધી તેમાં રોકાણ કરી શકશે. આ ઈસ્યુ સંપૂર્ણપણે ઓફર ફોર સેલ (OFS) છે અને તેનું કદ રૂ. 1,551 કરોડ છે. નોંધપાત્ર રીતે, OFS એ કોઈપણ લિસ્ટેડ કંપનીઓ માટે એક્સચેન્જ પ્લેટફોર્મ દ્વારા તેમના શેર વેચવાની એક સરળ રીત છે.

કોનકોર્ડ બાયોટેક લિમિટેડના IPO માટે પ્રાઇસ બેન્ડ નક્કી કરવામાં આવી છે. તેની પ્રાઇસ બેન્ડ 705 થી 741 રૂપિયા પ્રતિ શેર રાખવામાં આવી છે.આ IPO દ્વારા કંપનીના હાલના શેરધારકો 20,925,652 શેર વેચશે. આ ફાર્માસ્યુટિકલ કંપનીના IPO માટે હજુ બે દિવસ બાકી છે, તે પહેલા તે ગ્રે માર્કેટમાં ધૂમ મચાવી રહી છે. આ સમાચાર લખાય ત્યાં સુધીમાં ગ્રે માર્કેટ 260 રૂપિયા સુધી પ્રીમિયમ પહોંચી ગયું છે.

આ કંપનીને રેખા ઝુનઝુનવાલા સપોર્ટ કરે છે. આ હેઠળ, 50 ટકા ઇશ્યૂ સંસ્થાકીય રોકાણકારો (QIBs) માટે અનામત રાખવામાં આવ્યો છે. આ સિવાય બિન-સંસ્થાકીય રોકાણકારો (NII) માટે 15 ટકા અને છૂટક રોકાણકારો માટે 35 ટકા હિસ્સો રાખવામાં આવ્યો છે. કંપનીએ તેના કર્મચારીઓ માટે વધારાના ડિસ્કાઉન્ટની જોગવાઈ કરી છે. આ અંતર્ગત કર્મચારીઓ માટે પ્રતિ શેર 70 રૂપિયાનું ડિસ્કાઉન્ટ નક્કી કરવામાં આવ્યું છે.

કોનકોર્ડ બાયોટેકનો IPO 8 ઓગસ્ટના રોજ બંધ થયા પછી, તેના શેરની ફાળવણી 11 ઓગસ્ટના રોજ કરવામાં આવશે. આ પછી રોકાણકારોના ડીમેટ ખાતામાં શેર જમા કરાવવા માટે 17 ઓગસ્ટની તારીખ નક્કી કરવામાં આવી છે. શેરબજારમાં કોનકોર્ડ બાયોટેક IPOના લિસ્ટિંગ માટેની સંભવિત તારીખ 18 ઓગસ્ટ, 2023 નક્કી કરવામાં આવી છે. જો તમે કંપનીના પ્રદર્શન પર નજર નાખો તો, નાણાકીય વર્ષ 2023 માં, તેના ઓપરેશન્સે 853.17 કરોડ રૂપિયાની આવક ઊભી કરી છે, જે અગાઉના વર્ષ 2022 કરતા 19.67 ટકા વધુ છે.

નોંધ- માત્ર માહિતી આપવા ખાતર આ ન્યૂઝ લખવામાં આવ્યા છે, શેરબજારમાં રોકાણ કરતી વખતે તમારા સલાહકારની સલાહ મુજબ જ રોકાણ કરવું હીતાવહ છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.