રોડ પર સ્ટંટ કરતા છોકરાઓના વીડિયો અવાર-નવાર સોશિયલ મીડિયા પર વાયરલ થતા રહે છે. ક્યારેક ચાલતી બાઈક પર કપલ કિસ કરતો વીડિયો સામે આવે છે તો ક્યારેક કારની ઉપર ઉભા રહીને ડાન્સ કરતા છોકરાઓનો વીડિયો વાયરલ થાય છે. હવે આવો જ એક વીડિયો મુંબઈથી સામે આવ્યો છે, જેમાં એક છોકરો બે છોકરીઓને બાઇક પર બેસાડીને ખતરનાક સ્ટંટ કરી રહ્યો છે. આ વીડિયો વાયરલ થતાં જ મુંબઈ પોલીસે કાર્યવાહી કરી હતી.
સોશિયલ મીડિયા પર ઝડપથી વાયરલ થઈ રહેલા વીડિયોમાં જોઈ શકાય છે કે, છોકરો બાઇક ચલાવી રહ્યો છે અને તેની સામે એક છોકરી બેઠી છે અને બીજી છોકરી છોકરાની પાછળ બેઠી છે. આ બંને છોકરીઓ છોકરાને મજબૂત રીતે પકડી રાખે છે, છોકરો પૂરપાટ ઝડપે બાઇક ચલાવતો અને બાઇકના આગળના વ્હીલને રોડ પરથી ઉંચકીને કેટલાય મીટર સુધી તેને ચલાવતો જોવા મળે છે. કોઈએ હેલ્મેટ પહેર્યું નથી.
વાયરલ વીડિયો પર કાર્યવાહી કરીને મુંબઈ પોલીસે છોકરાની ઓળખ કરી તેની ધરપકડ કરી છે. મુંબઈ પોલીસે કહ્યું, 'બે છોકરીઓ સાથે બાઇક પર સ્ટંટ કરનાર છોકરાની ધરપકડ કરવામાં આવી છે. આરોપી છોકરાનું નામ ફયાઝ કાદરી છે. પોલીસ દ્વારા જણાવવામાં આવ્યું હતું કે, બાઇકના રજીસ્ટ્રેશન નંબરના આધારે છોકરાની શોધ કરીને તેના ઘરેથી ધરપકડ કરવામાં આવી હતી, તપાસમાં જાણવા મળ્યું હતું કે આ વીડિયો ડિસેમ્બર 2022નો છે. ગુનાહિત ઈતિહાસ ધરાવતા આરોપીને વડાલા TT PSમાંથી એક વર્ષ માટે કાઢી મુકવામાં આવ્યો હતો.
અહીં તમને જણાવી દઈએ કે, આ સ્ટંટ વીડિયો પર મુંબઈ ટ્રાફિક પોલીસે ટ્વીટ કરીને કહ્યું હતું કે, બાંદ્રા કુર્લા કોમ્પ્લેક્સ પોલીસ સ્ટેશનમાં કેસ નોંધવામાં આવ્યો છે. આરોપીની ઓળખ માટે તપાસ ચાલુ છે. જો કોઈને આ વિડિયોમાંના વ્યક્તિઓ વિશે કોઈ માહિતી હોય તો તમે અમને સીધો DM કરી શકો છો.
@Chai_Coffee નામના ટ્વીટર હેન્ડલ પરથી લખવામાં આવ્યું છે કે, જો કોઈ છોકરાએ મારી સાથે આવું કર્યું હોત તો મેં જાતે જ આ છોકરા પર FIR કરાવી હોત. @mandar2404 નામના યુઝર લખે છે, 'આશા છે કે છોકરીઓની પણ ધરપકડ કરવામાં આવશે.' @0din નામના યુઝરે કહ્યું, હવે ભલે ગમે તે થયું, પણ ભાઈએ છોકરીઓને પડવા ન દીધી. @PechuLaaL નામના યુઝરે સૂચવ્યું કે, જો તે આ કામ ફિલ્મોમાં કરશે તો તેને થોડા પૈસા મળશે.
#WATCH | Mumbai Police arrested a man namely Faiyaz Qadri, whose bike stunts with two women seated on his two-wheeler had gone viral. The accused was arrested by BKC police under whose jurisdiction the incident took place: Mumbai Police
— ANI (@ANI) April 2, 2023
(Viral video, confirmed by Police) pic.twitter.com/CCRUPNOq4A
@NoQtiyapaએ ટ્વિટર હેન્ડલ લખ્યું છે કે, આ છોકરીઓનું સન્માન કરવું જોઈએ. @deepakr247 નામના યુઝર લખે છે કે, આ બધી ગેરકાયદેસર હરકતો ફિલ્મો દ્વારા શીખવામાં આવે છે. આ બધું ઉડાઉ છોકરીઓને પ્રભાવિત કરવા માટે થઈ રહ્યું છે. છોકરીઓના માતાપિતાએ જાણકારી આપવી જોઈએ. @shuchiism નામના યુઝરે કહ્યું, જો બાઇક થોડું સ્લીપ થયું હોત તો બેગમ અને બાદશાહ નીચે આવી ગયા હોત.
નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.
તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.
ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp
