આજકાલ સોશિયલ મીડિયા પર તમારા સંબંધોને જાહેર કરવાનો ટ્રેન્ડ ચાલી રહ્યો છે. પરંતુ તેના કારણે કેટલાક એવા કિસ્સાઓ પણ સામે આવ્યા છે, જેનો અંત ગુનાખોરીના રસ્તા પર સમાપ્ત થાય છે. ચાકુ વડે હુમલાનો આ કિસ્સો પણ કંઈક એવો જ છે. પ્રતિષ્ઠાનો પ્રશ્ન બનાવીને લોકોમાં બદલો લેવાની વૃત્તિ વધી ગઈ છે અને ગરમ દિમાગના લોકો આવા ગુનાહિત કૃત્યોને અંજામ આપતા અચકાતા પણ નથી. આવો જ એક કિસ્સો ગુજરાતના સુરેન્દ્રનગર જિલ્લાના ચોટીલા શહેરમાંથી સામે આવ્યો છે. અહીં એક યુવકે કરેલા ઈન્સ્ટાગ્રામ પોસ્ટથી ગુસ્સે થઈને આરોપીએ મંગળવારે સાંજે તે યુવકને ચાકુ મારી દીધું હતું. જે બાદ તેને સરકારી હોસ્પિટલમાં દાખલ કરવામાં આવ્યો, જ્યાં બુધવારે સવારે પીડિત યુવકનું મોત નીપજ્યું હતું. યુવકની હત્યાના સંબંધમાં બે લોકો સામે કેસ નોંધવામાં આવ્યો છે.
મૃતક યુવકના પરિવારના રાજુએ ફરિયાદમાં જણાવ્યું હતું કે, 'રાહુલનું થોડા સમય પહેલા પાયલ નામની યુવતી સાથે અફેર હતું, જેણે તેના ઇન્સ્ટાગ્રામ એકાઉન્ટ પોસ્ટ પર પોતાના આ સંબંધનો ખુલાસો કર્યો હતો.' પરંતુ યુવતીના લગ્ન સુરેન્દ્રનગરના દર્શન બાજીપરા સાથે થઇ ગયા હતાં. રાહુલના ઈન્સ્ટાગ્રામ પર મૂકેલી આ પોસ્ટથી નારાજ યુવતીના પતિ દર્શને તેના મિત્ર નવાબ મકવાણા સાથે મળીને મંગળવારે ચોટીલા નગરમાં તેના પર ચાકુ વડે હુમલો કર્યો હતો.
ચાકુના હુમલામાં ઘાયલ થયેલો રાહુલ ફસડાઇને પડી ગયો, લોહીથી લથપથ રાહુલને પ્રથમ ચોટીલા સરકારી હોસ્પિટલમાં લઈ જવામાં આવ્યો હતો, જ્યાંથી તબીબોએ તેની હાલત ગંભીર જોતા તેને રાજકોટની સરકારી હોસ્પિટલમાં રીફર કર્યો હતો. જ્યાં બુધવારે સવારે તેમનું અવસાન થયું હતું. ચાકુ વડે હુમલો કરનારા દર્શન અને નવાબ વિરુદ્ધ કેસ નોંધવામાં આવ્યો છે. પોલીસે કહ્યું કે, કેસની તપાસ ચાલી રહી છે અને તમામ પાસાઓને ધ્યાનમાં રાખીને દરેક ગુનેગારને કડકમાં કડક સજા આપવામાં આવશે.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
