મીકાએ અનંત અંબાણીની સગાઇમાં 10 મિનિટના પર્ફોર્મ કરવાના આટલા કરોડ રૂપિયા લીધા

બિલિયોનેર મુકેશ અંબાણીના નાના દિકરા અનંત અંબાણીની 29મી ડિસેમ્બરના રોજ રાધિકા મર્ચન્ટ સાથે સગાઇ થઇ છે. આ સેરેમનીમાં ઘણા બોલીવુડના સેલેબ્રિટિઝે હાજરી આપી હતી. સ્ટારોથી સજેલી મેહફિલમાં સાંજે સિંગર મીકા સિંહે પોતાના ગીતોથી ચાર ચાંદ લગાવ્યા હતા. મીડિયા રિપોર્ટ્સ અનુસાર તેણે 10 મિનિટનું પરફોર્મન્સ આપ્યું હતું પણ તેના માટે તેને લગભગ દોઢ કરોડ રૂપિયા ફીઝ મળી હતી. મીકા સામાન્ય રીતે આટલા રૂપિયા માટે એક કલાકનો શો કરે છે.

અંબાણી ફેમેલીમાં જે પણ ફંક્શન હોય છે તેમાં મીકા સિંઘ પરફોર્મન્સ કરતો જોવા મળે છે. મુકેશ અંબાણીના મોટા દિકરા આકાશ અંબાણી અને ઇશા અંબાણીના લગ્ના સમયે પણ મીકા સિંઘે પરફોર્મન્સથી મેહફિલ બાંધી હતી. મુકેશ અંબાણીના દિકરા અનંત અંબાણીના એન્ગેજમેન્ટ એનકોર હેલ્થકેરના CEO વીરેન મર્ચન્ટની દિકરી રાધિકા મર્ચન્ટની સાથે રાજસ્થાનમાં થયા છે. રાજસ્થાનના શ્રીનાથજીમાં બન્ને પરિવારો અને નજીકના સંબધીઓની હાજરીમાં સગાઇના રિવાજ કરવામાં આવ્યા હતા.

એન્ગેજમેન્ટ થયા બાદ મુકેશ અંબાણીના ઘર એન્ટીલામાં તેનું સેલિબ્રેશન રાખવામાં આવ્યું હતું. આ સેલિબ્રેશનમાં એન્ટરટેમેન્ટ, બિઝનેસ અને રાજકારણ જગતથી કેટલીક હસ્તીઓઓ હાજરી આપી હતી. ફિલ્મ ઇન્ડસ્ટ્રીમાંથી સલમાન ખાન, શાહરૂખ ખાન, રણબીર કપૂર, આલિયા ભટ્ટ, રણવીર સિંહ, જ્હાનવી કપૂર, અયાન મુખર્જી સહિત કેટલાક સ્ટાર્સ શામેલ થયા હતા.

રાધિકા બિઝનેસમેન વીરેન મર્ચન્ટની દિકરી છે. વીરેન મર્ચન્ટ મુખ્ય રૂપે ગુજરાતના કચ્છના રહેવાસી છે. તેઓ ADF ફૂડ્સ લિમિટેડના નોન એક્સીક્યુટિવ ડાયરેક્ટર હોવાની સાથે સાથે એન્કોર હેલ્થકેર પ્રાઇવેટ લિમિટેડ કંપનીના CEO અને વાઇસ ચેરમેનની ભૂમિકા પણ ભજવી રહ્યા છે. વીરેન મર્ચન્ટની બે દિકરીઓ રાધિકા અને અંજલી મર્ચન્ટ છે. જ્યારે, વીરેન મર્ચન્ટની પત્ની શૈલા પણ એક બિઝનેસવુમન છે અને તે એન્કોર પ્રાઇવેટ લિમિટેડમાં ડાયરેક્ટર છે. રાધિકા પણ આ કંપનીમાં ડાયરેક્ટર તરીકે કામ કરે છે. અંબાણી અને મર્ચન્ટ પરિવાર એક બીજાની સાથે એક ખાસ સંબંધ ધરાવે છે.

હાલ થોડા સમય પહેલા જ ઇશા અંબાણીએ જોડિયા બાળકોને જન્મ આપ્યો છે અને બાળકો 1 મહિનાના થયા પછી ઇશા અંબાણી ભારત પહોંચી હતી અને તેના ઘરમાં તેના બાળકોનું ભવ્ય સ્વાગત થયું હતું. આ બાળકોના જન્મ પર અંબાણી પરિવારે 300 કિલો સોનુ દાન કરવાનું એલાન કર્યું છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.