ગુજરાતના દરિયાકાંઠે લેન્ડફોલ કરનાર ચક્રવાત 'બિપરજોય' ક્યારે નબળું પડશે?

દક્ષિણ અરબી સમુદ્રમાંથી ઉત્તર અને ઉત્તર-પૂર્વ તરફ આગળ વધતું શક્તિશાળી વાવાઝોડું કચ્છના જખૌ ખાતે લેન્ડફોલ કરશે. લેન્ડફોલ પહેલા અને પછી કચ્છ સહિત સૌરાષ્ટ્રના જિલ્લાઓમાં ભારે પવન સાથે ભારે વરસાદ પડશે. કચ્છના અબડાસા ગામમાં આવેલા જખૌમાં બિપરજોય ટકરાશે. આ પછી તે આગળ વધશે, પરંતુ અહીં અથડાયા પછી તે થોડા કિલોમીટર પછી ડીપ ડિપ્રેશનમાં જશે અને પછી ધીમે ધીમે તેની અસર સમાપ્ત થઈ જશે. ગુજરાત બાદ રાજસ્થાનના કેટલાક લોકોને ભારે પવન સાથે ઠંડકનો અહેસાસ થઈ શકે છે. હાલ ગુજરાતના દરિયાકાંઠાના વિસ્તારો તરફ આગળ વધી રહેલ બિપરજોય એકદમ ખતરનાક છે. આ કારણે, તેની ખૂબ ચર્ચા થઈ રહી છે, બિપરજોય શબ્દનો અર્થ આપત્તિ થાય છે.

15 જૂને, બિપરજોય કચ્છના જખૌ-નલિયાથી પાકિસ્તાનના કરાચી સુધીની દરિયાઈ સરહદ પર લેન્ડફોલ કરશે. આગાહી અનુસાર, 14-15 જૂન દરમિયાન દરિયાકાંઠે પવનની ઝડપ 125 Km પ્રતિ કલાકથી 150 Km પ્રતિ કલાકની ઝડપે પહોંચવાની સંભાવના છે. આ બંને દિવસોમાં કચ્છ અને સૌરાષ્ટ્રમાં ભારેથી અતિભારે વરસાદની અપેક્ષા છે, પરંતુ અહીં મોટો પ્રશ્ન એ છે કે, સુપરસ્ટોર્મ ડીપ ડિપ્રેશનમાં ક્યારે જશે અને નબળું પડશે?

સૌથી પહેલા ડીપ ડિપ્રેશનની વાત કરીએ, IMDની આગાહી મુજબ, બિપરજોય તોફાન આજે ગુજરાત તરફ ખૂબ જ તીવ્ર ચક્રવાતી તોફાન તરીકે આગળ વધી રહ્યું છે. ગુરુવારે મધરાત 12 સુધી આ જ સ્થિતિ રહેશે, જોકે આ દરમિયાન 120 થી 160 Km પ્રતિ કલાકની ઝડપે પવન ફૂંકાવાની ચેતવણી આપવામાં આવી છે. આ તોફાન ફરી પાછું 16મીની મધ્યરાત્રિએ 12 વાગે અત્યંત તીવ્ર ચક્રવાતી વાવાઝોડામાં બદલાઈ જશે અને 16મીએ બપોરે ડીપ ડિપ્રેશનમાં પરિણમશે. એટલે કે તોફાન આંશિક રીતે નબળું પડશે. આ દરમિયાન વાવાઝોડું જ્યાંથી પણ પસાર થશે ત્યાં 50 થી 70 Km પ્રતિ કલાકની ઝડપે પવન ફૂંકાશે અને વરસાદ પણ પડશે. આગાહી મુજબ, આ બિપરજોય 16મીએ ડીપ ડિપ્રેશનમાં ફેરવાશે અને આવતા સપ્તાહે સોમવાર-મંગળવારે પ્રયાગરાજ પર નબળું પડીને ખતમ થશે.

તોફાનો અને સમુદ્રી તાપમાન વચ્ચે સીધો સંબંધ છે. જ્યારે ચક્રવાતની પવનની ઝડપ 31 Km પ્રતિ કલાક (અથવા તેનાથી ઓછી) હોય છે, ત્યારે તેને 'નીચા દબાણવાળા વિસ્તાર' તરીકે ઓળખવામાં આવે છે અને જ્યારે તેની પવનની ગતિ 31-49 Km પ્રતિ કલાકની હોય ત્યારે તેને ચક્રવાત કહેવામાં આવે છે. તેને 'ડિપ્રેશન' કહેવામાં આવે છે. અને નીચા દબાણ વિસ્તાર તરીકે ઓળખાય છે. જો તે 50 થી 61 Km પ્રતિ કલાકની ઝડપે આગળ વધે તો તેને 'ડીપ-ડિપ્રેશન' તરીકે ઓળખવામાં આવે છે.

જ્યારે પવનની ઝડપ 62 થી 88 Km પ્રતિ કલાક સુધી પહોંચે છે ત્યારે તે 'તોફાન' બની જાય છે. તેને 'ગંભીર ચક્રવાત' બનવા માટે 89 થી 118 Km પ્રતિ કલાકની ઝડપ પકડવી પડશે. જો ઝડપ 221 kmph કરતાં ઓછી અને 119 kmph કરતાં વધુ હોય તો તેને 'અત્યંત ગંભીર ચક્રવાત' કહેવામાં આવે છે અને જો ઝડપ 222 kmph કરતાં વધુ હોય તો ચક્રવાત સુપર સાયક્લોન બની જાય છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.