જમ્મૂ કાશ્મીરના કરમારા સેક્ટરમાં LoCની પાસે ભારતીય સેનાએ ત્રણ આતંકવાદીઓને પકડ્યા. આ ત્રણેય 30 મેની રાત્રે ખરાબ હવામાન અને વરસાદનો ફાયદો ઉઠાવીને ભારતીય સરહદમાં ઘૂસણખોરીનો પ્રયાસ કરી રહ્યા હતા. સેનાના જવાનોએ ફેન્સિંગ ક્રોસ કરી રહેલા ત્રણેય આતંકીઓ પર ફાયરિંગ કર્યું. સેનાએ તેમની પાસેથી 10 કિલો IED, AK-56 રાઇફલ સહિત ભારે માત્રામાં હથિયાર અને ડ્રગ્સ જપ્ત કર્યા છે. ફાયરિંગમાં ઇજાગ્રસ્ત એક આતંકવાદીની પૂંછની હોસ્પિટલમાં સારવાર ચાલી રહી છે. વિસ્તારમાં સર્ચ ઓપરેશન ચાલુ છે.
પૂંછના ગુલપુર વિસ્તારમાં કરમારા ગામમાં નિયંત્રણ રેખા પર સેનાએ સંદિગ્ધ ગતિવિધિ જોઈ. ત્યારબાદ રાત્રે આશરે 4 વાગ્યે જવાનોએ સર્ચ ઓપરેશન શરૂ કર્યું. સેના તરફથી એક્શન જોઈ આતંકીઓએ ગોળીબારી શરૂ કરી દીધી, જવાબી ફાયરિંગમાં એક ઘૂસણખોરને પગમાં ગોળી વાગી. ફાયરિંગમાં સેનાનો એક જવાન પણ ઈજાગ્રસ્ત થયો છે.
ઘૂસણખોરોની ઓખળ મોહમ્મદ ફારૂક (26), મોહમ્મદ રિયાઝ (23) અને મોહમ્મદ જુબૈર (22) ના રૂપમાં થઈ છે. તમામ કરમારાના નિવાસી છે. ફારૂકના પગમાં ગોળી વાગી છે. સેનાના જણાવ્યા અનુસાર, આ ત્રણેયને બોર્ડર પારથી હથિયાર અને ડ્રગ્સની ખેપ મળી હતી. તેઓ તેની તસ્કરી કરવાનો પ્રયત્ન કરી રહ્યા હતા, ત્યારે જ સૈનિકોએ તેમને રોકી લીધા.
તેમની પાસે AK-56 રાઇફલ, બે પિસ્તોલ, છ ગ્રેનેડ, પ્રેશર કુકરમાં મુકેલો એક IED અને હેરોઇનના 20 પેકેટ જપ્ત કર્યા છે. ઘૂસણખોરો પાસેથી મળેલા 10 કિલો એક્સપ્લોસિવને સેનાએ બાદમાં સુરક્ષિતરીતે નષ્ટ કર્યો. આ સમગ્ર ઘટનાક્રમ દરમિયાન સેનાના એક જવાન અને આતંકી ઉપરાંત કોઈ અન્ય પ્રકારનું નુકસાન થવાના સમાચાર નથી.
#WATCH | J&K: Three terrorists were apprehended by Indian Army and J&K Police on the Line of Control in the Poonch Sector. One Indian Army soldier was injured in the ensuing firing and has been evacuated. IED was later diffused by Army Bomb Disposal Squad. pic.twitter.com/onuCzUQcVC
— ANI (@ANI) May 31, 2023
આતંકીઓ પાસેથી એક AK-56 રાઇફલ, જેની મેગજીનમાં 10 કારતૂસ મળી, બે પિસ્તોલની સાથે બે મેગજીન અને 70 કારતૂસ, 10-12 કિલો IED, 6 ચાઇનીઝ ગ્રેનેડ અને 20 પેકેટ ડ્રગ્સ જપ્ત કર્યું છે. પુંછ જિલ્લા હોસ્પિટલના ડૉ. ઇશ્ફાક અનુસાર, પોલીસ ફારુકને સવારે 7.15 વાગ્યે લઇને આવી હતી. ફારુકની ડાબી જાંઘમાં ગોળી વાગી છે. આ ઉપરાંત તેને અન્ય ઇજા નથી થઈ. બારામૂલામાં વનિગમ પાયીન ક્રેરી વિસ્તારમાં સુરક્ષાદળોએ ગુરુવારે 2 આતંકીઓને ઢેર કર્યા હતા. આ પોલીસ અને સેનાનું જોઇન્ટ ઓપરેશન હતું. જેને 29RR, સેન્ટ્રલ રિઝર્વ પોલીસ અને જમ્મૂ-કાશ્મીર પોલીસે મળીને ચલાવ્યું. આતંકીઓ પાસેથી એક AK-47, એક પિસ્તોલ અને દારૂગોળો જપ્ત કરવામાં આવ્યો હતો.
J&K | Three-four terrorists were intercepted by Indian Army and J&K Police on the Line of Control in the Poonch Sector while attempting to cross the fence. Three terrorists were apprehended and some weapons, war-like stores including one IED and Narco were recovered. One Indian… pic.twitter.com/28IpTRcskz
— ANI (@ANI) May 31, 2023
આ અગાઉ એક દિવસ પહેલા પણ માછિલ સેક્ટરમાં ઘૂસણખોરીનો પ્રયાસ નિષ્ફળ બનાવવામાં આવ્યો હતો. આ ઓપરેશનમાં પણ બે આતંકીઓને ઢેર કરાયા હતા. આતંકીઓએ નિયંત્રણ રેખાની પાસેથી ઘૂસણખોરીનો પ્રયાસ કર્યો હતો.
15.jpg)
