ભાભીને દિયર સાથે પ્રેમ થયો, લગ્ન કરવા માટે એવો કારસો રચ્યો કે તમે પણ ચોંકી જશો

પોતાના સગા દિયર સાથે પ્રેમમાં અંધ બનેલી મહિલાએ પોતાના સગા દીકરાનું કાસળ કાઢી નાંખ્યું હતું અને પતિનો પણ કાંટો કાઢી નાંખવાની યોજના હતી.

ગુજરાતના ભરૂચમાં પોતાના દિયર સાથે લગ્ન કરવા માટે ભાભીએ પોતાના જ દીકરાનો બલિ ચઢાવી દીધો. બંને વચ્ચે છેલ્લાં 8 વર્ષથી પ્રેમ પાંગરેલો હતો. એ પછી ભાભીએ પોતાના દિયર સાથે મળીને પોતાના જ પુત્રની હત્યા કરી નાંખી હતી. એ પછી મહિલાઓ પોતાના પતિનો કાંટો પણ રસ્તામાંથી હટાવવાનો પ્લાન બનાવ્યો હતો, જેથી પોતાના દિયર સાથે લગ્ન કરી શકે.

ભરૂચમાં પોતાના પ્રેમીને મેળવવા માટે  પ્રેમી સાથે મળીને પોતાના જ દીકરાની હત્યા કરી નાંખી હતી. ઘટના ભરૂચ જિલ્લાના મીરાનગર વિસ્તારની છે. સોનમ સોસાયટીમાં રહેતો 13 વર્ષનો બાળક કૃષ્ણા 23 જાન્યુઆરીથી ગુમ થઇ ગયો હતો. આ બાબતે કૃષ્ણાની માતા મમતા દેવીએ પોલીસમાં એવી આશંકા સાથે ફરિયાદ નોંધાવી હતી કે તેના પુત્રનું અપહરણ કરવામાં આવ્યું છે. આ દરમિયાન અંકલેશ્વરમાં એક 13 વર્ષના બાળકની લાશ મળી. આ એ જ સગીર બાળક હતો જે ગુમ થયો હતો.

પોલીસે તપાસ કરી તો ચોંકાવનારી વાત સામે આવી હતી. મંગળવારે પોસ્ટમોર્ટમ રિપોર્ટમાં એવો ખુલાસો થયો કે બાળકનું મોત શ્વાસ રૂંધાવાને કારણે થયું છે અને તેના ગાલ પર ઇજાના નિશાન પણ હતા. રિપોર્ટ સામે આવ્યા પછી પોલીસને બાળકની માતા પર શક ગયો હતો. પોલીસે બાળકની માતા મમતા દેવીની કડક પુછપરછ કરી તેમાં પોલીસને ખબર પડી કે તેણીને પોતાના દિયર સાથે જ છેલ્લાં 8 વર્ષથી અનૈતિક સંબંધ હતો. માતાએ કબુલાત કરી હતી કે પ્રેમી દિયર સાથે લગ્ન કરવા અને રહેવા માટે પ્રેમી સાથે મળીને જ બાળકની હત્યા કરવાનો પ્લાન બનાવ્યો હતો. પોલીસે દિયર ભાગવત સિંહની પણ ધરપકડ કરી છે અને તેણે પણ કબુલાત કરી છે કે ભાભી સાથે મળીને ભત્રીજાની હત્યા કરી છે. ભાગવત સિંહે કહ્યું કે, ભાભી મમતા સાથે પ્રેમ સંબંધ હતો તેમાં મોટો ભાઇ અને ભત્રીજો આડખીલી રૂપ બની રહ્યા હતા.

પોલીસે કહ્યું કે પોતોના સગા દીકરાની હત્યા કર્યા પછી પતિને પણ પતાવી દેવાની યોજના બનાવી હતી, પરંતુ એ પહેલાં જ પોલીસના હાથે બંને ઝડપાઇ ગયા છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.