ભોલેનાથનો અદ્ભુત ભક્ત, ખભા પર 51 લીટર ગંગાજળ લઈને કરી રહ્યા છે 350 Kmની પદયાત્રા

આ દુનિયામાં સૌથી વધારે ભક્તો ભગવાન ભોલેનાથના જ દેખાઈ રહ્યા છે, કારણ કે, કહેવાય છે કે ભગવાન ભોલેનાથ તરત જ ભક્તોની અરજ સાંભળી લે છે. અત્યારે પવિત્ર શ્રાવણ મહિનો ચાલી રહ્યો છે અને આ મહિનામાં આપણને એક એકથી ચડિયાતા મહાદેવના ભક્તો દેખાઈ રહ્યા છે. જેઓ ભગવાન મહાદેવની અલગ-અલગ રીતે પૂજા-અર્ચના કરવા માટે લાંબા અંતરની યાત્રા કરી રહ્યા છે.

અસરગંજ કાવડિયાઓની કાચી સડક પર એક એવા શિવ ભક્તના દર્શન થયા, જે કાવડ યાત્રામાં 51 લીટર પવિત્ર જળ લઈને પદયાત્રા કરી રહ્યા છે. ઝારખંડના ગિરિડીહ જિલ્લાના સરૈયા ગામનો રહેવાસી વિરાટ દેશ અને દુનિયામાં સનાતન ધર્મ અને હિંદુ એકતાનો પ્રચાર કરવા માટે 51 લિટર ગંગાજળ પોતાના ખભા પર લઈને પોતાના ઘરથી 350 કિલોમીટરની પગપાળા મુસાફરી કરી રહ્યો છે.

અહીં તમને જણાવી દઈએ કે, શિવ ભક્ત વિરાટ 8 જુલાઈએથી આ યાત્રા પર નીકળ્યા છે, જે પોતાના જિલ્લાના ઉત્તર વાહિની ગંગા કિનારેથી જળ લઈને સુલતાનગંજના બાબા અજગૈબીનાથ ધામ પહોંચશે અને ત્યાં ભોલેનાથનો જલાભિષેક કરશે. ત્યારબાદ સુલતાનગંજના ગંગા કિનારેથી 51 લીટર પાણી લઈને બાબા બૈદ્યનાથ જ્યોતિર્લિંગની યાત્રા શરૂ કરી.

શિવભક્ત વિરાટે કહ્યું કે, હું આ યાત્રા કોઈ અંગત મનોકામના સાથે નથી કરી રહ્યો, પરંતુ વિશ્વભરના સનાતનીઓને એક કરવાની ઈચ્છા સાથે જઈ રહ્યો છું. મેં મારા નિવાસસ્થાન રજદા ધામ મંદિરથી મારી યાત્રા શરૂ કરી છે. તેમણે કહ્યું કે, મને બાળક હોવાનો ગર્વ છે, પરંતુ આજે લોકો જાતિના આધારે વહેંચાયેલા છે, તેમણે આ રીતે વિભાજિત ન થવું જોઈએ અને બધાએ એક થઈને ચાલવું જોઈએ. તેણે કહ્યું કે, અગાઉ આ હેતુ માટે મેં 4500 કિલોમીટર પગપાળા પ્રવાસ કર્યો હતો. જેમાં મેં કાશી વિશ્વનાથ, વિંધ્યાચલ, મૈહિયાર, ઉજ્જૈન મહાકાલેશ્વર, અયોધ્યા, કટરા, હનુમાન જી, હરિદ્વાર, કેદારનાથ અને અન્ય ઘણા તીર્થસ્થાનોની મુલાકાત લીધી હતી. જે પૂર્ણ કરવામાં મને 201 દિવસ લાગ્યા. હમણાં મેં આ યાત્રાના 27 દિવસ પૂરા કર્યા છે. તેમણે કહ્યું કે, મારી પોતાની કોઈ માનતા-બાધા નથી, હું માત્ર એટલું ઈચ્છું છું કે સનાતન ધર્મમાં એકતા રહે. તેમણે વધુમાં કહ્યું કે, જો મનમાં ભગવાન પ્રત્યે સાચી શ્રદ્ધા હોય તો દરેક કાર્ય શક્ય બને છે. ભોલે બાબા પ્રત્યેની આ શ્રદ્ધા આપણને આપણા લક્ષ્યને પૂર્ણ કરવામાં મદદ કરે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.