નાનપણમાં પુસ્તક ખરીદવાના પૈસા નહોતા, ઈસરોના આ વૈજ્ઞાનિક કપલે નામ રોશન કર્યું

તમે સાંભળ્યું હશે કે મહેનત રંગ લાવે છે. જો સંઘર્ષ કરો તો તેનું ફળ જરૂરથી મળે છે. કરનાલના એક નાના પરિવારથી આવનાર 2 વૈજ્ઞાનિકોએ દેશનો દુનિયાભરમાં ડંકો વગાડ્યો છે. કરનાલના નાનકડા પરિવારમાંથી આવતા દીપાંશુ ગર્ગ અને તેની પત્ની સાથેની ઈસરોની ટીમે ચંદ્રયાન-3ની ચંદ્ર પર સોફિટ લેન્ડિગ કરાવીને એક મિસાલ કાયમ કરી છે. દીપાંશુ ગર્ગનો પરિવાર કરનાલના કલેંદરી ગેટ પર રહે છે. પરિવારે જણાવ્યું કે, દીકરાનું નાનપણ સંઘર્ષમાંથી પસાર થયું છે. દીપાંશુના પિતા એક કપડાની દુકાનમાં કામ કરતા હતા અને મા હોમમેકર હતી. માતાની તબિયત ખરાબ રહેતી હતી પણ અભ્યાસને લઇ દરેક ક્ષેત્રમાં દીપાંશુ સારા નંબર લઇ આવતો હતો. એક સમય એવો પણ હતો જ્યારે દીપાંશુના પરિવાર પાસે પુસ્તક ખરીદવાના પૈસા પણ નહોતા. ત્યારે તેના કાકા પુસ્તકો અપાવવામાં મદદ કરતા હતા.

દીપાંશુએ તેનું સ્કૂલ એજ્યુકેશન કરનાલથી પાસ કર્યું. ત્યાર પછી એન્જીનિયરિંગ કરી અને ખાનગી નોકરી શરૂ કરી દીધી. પણ દિપાંશુની કંઇક અલગ કરવાની ઇચ્છાએ તેને આ મુકામે પહોંચાડી દીધો. તેણે એવું કરવું હતું કે તેની આસપાસના કોઇએ આવું કામ કર્યું ન હોય. માટે તે નોકરીની સાથે અભ્યાસ પણ ચાલુ રાખતો હતો. તેણે ઈસરોની પરીક્ષા આપી અને તેમાં સફળતા મળી. ઈસરોની ટીમમાં તેણે જગ્યા બનાવી. લગભગ 2017માં દીપાંશુએ ઈસરો જોઇન કર્યું હતું. ત્યાં જ કામ કરી રહેલી વૈજ્ઞાનિક એશ્વર્યા સાથે તેણે લગ્ન કર્યા. બંને ઈસરોની એ ટીમમાં કામ કરી રહ્યા હતા જેણે ચંદ્રયાન-3ને ચંદ્ર પર મોકલ્યું છે.

જ્યારે ચંદ્રયાન-2 નિષ્ફળ થયેલું ત્યારે બંને નિરાશ પણ થયા હતા પણ તેણે હિંમત છોડી નહી અને મહેનત રંગ લાવી. ચંદ્રયાન-3નું ચંદ્રની સપાટી પર સફળ લેન્ડિગ તેનું પરિણામ છે. તેમના પિતા અને માતા તેમની સાથે જ ત્યાં રહે છે. પરિવારના બાકીના લોકોએ તેની સાથે વાત પણ કરી અને તેમના માટે ખુશીની ક્ષણ છે. ત્યાંથી બંનેની તસવીર પણ સામે આવી છે. તેમના પરિવારના સભ્યોએ જણાવ્યું કે હવે તેમની ટીમ વધુ એક મિશન પર કામમાં લાગી ગઇ છે. આજે પરિવારમાં ખુશી છે. મિઠાઇઓ વહેંચવામાં આવી રહી છે.

જણાવીએ કે, ભારતના મહત્વકાંક્ષી મૂન મિશન ચંદ્રયાન-3એ ઘણી બાધાઓ અને મુશ્કેલીઓને પાર કરતા બુધવારે સાંજે ચંદ્રની સપાટી પર સફળ સોફ્ટ લેન્ડિંગ કરી દેશને દુનિયાના ખાસ અવકાશ ક્લબમાં સામેલ કરી દીધું છે. આ લેન્ડિંગની સાથે જ ભારત ચંદ્રના દક્ષિણ ધ્રુવની પાસે અવકાશ યાન ઉતારનારો દુનિયાનો પહેલો દેશ બની ગયો છે. 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.