ઉત્તર પ્રદેશના પીલીભીતથી એક ચોંકાવનારો કિસ્સો સામે આવ્યો છે. આરોપ છે કે અહીં દહેજમાં 10 લાખ રૂપિયા ન મળવાને કારણે વરરાજાએ લગ્નના ત્રણ મહિના પછી પણ શારીરિક સંબંધ બાંધ્યો ન હતો. બંને પરિવારો વચ્ચે 5 લાખ રૂપિયામાં સમજૂતી થઈ, ત્યારબાદ વર-કન્યા હનીમૂન માટે નૈનીતાલ ગયા. આરોપ છે કે નૈનીતાલમાં પણ પતિ પત્નીથી દૂર રહ્યો હતો.
પત્નીએ આરોપ લગાવ્યો છે કે નૈનીતાલમાં કોઇક સમયે પતિએ અશ્લીલ તસ્વીર લીધી હતી એ પછી તેણે બ્લેકમેલ કરીને દહેજ માંગવા માંડ્યો હતો. પરેશાન થઇને પત્નીએ પીલીભીત પોલીસ સ્ટેશનમાં તેના સાસુ અને પતિ વિરુદ્ધ કેસ દાખલ કર્યો અને ન્યાયની વિનંતી કરી છે. દુલ્હનનો આરોપ છે કે તેનો પતિ અને સાસુ તેને ગાળો આપીને દહેજની માંગણી કરે છે. પીડિતાનું કહેવું છે કે તેના લગ્ન 6 ફેબ્રુઆરી 2023ના રોજ બદાઉન પોલીસ સ્ટેશનના બિસૌલી વિસ્તારના એક યુવક સાથે થયા હતા. તેણીના પરિવારજનો તેમની ક્ષમતા મુજબ લગ્નમાં રૂ. 20 લાખનો ખર્ચ કર્યો હતો. જેમાં 15 લાખ રૂપિયાના ઘરેણાં દહેજ પેટે આપવામાં આવ્યા હતા.
પરંતુ, પતિએ લગ્ન પછી સુહાગરાત ન મનાવી એટલું જ નહીં, પણ 3 મહિના પછી પણ પત્ની સાથે કોઇ શારીરિક સંબંધ બાંધ્યો ન હતો. આ બાબતે પત્ની તેની સાસુને પણ વાકેફ કરી હતી, પરંતુ સાસુએ કોઇ ધ્યાન આપ્યું નહોતું.
થોડા દિવસો પછી પરણિતા પોતાના પિર ગઇ હતી અને પોતાની માતાને વાત કહી હતી.જ્યારે પતિ પત્નીને પિયર લેવા આવ્યો હતો ત્યારે પત્નીની માતાએ જમાઇને કહ્યું હતું કે, કોઇ બિમારી હોય તો જણાવો ઇલાજ કરાવી દઇએ. તો જમાઇએ કહ્યુ કે 10 લાખ રૂપિયા આપી દો તો હનીમૂન પર જઇ આવીએ.
દુલ્હનની માતાએ જમાઇને 5 લાખ રૂપિયા આપ્યા અને બંને 7 મેના દિવસે નૈનીતાલ હનીમૂન માટે ગયા હતા. દુલ્હને કહ્યું કે પતિએ આ વખતે તેણીનો અશ્લીલ વીડિયો બનાવી દીધો હતો અને કહ્યુ હતું કે બાકીના 5 લાખ રૂપિયા લઇને આવ, નહીં તો આ વીડિયો સોશિયલ મીડિયામાં વાયરલ કરી દઇશ.
નૈનીતાલથી આવીને પરણિતાએ પોતાના પિયરના પરિવારને વાત કરી હતી અને આખરે પોલીસમાં ફરિયાદ કરવામાં આવી હતી. પોલીસે ગુનો નોંધીને તપાસ શરૂ કરી છે.
15.jpg)
