આ IPS ઓફિસરની ફિટનેસના તમે પણ થઈ જશો કાયલ, આ રીતે રાખે છે પોતાને ફિટ

મધ્યપ્રદેશ કેડરના IPS ઓફિસર સચિન શર્મા આજકાલ પોતાની ફિટનેસને લઈને ખૂબ જ ચર્ચામાં છે. એક વીડિયોમાં તેઓ કમર સાથે ટાયર બાંધીને દોડતા જોવા મળી રહ્યા છે. IPS અધિકારીનો ભારે ટાયર જમીન પર ખેંચવાનો વીડિયો હાલ સોશિયલ મીડિયા પર વાયરલ થયો છે. Aaj takએ આ ફિટનેસ ફ્રીક સાથે ખાસ વાતચીત કરી અને તેમની એક્ટિવિટીઝને કેમેરામાં કેદ કરી હતી.

IPS સચિન શર્મા છતરપુર જિલ્લાના પોલીસ અધિક્ષક (SP) છે, તેઓ ફિટનેસ માટે દરરોજ સવારે અને સાંજે પોલીસ લાઇન પર સ્થિત ગ્રાઉન્ડ પર જાય છે અને એથ્લેટિક્સને લગતી તમામ પ્રવૃત્તિઓ કરે છે. જેમ કે કમર સાથે ટાયર બાંધીને દોડવું, ટ્રકના મોટા ટાયરને રિવર્સ કરતી વખતે ડિપ્સ લગાવવું.

આ સાથે SP સચિન શર્મા છેલ્લા કેટલાક સમયથી સતત લોખંડના ડમ્બલ્સ વડે દોડવા જેવી તમામ પ્રવૃત્તિઓ કરી રહ્યા છે. જેના માટે આજે તે ફિટનેસ માટે મધ્યપ્રદેશ પોલીસની સાથે યુવાનો માટે પણ ઉદાહરણ બની રહ્યા છે.

એટલું જ નહીં, SP સચિન શર્મા પોતાના કામમાંથી સમય કાઢીને ક્રિકેટની નેટ પ્રેક્ટિસ પણ કરે છે. ઓફિસના કામકાજ બાદ પોતાના સ્ટાફ સાથે ક્રિકેટ રમવું અને દરરોજ કસરત કરવી એ SPનો શોખ બની ગયો છે.

વર્ક ફ્રન્ટ વિશે વાત કરીએ તો, IPS ઓફિસર સચિન શર્મા દરરોજ તેમના ઓફિસ સમય પર કામ કરે છે. આટલું જ નહીં, SP સચિન શર્મા બંગલામાં જમવા પણ જતા નથી, પરંતુ ઓફિસમાં જ લંચ કરે છે.

જિલ્લાના પોલીસ અધિક્ષકની પોસ્ટને જવાબદારીપૂર્વક અનુસર્યા બાદ શરીરને ફિટ રાખવા માટે સમયસર કસરત કરે છે. જે અંગે Aaj takએ IPS સચિન શર્મા સાથે વાત કરી તો તેમણે જણાવ્યું કે, તેઓ ખૂબ ઓછી ઊંઘ લે છે અને શરીરને ફિટ રાખવા માટે વધુ કસરત કરે છે જેથી કામ કરવાની ક્ષમતા વધે છે.

IPS સચિન શર્મા રાત્રે 12:30 થી 1 વાગ્યાની વચ્ચે સૂઈ જાય છે અને સવારે 5 વાગ્યા પહેલા ઉઠી જાય છે. ગ્રાઉન્ડ પર પહોંચ્યા પછી, કસરત શરૂ કરે છે. તેમની આ કસરત સવારે લગભગ 7 થી 8 ચાલુ રહે છે. ત્યારપછી બંગલામાં આવે અને તૈયાર થઈને ઓફિસ માટે રવાના થઈ જાય છે.

ઓફિસનું કામ પતાવીને તેઓ સાંજે લગભગ 7 વાગ્યે ફરીથી ગ્રાઉન્ડ પર પહોંચે છે. પછી શરીરને ફિટ રાખવા માટે રાત્રે લગભગ 9 વાગ્યા સુધી ત્યાં સમય પસાર કરે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.