ઈન્દોરમાં સુરતવાળી થશે? કોંગ્રેસ ઉમેદવારે ફોર્મ પાછું ખેંચી ભાજપમાં જોડાયા
![](https://khabarchhe.com/uploads/mc_path/17143744374.jpg)
ગુજરાતની જેમ મધ્યપ્રદેશમાં પણ કોંગ્રેસને વધુ એક ઝટકો લાગ્યો છે. ઈન્દોર લોકસભા સીટ પરથી પાર્ટીના ઉમેદવાર અક્ષય કાંતિ બમે પોતાનું નામાંકન પાછું ખેંચી લીધું છે. એટલું જ નહીં કોંગ્રેસ છોડીને અક્ષય બમ BJPમાં જોડાઈ ગયા છે. BJPના વરિષ્ઠ નેતા અને મધ્ય પ્રદેશ સરકારમાં કેબિનેટ મંત્રી કૈલાશ વિજયવર્ગીયએ આ જાણકારી આપી છે.
કૈલાશ વિજયવર્ગીયએ અક્ષય બમ સાથે સેલ્ફી શેર કરતા સોશિયલ મીડિયા પ્લેટફોર્મ પર લખ્યું, ઈન્દોરથી કોંગ્રેસના લોકસભા ઉમેદવાર અક્ષય કાંતિ બમનું માનનીય PM નરેન્દ્ર મોદી, રાષ્ટ્રીય અધ્યક્ષ JP નડ્ડા, CM ડો. મોહન યાદવના નેતૃત્વમાં BJP અને પ્રદેશ પ્રમુખ V.D.શર્માએ સ્વાગત કર્યું.
અહીં તમને જણાવી દઈએ કે, ઈન્દોર લોકસભા સીટ પર ચૂંટણી માટે 25 એપ્રિલ સુધી નામાંકન ભરવામાં આવ્યું હતું. 29મી એપ્રિલે નામાંકન પરત ખેંચવાનો છેલ્લો દિવસ હતો. કોંગ્રેસને કંઈ ખબર પડે તે પહેલા કૈલાશ વિજયવર્ગીયએ આ 'ઓપરેશન' પાર પાડ્યું હતું. ઈન્દોરમાં લોકસભા ચૂંટણી માટે 13 મેના રોજ મતદાન થશે અને 4 જૂને મતગણતરી પૂર્ણ થશે.
મધ્યપ્રદેશનું મિની મુંબઈ એટલે કે ઈન્દોરથી કોંગ્રેસના લોકસભા ચૂંટણીના ઉમેદવાર અક્ષય કાંતિ બામે 24 એપ્રિલના રોજ ઉમેદવારી નોંધાવી હતી. એફિડેવિટમાં બામે પોતાની કુલ સંપત્તિ 57 કરોડ રૂપિયા હોવાનું જાહેર કર્યું હતું. ખાસ વાત એ છે કે, કોંગ્રેસના ઉમેદવાર પાસે કોઈ કાર નથી. તે 14 લાખ રૂપિયાની ઘડિયાળ પહેરે છે.
કોંગ્રેસના ઉમેદવાર અક્ષય કાંતિ બમ પાસે 8.50 કરોડ રૂપિયાની જંગમ અને 46.78 કરોડ રૂપિયાની સ્થાવર સંપત્તિ છે. વ્યવસાયે બિઝનેસમેન, બમની વાર્ષિક આવક રૂ. 2.63 કરોડ છે. તેની પાસે 41 કિલો ચાંદી અને 275 ગ્રામ સોનું પણ છે.
અક્ષય કાંતિ બમની પત્ની રિચા બમ પાસે 3 કિલો સોનું અને 9.3 કિલો ચાંદી છે. તે 21 કરોડ રૂપિયાની કુલ સંપત્તિની માલિક છે. તેમની પત્ની અને બે બાળકો સહિત સમગ્ર બમ પરિવારની કુલ સંપત્તિ 78 કરોડ રૂપિયા છે.
અક્ષય કાંતિ બમે ઈન્દોરની ડેલી કોલેજમાંથી CBSE બોર્ડનો અભ્યાસ કર્યો છે. પછી બમે મુંબઈની સિડનહામ કોલેજ ઓફ કોમર્સ એન્ડ ઈકોનોમિક્સમાંથી B.Com કર્યું. આ પછી તેણે PMB આર્ટ એન્ડ લો કોલેજ, ઈન્દોરમાંથી LLBનો અભ્યાસ કર્યો. કાયદાના શિક્ષણ પછી, બમે શ્રી વૈષ્ણવ ઇન્સ્ટિટ્યૂટ ઑફ મેનેજમેન્ટ, ઇન્દોરમાંથી MBA અને શ્રીધર યુનિવર્સિટી, પિલાનીમાંથી મેનેજમેન્ટમાં Phd કર્યું.
इंदौर से कांग्रेस के लोकसभा प्रत्याशी श्री अक्षय कांति बम जी का माननीय प्रधानमंत्री श्री @narendramodi जी, राष्ट्रीय अध्यक्ष श्री @JPNadda जी, मुख्यमंत्री @DrMohanYadav51 जी व प्रदेश अध्यक्ष श्री @vdsharmabjp जी के नेतृत्व में भाजपा में स्वागत है। pic.twitter.com/1isbdLXphb
— Kailash Vijayvargiya (Modi Ka Parivar) (@KailashOnline) April 29, 2024
અક્ષય કાંતિ બમે પોતાના માટે 3.63 કરોડ રૂપિયા અને પત્ની માટે 3.45 કરોડ રૂપિયાની લોન લીધી છે. જ્યારે અક્ષયે તેની પત્નીને 74 લાખ રૂપિયા અને પિતાને 10 લાખ રૂપિયાની લોન આપી છે. બમ પાસે રિયલ એસ્ટેટ ફર્મમાં રૂ. 2.63 કરોડની લોન છે. ઈન્દોરના તિલક નગર સ્થિત જર્નાલિસ્ટ કોલોનીના મકાનમાં હિસ્સો છે.
જ્યારે, BJPએ BJPનો ગઢ કહેવાતા ઈન્દોર સંસદીય ક્ષેત્રથી વર્તમાન સાંસદ શંકર લાલવાણીને ટિકિટ આપી છે. લાલવાણી પાસે 1.95 કરોડની સંપત્તિ છે.
તાજેતરમાં જ ગુજરાતની સુરત લોકસભા બેઠક પરથી BJPના મુકેશ દલાલને બિનહરીફ વિજેતા જાહેર કરવામાં આવ્યા હતા. આ બેઠક પર કોંગ્રેસના ઉમેદવાર નિલેશ કુંભાણીનું નામાંકન એક દિવસ અગાઉ રિટર્નિંગ ઓફિસર દ્વારા રદ કરવામાં આવ્યું હતું. તેમના પ્રસ્તાવકોની સહીઓમાં અનિયમિતતા દર્શાવીને નામાંકન રદ કરવામાં આવ્યું હતું. કોંગ્રેસના ઉમેદવારોના ઉમેદવારીપત્રો રદ થયા પછી બાકીના 8 ઉમેદવારોએ પણ ઉમેદવારી પાછી ખેંચી લીધી હતી. આવી સ્થિતિમાં BJPના ઉમેદવાર મુકેશ દલાલ બિનહરીફ ચૂંટાયા હતા. ચૂંટણી પંચે તેમને વિજયનું પ્રમાણપત્ર પણ આપ્યું હતું.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp