ગુજરાતમાં 3 દિવસ ક્યાં વિસ્તારમાં કમોસમી વરસાદ પડશે? હવામાન વિભાગની આગાહી

ગુજરાતના હવામાનના જાણકાર અંબાલાલ પટેલે તાજેતરમાં આગાહી કરી હતી કે ગુજરાતમાં આગામી 3 દિવસમાં કમોસમી વરસાદ પડશે. હવે ગુજરાતના હવામાન વિભાગે એ આગાહી કરી છે કે ક્યા કયાં જિલ્લાઓમાં વરસાદ પડવાની સંભાવના છે. ગુજરાતના હવામાન વિભાગે કહ્યું છે કે, 13, 14 અને 15 એપ્રિલ ગુજરાતમાં કમોસમી વરસાદ પડશે.હવામાન વિભાગે કહ્યું છે કે વંટોળ અને વીજ કડાકા સાથે વરસાદ પડશે અને પવનની ગતિ પણ 30થી 40 કિમીની હશે.

13 એપ્રિલે ભરૂચ, સુરત, નવસારી, વલસાડ, ગીર સોમનાથ, દાદરા નગર હવેલી અને ભાવનગરમાં વરસાદ પડશે. 14 એપ્રિલે બનાસકાંઠા, અરવલ્લી, દાહોદ, છોટા ઉદેપુર, નર્મદા, ગીર સોમનાથ અને કચ્છ. જ્યારે 15 એપ્રિલે સાબરકાંઠા, અરવલ્લી, મહિસાગર,દાહોદમાં વરસાદ પડશે. કમોસમી વરસાદની આગાહીને કારણે ખેડુતોની ચિંતામાં વધારો થયો છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.