પગથી તીર ચલાવી ગોલ્ડ જીત્યો, આનંદ મહિન્દ્રાએ કહ્યું- મનપસંદ કાર સિલેક્ટ કરી લો

On

દુનિયાની પહેલી હાથ વિનાની મહિલા તીરંદાજ છે શીતલ દેવી. જેણે હાલમાં જ ચીનના હાંગઝૂમાં થયેલી એશિયન પેરા ગેમ્સ 2023માં જોરદાર પ્રદર્શન કરતા દેશ માટે ગોલ્ડ અને સિલ્વર મેડલ જીત્યા છે. તીરંદાજ શીતલ દેવીની પ્રતિભાના બિઝનેસમેન આનંદ મહિન્દ્રા પણ કાયલ થઇ ગયા છે. એજ કારણ છે કે, હવે આનંદ મહિન્દ્રાએ તીરંદાજ શીતલ દેવીને ખૂબ જ ખાસ ભેટ આપવાની જાહેરાત કરી છે.

દેશના દિગ્ગજ ઉદ્યોગપતિ આનંદ મહિન્દ્રાની એક સોશિયલ મીડિયા પોસ્ટ ઝડપથી વાયરલ થઇ રહી છે. તેમણે આ પોસ્ટ એશિયન પેરા ગેઇમ્સમાં બે ગોલ્ડ મેડલ હાંસલ કરનારી તીરંદાજ શીતલ દેવી માટે કરી છે. શીતલ દેવીના હાથ નથી. તે પગથી નિશાનો સાધે છે. તેની આ ઉપલબ્ધિ પછી આનંદ મહિન્દ્રાએ તેને ખાસ ભેટ આપવાની જાહેરાત કરી છે. તેમણે કહ્યું કે, શીતલ પોતાની ફેવરિટ કોઇપણ કાર સિલેક્ટ કરી શકે છે. હમે એ કારને તેમના હિસાબે કસ્ટમાઇઝ કરીશું.

આનંદ મહિન્દ્રાએ એક્સ પર પોસ્ટ શેર કરી શીતલ દેવીનો એક વીડિયો પણ શેર કર્યો છે. તેમણે આ વીડિયોના કેપ્શનમાં લખ્યું કે, હું હવે મારા જીવનમાં ક્યારેય પણ નાની-મોટી સમસ્યાઓ વિશે ફરિયાદ કરીશ નહીં. શીતલ દેવી તમે અમારા સૌ કોઇ પણ એક શિક્ષક સમાન છે. કૃપા કરી અમારી રેન્જમાંથી તમે કોઇપણ કાર સિલેક્ટ કરી લો અને અમે તેને તમારા ઉપયોગ માટે તમારા હિસાબે કસ્ટમાઇઝ કરીશું. આનંદ મહિન્દ્રાની આ પહેલને લોકો ખૂબ વખાણી રહ્યા છે.

પગથી કરે છે તીરંદાજી

જમ્મુ કાશ્મીરની રહેનારી 16 વર્ષીય શીતલના હાથ નથી. તે પગથી જ તીરંદાજી કરે છે. કિશ્તવાડના દૂરના વિસ્તારમાં સૈન્ય શિવિરમાં મળી આવેલી શીતલને ભારતીય સેનાએ દત્તક લીધી હતી. તેણે એશિયન પેરા ગેઇમ્સમાં વ્યક્તિગત કમ્પાઉન્ડ વર્ગમાં ગોલ્ડ મેડલ જીત્યો છે. આ પહેલા જુલાઈમાં શીતલે પેરા વિશ્વ તીરંદાજીમાં પણ સિંગાપુરની અલીમ નૂર એસને હરાવી ગોલ્ડ મેડલ જીત્યો હતો.

આનંદ મહિન્દ્રા દ્વારા શેર કરવામાં આવેલી પોસ્ટને લોકો ખૂબ પસંદ કરી રહ્યા છે. જેને અત્યાર સુધીમાં 2.3 મિલિયન લોકો જોઇ ચૂક્યા છે અને 67 હજારથી વધારે લોકોએ પોસ્ટને લાઇક કરી છે. પોસ્ટ જોયા પછી એક યૂઝરે લખ્યું કે, હા સર. ખરેખર વાસ્તવમાં આ આપણા બધા માટે પ્રેરણાદાયી છે. શીતલનો સાહસ અને ઉપલબ્ધિ અદ્ભૂત છે.

Related Posts

Top News

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 13-03-2025 દિવસ: ગુરુવાર મેષ: તમારે તમારા કેટલાક મહત્વપૂર્ણ કાર્યોને છોડી દેવાની જરૂર નથી, નહીં તો તે તમારા માટે સમસ્યાઓ...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

પાકિસ્તાની રાજદૂતને USમાં પ્રવેશ ન આપ્યો, ઇમિગ્રેશન દ્વારા તેમને દેશની બહાર કાઢવામાં આવ્યા

તુર્કમેનિસ્તાનમાં પાકિસ્તાનના રાજદૂતને અમેરિકામાં પ્રવેશવાની મનાઈ કરવામાં આવી હતી અને તેમને દેશનિકાલ કરવામાં આવ્યા હતા. પાકિસ્તાનની એક સ્થાનિક TV ન્યૂઝ...
World 
પાકિસ્તાની રાજદૂતને USમાં પ્રવેશ ન આપ્યો, ઇમિગ્રેશન દ્વારા તેમને દેશની બહાર કાઢવામાં આવ્યા

વડોદરા: લાયકાત વગરના પૂર્વ કુલપતિની દાદાગીરી, બંગલો ખાલી નથી કરતો

વડોદરાની  M.S. યુનિવર્સિટીમાંથી લાયકાત ન હોવાને કારણે હકાલપટ્ટી કરાયેલા પુર્વ કુલપતિ ડો. વિજય શ્રીવાસ્તવ પોતાને ફાળવેલા બંગલો ખાલી નથી કરતો....
Education 
વડોદરા: લાયકાત વગરના પૂર્વ કુલપતિની દાદાગીરી, બંગલો ખાલી નથી કરતો

જલેબીથી ગોબર સુધી..., વિધાનસભામાં પોતાની જ સરકારના મંત્રી સાથે ઝઘડી પડ્યા BJPના MLA

હરિયાણા વિધાનસભાના અધ્યક્ષે કેબિનેટ મંત્રી અને ભાજપના ધારાસભ્ય વચ્ચે થયેલી વાતચીતને સદનની કાર્યવાહીમાંથી હટાવી દીધી છે. મંગળવારે હરિયાણા વિધાનસભાના બજેટ...
National  Sports 
જલેબીથી ગોબર સુધી..., વિધાનસભામાં પોતાની જ સરકારના મંત્રી સાથે ઝઘડી પડ્યા BJPના MLA

Opinion

Copyright (c) Khabarchhe All Rights Reserved.