ગુજરાતમાં બનેલો 60 ક્વિન્ટલ વજનનો ૐ કેદારનાથ ધામમાં સ્થાપિત થયો, Video

ઉત્તરાખંડમાં આવેલા કેદારનાથના ગોલ પ્લાઝામાં ભગવાન આશુતોષના દ્વાદશ જ્યોતિર્લિંગમાં 60 ક્વિન્ટલ વજનની ભવ્ય કાંસાની ૐની આકૃતિ સ્થાપિત કરવામાં આવશે. આ આકૃતિને સ્થાપિત કરવા માટે, જિલ્લા ડિઝાસ્ટર મેનેજમેન્ટ ઓથોરિટીએ સફળ ટ્રાયલ હાથ ધરી છે. જલ્દી જ જરૂરી કામ પૂર્ણ થતાં તેને કાયમી ધોરણે સ્થાપિત કરી દેવામાં આવશે. 

केदारनाथ में ऊँ की स्थापना। जय श्री बाबा केदार🙏

Establishment of Om in Kedarnath. Jai Shree Baba Kedar ❣️#Kedarnath #Harharmahadev #HarHarMahadevॐ #Sanatan #Sanskar #Sanskriti pic.twitter.com/STv6gkS663

— Omkara (@OmkaraRoots) May 16, 2023

PM નરેન્દ્ર મોદીના ડ્રીમ પ્રોજેક્ટ હેઠળ કેદારનાથને સુરક્ષિત કરવાની સાથે તેને ભવ્ય રીતે શણગારવામાં આવી રહ્યો છે. આ દિવસોમાં કેદારનાથ ધામમાં બીજા તબક્કાનું કામ પૂરજોશમાં ચાલી રહ્યું છે. પ્રથમ તબક્કામાં મંદિર સંકુલના વિસ્તરણની સાથે મંદિર માર્ગ અને ગોલ પ્લાઝાનું નિર્માણ કરવામાં આવ્યું હતું. 

હવે, આ ગોળાકાર પ્લાઝા, જે મંદિરથી લગભગ 250 મીટર પહેલા સંગમની બરાબર ઉપર સ્થિત છે, તેના પર ૐની આકૃતિ સ્થાપિત કરવામાં આવી રહી છે. કાંસાની બનેલી 60 ક્વિન્ટલ વજનની ૐની આકૃતિ ગુજરાતના વડોદરામાં બનાવવામાં આવી છે. 

ડિસ્ટ્રિક્ટ ડિઝાસ્ટર મેનેજમેન્ટ ઓથોરિટી, લોનીવીએ હાઈડ્રા મશીનની મદદથી ગોલ પ્લાઝામાં ૐ આકૃતિને સ્થાપિત કરવા માટે ટ્રાયલ હાથ ધર્યું હતું, જે સંપૂર્ણ રીતે સફળ રહ્યું હતું. એક્ઝિક્યુટિવ બોડીના EE વિનય ઝીકવાને જણાવ્યું કે, ૐના આકારને સંપૂર્ણ રીતે સુરક્ષિત કરવા માટે ચારેય બાજુથી તાંબા વડે વેલ્ડિંગ કરવામાં આવશે. તેમજ વચ્ચેના ભાગની સાથે સાથે તેની કિનારીઓને પણ સુરક્ષિત કરવામાં આવશે, જેથી કરીને તેને હિમવર્ષાને કારણે નુકસાન ન થાય. એક અઠવાડિયાની અંદર ૐ આકૃતિ કાયમી ધોરણે સ્થાપિત કરી નાંખવામાં આવશે. 

રુદ્રપ્રયાગના જિલ્લા મેજિસ્ટ્રેટ મયુર દક્ષિતે જણાવ્યું કે, ૐની આકૃતિ સ્થાપિત થયા પછી કેદારનાથ ગોલ પ્લાઝાની ભવ્યતા એકદમ વધી જશે. DDMA દ્વારા ૐ આકૃતિની સ્થાપના માટે જરૂરી કાર્યવાહી પૂર્ણ કરવામાં આવી રહી છે. 

કેદારનાથમાં દુર્ઘટના બાદ કેદારપુરીને જે રીતે નુકસાન થયું હતું, હવે તેને સુંદર બનાવવા માટે પુનઃનિર્માણના ઘણા પ્રોજેક્ટ્સ પર કામ ચાલી રહ્યું છે. જે મંદિર સંકુલને વધુ સુંદર અને ભવ્ય બનાવશે. આ હેતુ માટે, કેદારનાથના ગોલ પ્લાઝામાં 60 ક્વિન્ટલ વજનની ભવ્ય કાંસાની મૂર્તિ સ્થાપિત કરવામાં આવશે. 

કેદારનાથ એ ભગવાન શિવનું 11મું જ્યોતિર્લિંગ છે, અને સૌથી ઉંચા સ્થાને જ્યોતિર્લિંગ છે. ઉત્તરાખંડના ચાર ધામોમાં કેદારનાથ ત્રીજા નંબરે છે. આ મંદિર રૂદ્રપ્રયાગ જિલ્લામાં આવેલું છે. ભગવાન વિષ્ણુનું બદ્રીનાથ ધામ દેશના અને ઉત્તરાખંડના ચાર ધામોમાંનું એક છે. આ મંદિર ચમોલી જિલ્લામાં આવેલું છે. 

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.