આ તે કેવો રાક્ષસ, પત્ની, 2 દીકરી, 1 દીકરાની હત્યા કરીને પછી પોતે પણ લટકી ગયો

ઉત્તર પ્રદેશથી એક એવી ઘટના સામે આવી છે જે જાણીને તમે ક્રોધથી લાલચોલ થઇ જશો. શૈતાનને પણ શરમાવે તેવી એક હરકત યુવાને કરી છે. પોતાની પત્નીનું માથું ફોડી નાંખીને યમસદન પહોંચાડી દીધી, પછી 2 માસૂમ દીકરીઓ અને એક દીકરાનું ગળું દબાવીને હત્યા કરી નાંખી, એ પછી પોતે ફાંસી પર લટકી ગયો. આવા રાક્ષસોને કારણે પરિવારની જિંદગી નર્ક બની જતી હોય છે.

ઉત્તર પ્રદેશના જૌનપુર જિલ્લાના મડિયાહૂ પોલીસ સ્ટેશન વિસ્તારમાં આવતા જયરામપુર કસ્બામાં મંગળવારે મોડી રાત્રે એક યુવકે પોતાની પત્નીનું માથું ફોડી નાંખ્યું હતું અને મોતને ઘાટ ઉતારી હતી, જ્યારે 2 દીકરીઓ અને 1 દીકરાના ગળા દબાવીને હત્યા કરી નાંખી હતી, પછી ફાંસીએ લકટી ગયો હતો. પિતા હોય તે દીકરી પર હાથ ઉઠાવતા સો વખત વિચાર કરે અને આ રાક્ષસે તો 3 સંતાનોના ગળા દબાવી દીધા.

જૌનપુરના જયરામપુર કસ્બામાં રહેતા 35 વર્ષના નાગેશ વિશ્વકર્માએ પત્ની અને 3 સંતાનોની હત્યા કર્યા પછી રૂમમાં જઇને ફાંસી પર લટકી ગયો હતો. સવારે જ્યારે નાગેશના ઘરના દરવાજા ન ખુલ્યા તો પડોશી તેમને ઉઠાડવા માટે પહોંચ્યા હતા. પડોશીને એમ કે આજે કેમ આ લોકો મોડે સુધી જાગ્યા નથી. પરંતુ નાગેશના ઘરમાં જઇને પડોશીએ જે દ્રશ્ય જોયેં તે જોઇને તેમના હોંશ ઉડી ગયા હતા.તેમના મોંઢામાંથી ચીસ નિકળી ગઇ હતી, કારણકે ઘરમાં 5 લાશો પડી હતી.

નાગેશના ભત્રીજાએ પોલીસને જાણ કરી હતી. ઘટનાની જાણ થતા આખા ગામમાં પરિવારના પાંચેય લોકોના મોત થી શોકની લાગણી ફેલાઇ ગઇ હતી. હત્યાની ઘટનાની જાણકારી મળતા SP ગ્રામિણ ડો, અજય કુમાર શર્મા, CO મડિયાહુ અને 5 પોલીસ સ્ટેશનનો સ્ટાફ ઘટના સ્થળે પહોંચ્યો હતો અને તપાસ શરૂ કરી હતી. પોલીસે નાગેશના ભાઇ અને પરિવારજનોને પણ પોલીસ સ્ટેશને બોલાવ્યા હતા. જાણવા મળેલી માહિતી મુજબ ઘટના પાછળા પારિવારિક તણાવ અને નોકરી નહીં મળવી મુખ્ય કારણ હોય શકે છે.

જાણવા મળેલી માહિતી મુજબ મડિયાહૂ તહસીલના સલાલુપુર ગામમાં સ્વ. પ્રેમશંકર વિશ્વકર્માના બે પુત્રો છે એક ત્રિભુવન અને બીજો નાગેશ. બંને ભાઇઓ 8 વર્ષ પહેલાં જ અલગ થઇ ગયા હતા. નાગેશ વિશ્વકર્મા જયરામપુર કસ્બામાં રહેવા ચાલ્યો ગયો હતો.બંને વચ્ચે મુંબઇ અને ગામના ઘરોનું વિભાજન કરી દેવામાં આવ્યું હતું.

In UP's Jaunpur, a man murdered his wife, three children 12, 5, 3 and later killed himself. Police in its statement said the motive behind man taking this extreme step is yet to be ascertained. pic.twitter.com/fdIE2vN7fi

— Piyush Rai (@Benarasiyaa) July 5, 2023

પોલીસે કહ્યું હતું કે નાગેશ વિશ્વકર્મા પોતાની 31 વર્ષની પત્ની રાધિકા, 11 વર્ષની પુત્રી નિકિતા, 3 વર્ષની પુત્રી આયુષી અને 8 વર્ષનો દીકરો આદર્શ એમ 5 જણનો પરિવાર સાથે રહેતો હતો.પોલીસે કહ્યું કે આ નિર્દય નાગેશે પત્ની રાધિકાને માથામાં હઠોડાનો ઘા ઝંકીને મોતને ઘાટ ઉતારી હતી અને 3 બાળકોના સાડીથી ગળા દબાવીને હત્યા કરી નાંખી હતી. પછી પંખાના હુક સાથે લટકી ગયો હતો.